Ruti 2:14 - Mandinka Bible

¹⁴ Kabiriŋ domori waatoo siita, Bowasi ko a ye ko, “Naa jaŋ, i ye mbuuroo doo bula wayini* kumuŋo kono, i ye a domo.” Wo to le Ruti siita katirilaalu daala. Bowasi ye dempeteŋo fanaa dii a la, a ye a domo, fo a konoo faata, a ye too tu.

Ruti 2:14 Mawu Ofanana

2 Samuweli 17:28

Ì ye laaraŋ feŋolu, booloolu, kaleeroolu samba naŋ, ì ye domoroo samba naŋ Dawuda niŋ a la kewolu ye, wiiti* niŋ baali* siimaŋo, fariñoo, dempeteŋo, sosoo, soso meseŋo, liyo, ciisi, feenewo, aniŋ saajiyolu. Ì ye a loŋ ne ko, Dawuda niŋ a la kewolu konkota le, mindoo ye ì muta, aduŋ ì bataata keñewuloo kono le.

Jabuuroolu 23:5

I ye domori buuñaariŋo le parendi n ye, n jawoolu ñaatiliŋo la. I ye tulu seeralaa maa n kuŋo la. I ye n na mindaŋo fandi fo a ka boŋ.

Yesaya 32:8

Bari moo kendoo ka feere kendoo le taamandi, aduŋ a ka loo kuu kendoo le kaŋ.

Yesaya 58:7

Ali niŋ konkotoolu ye ali la domoroolu talaa, ali ye ali la koridaalu yele fuwaaroolu ye, mennu maŋ yaa soto. Ali dendikoolu dii moolu la, mennu maŋ feŋ soto ì be meŋ duŋ na, aduŋ ali kana balaŋ ka ali fansuŋ baadiŋolu maakoyi.

Matiyu 14:20

Aduŋ ì bee ye domoroo ke, fo ì konoo faata. Bituŋ saayiboolu ye sinsiŋ taŋ niŋ fula le fandi mbuuru kuntu toolu la, mennu tuta jee.

5 Musa 11:15

Ali si domoroo ke fo ali konoolu ye faa. Ali la beeyaŋolu fanaa te foo la ñaamoo la.

5 Musa 8:10

Niŋ ali ye domoroo ke fo ali konoo faata, ali si Yaawe ali la Alla tentu, kaatu ate le ye ñiŋ banku kendoo dii ali la.

Ruti 2:13

A ko Bowasi ye ko, “M maarii, Allamaa i ye tenteŋ ka balafaa n ye. I ye n sabarindi, i diyaamuta n ye ñaameŋ, wo ye nte i la dookuulaa musoo niyo seewondi le, m maŋ tara i la dookuulaa musoolu la palaasoo to ñaa-wo-ñaa.”

Ruti 2:15

Kabiriŋ a wulita karaŋ feefewo la, Bowasi ye kaŋo dii a la dookuulaa kewolu la ko, “Hani niŋ a ye tombondiroo ke kunsitoolu le teema, ali kana feŋ-wo-feŋ fo a ye.

Ruti 2:18

A ye a duni ka muru suwo kono, a bitammusu ye a je, a ye meŋ kafu ñoo ma, aduŋ domori too meŋ fanaa tuta, a ye a samba naŋ ne, a ye a dii a la.

1 Samuweli 17:17

Luŋ kiliŋ Yese ko Dawuda ye ko, “Ñiŋ dempeteŋ kilo taŋo taa, aniŋ mbuuru kuŋ taŋ, i tariyaa i ye ì samba i kotoolu ye daakaa to.

1 Samuweli 25:18

Abikali tariyaatoo ye mbuuru kuŋ keme fula taa, sufuroo, meŋ be faariŋ wayinoo* la, wo fanaa fula, saajii tabiriŋ luulu, dempeteŋo kilo taŋ niŋ woorowula, wayini* yiridiŋ jaaroo seeri keme, aniŋ sooto diŋ jaaroo seeri keme fula, a ye ì ke faloolu koo to.