Roomankoolu 9:33 - Mandinka Bible

³³ ko a be safeeriŋ ñaameŋ: “A juubee, ŋa beroo le laa Siyoni* Konkoo kaŋ, moolu ka taki meŋ na, bere baa meŋ be ke la ì la boyoo sababoo ti. Bari moo meŋ laata ate la, wo te bula la malu kuwo kono.”

Roomankoolu 9:33 Mawu Ofanana

Jabuuroolu 118:22

Beroo meŋ buŋ loolaalu jututa a la, wo le naata ke tonkonna bere kummaa ti.

Jabuuroolu 119:116

Hee Yaawe, m maakoyi ka bo niŋ i la laahidoo la, fo n si baluu, aduŋ kana soŋ n na jikoo ye ke n ye maloo ti.

Jabuuroolu 25:20

Dukaree, n niyo kanta, i ye n tankandi. Kana soŋ ŋa bula maloo kono, kaatu ŋa tankoo ñini ite le bulu.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yesaya 45:17

Bari Yaawe le be alitolu Banisirayilankoolu kiisa la, aduŋ ali be tara la tankoo kono le fo abadaa. Ali te maloo waraŋ dooyaa soto la fo abadaa.

Yesaya 54:4

“Kana sila, kaatu i te duŋ na malu kuwo kono. Kana jikilateyi, kaatu i te dooyaa soto la. I be ñina la maloo la le, meŋ keta i la i fondinkeemaa, aduŋ i hakiloo te bula la maloo la, biriŋ i keta furuyaamusoo ti.

Matiyu 21:42

Bituŋ Yeesu ko ì ye ko, “Fo ali nene maŋ a karaŋ Kitaabu Senuŋolu kono ko: ‘Beroo meŋ buŋ loolaalu jututa a la, wo le naata ke tonkonna bere kummaa ti. Maariyo le ye ñiŋ ke, aduŋ a kaawakuuyaata ǹ ñaa koto le.’

Matiyu 21:44

Aduŋ moo-wo-moo meŋ boyita ñiŋ beroo kaŋ, wo be teyiŋ-teyiŋ na le. Niŋ a boyita moo-wo-moo kaŋ, a be wo juru la le.”

Roomankoolu 10:1

Baadiŋolu*, n sondomoo be hameriŋ baake le, aduŋ n ka duwaa le fanaa fo Banisirayilankoolu si kiisa.

Roomankoolu 10:11

A be safeeriŋ ñiŋ kuwo to le ko: “Moo-wo-moo meŋ laata ate la, wo te malu la muk.”

Roomankoolu 5:5

Jikoo buka bo ǹ koto, kaatu Alla le ye ǹ sondomoolu fandi niŋ a la kanoo la ka bo niŋ Noora Kuliŋo la, a ye meŋ dii ǹ na.

Kalatiyankoolu 5:11

Baadiŋolu*, niŋ a ye a tara, n ka sunnoo la kuwo le kawandi hani bii, wo to muŋ ne ye a tinna moolu ka n toorandi? Tennuŋ yiribantambiloo la kuwo, n ka meŋ kawandi, a te ke la kasi ti kotenke.

Filipinkoolu 1:20

M be n yillaariŋ baake wo la le, aduŋ n jikita le ko, ñiŋ kuwo te ke la n ye malu kuwo ti muk. Bari m be tu la fatiyaa la le, fo m baloo muumewo si horomoo dii Kiristu la waati-wo-waati, fo baluwo le mu waraŋ saayaa.

2 Timoti 1:12

Wo daliiloo kamma la, n ka toora ñiŋ kuwolu la. Bari n te malu la muk, kaatu ŋa ate loŋ ne, n laata meŋ na, aduŋ n dankeneyaata le ko, a ye meŋ karafa m ma, a be a kanta la le fo a naa luŋo la.

1 Yohana 2:28

Saayiŋ, n na dindiŋolu, ali sabati Yeesu Kiristu kono. Wo to le, niŋ a muruta naŋ, ǹ si dankeneyaa soto ka loo a ñaatiliŋo la, aduŋ ǹ te malu la.