Roomankoolu 9:6 - Mandinka Bible

⁶ A maŋ ke ko, Alla la kumoo maŋ timma, bari ali si a je ko, moolu mennu bonsuŋo mu Isirayila ti, ì bee maŋ ke Banisirayilanka tooñaalu ti.

Roomankoolu 9:6 Mawu Ofanana

Yesaya 55:11

N ka n na kumoo meŋ fo, be wo le ñaama, a te muruŋ na n kaŋ kensenke, bari n lafita meŋ na, a be wo le timmandi la, ŋa a bula ka meŋ taamandi, a ka wo le ke.

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

Matiyu 24:35

Saŋo niŋ bankoo be yeemaŋ na le, bari nte la kumoolu te yeemaŋ na muk.

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Yohana 10:35

Aduŋ Kitaabu Senuŋo buka faliŋ! Alla ye wo moolu kumandi alloolu le la, a la kumoo naata mennu kaŋ.

Roomankoolu 3:3

Saayiŋ duŋ, niŋ doolu maŋ foroyaa Alla ye, fo ì la kuwo si Alla la foroyaa tiñaa noo le baŋ?

Roomankoolu 9:4

Wolu le mu Banisirayilankoolu ti, Alla ye mennu ke a diŋolu ti nuŋ. A la kallankeeyaa* keta itolu le la keetaa ti. Itolu le naata kambeŋo niŋ Luwaa soto, batuñaa kendoo aniŋ laahidoolu.

Kalatiyankoolu 6:16

Hiinoo niŋ kayiroo be moo bee ye, mennu ka taama ñiŋ siloo la, aniŋ mennu bee mu Alla la Banisirayila ti.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

2 Timoti 2:13

Niŋ m̀ maŋ foroyaa, ate ka tu foroyaariŋ ne, kaatu a te balaŋ noo la a faŋo ma.