Roomankoolu 9:4 - Mandinka Bible

⁴ Wolu le mu Banisirayilankoolu ti, Alla ye mennu ke a diŋolu ti nuŋ. A la kallankeeyaa* keta itolu le la keetaa ti. Itolu le naata kambeŋo niŋ Luwaa soto, batuñaa kendoo aniŋ laahidoolu.

Roomankoolu 9:4 Mawu Ofanana

1 Musa 15:18

Wo luŋ ne mu, Yaawe ye kambeŋo londi a niŋ Iburama teema ka a fo a ye ko, “Ŋa ñiŋ bankoo dii i koomalankoolu la le, ka bo Misira Wulumbaŋo bala, ka taa fo boloŋ baa bala, meŋ mu Yufurati Boloŋo ti.

1 Musa 17:10

Ñiŋ mu nte niŋ ite teema kambeŋ ne ti, i ñanta meŋ muta la, ka taa fo mennu be bo la i bala. Kee-wo-kee ali kono, ì bee ñanta sunna la le.

1 Musa 17:2

M be n na kambeŋo siti la n niŋ i teema, aduŋ m be i koomoo siyandi la famfaŋ.”

1 Musa 17:7

M be n na kambeŋo londi la n niŋ i teema, aniŋ i koomalankoolu, ì jamaanoolu bee la, kambeŋ looriŋo fo abadaa, ka ke i la Alla ti, aniŋ i koomalankoolu mennu be naa ite koolaa.

1 Musa 32:28

Bituŋ kewo ñiŋ ko a ye ko, “I too te ke la Yaakuba ti kotenke, i too be ke la Isirayila le ti, kaatu i niŋ Alla ye keloo ke le, i niŋ hadamadiŋolu fanaalu keleta, aduŋ i ye i kutu ì la le.”

1 Mansoolu 8:11

A ye a tinna piriisoolu maŋ ì la baturoo ke noo tawaloo ñiŋ kamma la, kaatu Yaawe la kallankeeyaa* le ye Batudulaa Buŋo fandi.

Nehemiya 13:29

N na Alla, i hakiloo si bula ì la, kaatu ì ye piriisiyaa dookuwo tiñaa le, aduŋ ì ye piriisoolu niŋ Lewi lasiloo la kambeŋo tiñaa le.

Jabuuroolu 147:19

A ye a la kumoolu dii Yaakuba koomoo la le, meŋ mu Banisirayila ti, a ye a la yaamaroolu niŋ luwaalu dii ì la le.

Jabuuroolu 63:2

Ŋa i je i Batudulaa kono le. N ñaa loota i la waroo kaŋ ne, aniŋ i la kallankeeyaa.*

Jabuuroolu 73:1

Tooñaa, Alla beteyaata Banisirayilankoolu fee le, moolu fee mennu sondomoo seneyaata.

Jabuuroolu 78:61

A ye a la Kambeŋ Kunewo* duŋ jawoolu bulu le, a la semboo niŋ a la kallankeeyaa* misaaloo.

Jabuuroolu 89:3

I ye ñiŋ ne fo ko, i ye kambeŋo le siti i niŋ i la tomboŋ moo teema, i ye i la dookuulaa Dawuda laahidi le ko,

Jabuuroolu 89:34

N te n na kambeŋo soosoo la, waraŋ ka kumoo faliŋ meŋ bota n daa kono.

Jabuuroolu 90:16

I la kaawakuwolu yitandi ntolu la, i la dookuulaalu, aduŋ i si i la kallankeeyaa* yitandi ǹ koomalankoolu fanaa la.

2 Musa 12:25

Niŋ ali dunta bankoo kaŋ, Yaawe be meŋ dii la ali la, ko a ye ali laahidi ñaameŋ, ali ñanta ñiŋ juuraloo ke la le.

2 Musa 34:27

Yaawe ko Musa ye ko, “Ñiŋ kumoolu safee, kaatu ñiŋ kumakaŋolu, n niŋ i niŋ Banisirayilankoolu be kambeŋo siti la wo le la.”

2 Musa 4:22

Bituŋ i si a fo Firawoona ye ko, ‘Yaawe ye ñiŋ ne fo ko, Banisirayila be a ye le ko dinkee foloo.

2 Musa 40:34

Bituŋ minaayoo ye Tiriliisi Senuŋo muuri, aduŋ Yaawe la semboo niŋ waroo faata a kono.

Yesaya 41:8

Yaawe ko, “Bari alitolu Banisirayilankoolu mu n na dookuulaalu le ti. Ŋa Yaakuba koomalankoolu le tomboŋ, ate meŋ bota n teeri Iburayima bala.

Yesaya 46:3

Yaawe* ko: “Yaakuba koomalankoolu ali i lamoyi n na, alitolu moo toomaalu mennu tuta Banisirayila, ŋa n hakilitu ali to le, biriŋ ali be konoo kono, n ka ali topatoo, biriŋ ali wuluuta.

Yesaya 5:2

A ye a fita, a ye beroolu bondi, a ye a kobi, a ye yiri betoolu tutu, a ye kantari dulaa loo a teema, a ye yiridiŋ bitidulaa siŋ a kono. A be i yillaariŋ ne ko, a be yiridiŋ betoo diŋ na le, bari a ye kuniyaariŋo le diŋ.

Yesaya 60:19

“Tiloo te ke la i ye maloo ti kotenke tilibuloo, sako karoo la diyaa si mala i kaŋ suutoo, kaatu nte Yaawe le be ke la i ye badaa-badaa maloo ti, nte i la Alla ye ke i ye fanuñaa ti.

Yeremiya 31:20

Yaawe ko: “Fo Efurayimu maŋ ke n kanu diŋo le ti baŋ? Fo a maŋ ke n jusukunto diŋo le ti baŋ? N ka tu la a jalayi la ñaa-wo-ñaa, hani wo n hakiloo ka tara a kaŋ ne. A la kuwo loo be faariŋ n kono le. Tooñaa, m be balafaa yitandi la a la le.” Yaawe le ye a fo.

Yeremiya 31:33

“M be kambeŋ kutoo meŋ siti la n niŋ Banisirayila teema, wo luŋolu la, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.

Yeremiya 31:9

Ì ñaajiitoo le be naa, ì be tara la duwaa le la, niŋ m be ì tambindi kaŋ ka seyi. M be ì samba la niŋ woyoolu dandaŋo le la, sila deerariŋolu kaŋ, ì te taki la daameŋ, kaatu m mu Banisirayila Faamaa le ti, n dinkee foloo le mu Efurayimu ti.

Esekiyeli 1:28

A ka muluŋ ne ko kullimaaroo meŋ ka finti tawaloo kono niŋ sanjiyo keta waati meŋ na. N naata a kalamuta ko, wo malamaloo mu Yaawe faŋo la kallankeeyaa* le ti. Kabiriŋ ŋa wo je, wo to le ŋa m fayi bankoo to, m bitita n ñaadaa kaŋ. Bituŋ kumakaŋo naata n kaŋ naŋ.

Hoseya 11:1

Yaawe* ko: “Biriŋ Banisirayila la dindiŋyaa waatoo le mu, ŋa a kanu. Ka bo Misira, ŋa n dinkewo kili naŋ.

4 Musa 7:89

Niŋ Musa dunta Bendulaa Tiriliisi Senuŋo kono waati-wo-waati ka diyaamu Yaawe ye, a ka diyaamukaŋo moyi le ka bo naŋ a ye kerubu malaayika* fuloo teema, mennu be Kambeŋ Kunewo* bitindaŋo santo. Yaawe ka diyaamu Musa ye teŋ ne.

Matiyu 21:33

“Ali i lamoyi mansaali doo fanaa la. Koridaatii doo le ye wayini yiri kankaŋo bo, a ye sansaŋo miniŋ a la, aniŋ a ye wayini yiridiŋ bitidulaa dadaa jee. Bituŋ a ye kantari dulaa tatoo fanaa loo jee. Wo to le a ye a luwaasi moo doolu ma, a taata manee.

Yohana 1:17

Kaatu Luwaa diita ka bo Musa le la, bari hiinoo niŋ tooñaa naata ka bo Yeesu Kiristu* le la.

Yohana 1:47

Kabiriŋ Yeesu ye Nataniyel je naa la a kaŋ, a ye a la kuwo fo ko, “Banisirayilanka tooñaa fele, tapaleeyaa te meŋ na kuwo to!”

Kiilaalu 2:39

Kaatu Alla la laahidoo mu alitolu le taa ti, ali la dindiŋolu, aniŋ moolu bee, mennu be dulaa jaŋ. A be moo-wo-moo le ye, Maariyo, ǹ na Alla ye meŋ kumandi a kaŋ.”

Roomankoolu 3:2

Tooñaa, Yahuudiyaa ye nafaa soto karoo bee le la. Foloo-foloo, Alla ye a la kumoolu karafa itolu le ma.

Roomankoolu 8:15

Ali ye Nooroo meŋ soto, a maŋ ke joŋyaa nooroo ti ka ali tu silaŋo kono, bari wo mu diŋyaa nooroo le ti, meŋ ka a tinna ǹ ka sari ko, “Abba, m Faamaa!”

Roomankoolu 9:6

A maŋ ke ko, Alla la kumoo maŋ timma, bari ali si a je ko, moolu mennu bonsuŋo mu Isirayila ti, ì bee maŋ ke Banisirayilanka tooñaalu ti.

2 Korintinkoolu 11:22

Fo itolu mu Hiburunkoolu* le ti baŋ? Nte fanaa mu wo le ti. Fo itolu mu Banisirayilankoolu le ti baŋ? Nte fanaa mu wo le ti. Fo itolu mu Iburayima koomalankoolu le ti baŋ? Nte fanaa mu wo le ti.

Kalatiyankoolu 3:16

Kabiriŋ Alla ye laahidoolu dii Iburayima la, a ye ì dii a niŋ a koomalankoo le la. A te safeeriŋ ko, “a niŋ a koomalankoolu,” meŋ mu jamaa ti, bari a be safeeriŋ ne ko, “a koomalankoo,” aduŋ wo mu Kiristu le ti.

Efesusinkoolu 2:12

Ali kana ñina ko, ali maŋ Kiristu la kafuñooyaa soto noo nuŋ, bari ali keta luntaŋolu le ti, mennu maŋ Banisirayila la bankudiŋyaa soto. Ali maŋ niyo soto kambeŋolu kono, Alla ye mennu laahidi. Ali maŋ jikoo soto ñiŋ duniyaa kono, aduŋ ali maŋ Alla loŋ.

5 Musa 14:1

Musa ko Banisirayilankoolu ye ko: Alitolu mu Yaawe* ali la Alla la dindiŋolu le ti, wo to niŋ ali be saŋakumboo la, ali kana ali faŋ nama waraŋ ka ali fondaalu lii.

5 Musa 29:1

Ñiŋ ne mu kumakaŋolu ti, Yaawe* ye Musa yaamari ka mennu siti kambeŋo ti ate Yaawe niŋ Banisirayilankoolu teema Mowabi bankoo kaŋ, ka lafaa kambeŋo kaŋ, a niŋ ì ye meŋ siti Sinayi Konkoo to.

5 Musa 29:14

Ñiŋ kambeŋo niŋ a saratoolu maŋ tara Yaawe niŋ ali doroŋ teema, mennu be looriŋ jaŋ bii luŋo la Yaawe ñaatiliŋo la,

5 Musa 31:16

Bituŋ a ko Musa ye ko, “A te mee la i be i laa la, i la alifaa foloolu be laariŋ daameŋ. Wo koolaa, ñiŋ moolu be ke la le ko cakoolu, ka bula bankoo la alloolu nooma, ì be taa kaŋ daameŋ. Ì be ì koo dii la n na, aniŋ ì be kambeŋo tiñaa la, n niŋ ì ye meŋ siti.

5 Musa 4:13

Bituŋ a naata a fo ali ye ka a la kambeŋo muta, meŋ mu Yaamari Taŋo ti, a ye meŋ safee berewalaa fuloo bala.

5 Musa 7:6

Ali si a ke ko ŋa a fo ali ye ñaameŋ. Alitolu le mu Yaawe ali la Alla la moo senuŋolu ti. A ye ali tomboŋ duniyaa moolu bee kono le ka ke a faŋo taa ti.

Hiburunkoolu 9:1

Hani kambeŋ foloo ye yaamaroolu soto le nuŋ Alla batoo ye, aduŋ a ye batudulaa fanaa soto ñiŋ duniyaa kono le.

Hiburunkoolu 9:10

Wo yaamaroolu be dendiŋ hadamadiŋ baloo kuwolu doroŋ ne la. Ì be ko domori feŋolu niŋ miŋ feŋolu, aniŋ seneyandiri siifaa jamaa. Ñiŋ yaamaroolu ye semboo soto le fo janniŋ batuñaa kutoo be naa la.

Hiburunkoolu 9:3

Fannaa fulanjaŋo konoto, meŋ be ridoo kooma, wo ka kumandi Dulaa Senuŋ Baa* le la.

Hiburunkoolu 9:5

Kerubu malaayika* fuloo meŋ ka a yitandi ko, Alla be jee le, ye ì dampaŋolu werendende kunewo bitindaŋo santo, meŋ keta junube kafaridulaa ti. Bari waatoo maŋ soto saayiŋ ka ñiŋ kuwolu kiliŋ-kiliŋ naa koyindi.

Hiburunkoolu 9:6

Kabiriŋ tiriliisoo niŋ a jooraŋolu bee pareeta, piriisoolu* ka tu taa la ì la dookuwo la le tiriliisoo fannaa foloo kono.