Roomankoolu 9:14 - Mandinka Bible

¹⁴ Saayiŋ, ǹ si muŋ ne fo? Fo Alla ka faasaaroo ke tilimbaliyaa le kaŋ baŋ? Wo te ke noo la muk!

Roomankoolu 9:14 Mawu Ofanana

1 Musa 18:25

A koyita le ko, i te moo kendoolu niŋ moo kuruŋolu faa la ñoo la, ka moo kendoolu dundi moo kuruŋolu la jaraboo kono. I niŋ wo kuwo kewo ye jamfa ñoo la. Ite meŋ mu duniyaa kiitiikuntulaa ti, fo i te kiitiikuntoo ke la niŋ tooñaa le la baŋ?”

2 Taarika 19:7

Ka bo saayiŋ na, ali si Alla ñaasilaŋo soto, ali si ali hakiloo tu ali kekuwo to, kaatu Yaawe, ǹ na Alla buka soŋ tilimbaliyaa la, faasaaroo, waraŋ dukoo.”

Yuuba 35:2

Fo ite ye ñiŋ miira tiliŋo le ti baŋ, ka a fo ko, ite tilinta Alla ñaa koto le?

Yuuba 8:3

Fo Alla ka tooñaa nakari le baŋ? Waraŋ fo Alla Tallaa ka tiliŋo nakari le baŋ?

Jabuuroolu 145:17

Yaawe tilinta a kekuwolu bee le to, a ka balafaa yitandi a la keroolu bee to.

Jabuuroolu 92:15

Wo ye ñiŋ ne yitandi ko, Yaawe tilinta le. Ate le mu n na semberaŋ beroo ti, aduŋ jenkoo te a kono.

Yeremiya 12:1

Hee Yaawe*, ite le be boloo la, niŋ ŋa tuumiroo naati i kaŋ. Hani wo, m be n na kuwo laa la i ñaa koto le. Muŋ ne ye a tinna moo kuruŋolu ka yiriwaa? Muŋ ne ye a saabu moo jenkeriŋolu ka ñaatotaa soto?

Luka 20:16

A be naa le, a ye ì kasaara. Bituŋ a ye yiri kankaŋo dii doolu la.” Biriŋ moolu ye ñiŋ moyi, ì ko, “Allamaa ǹ tanka la wo la!”

Roomankoolu 2:11

kaatu Alla buka moo faasaa.

Roomankoolu 2:5

Bari i sondomoo bambanta le, i maŋ soŋ tuuboo la. Wo le ye a tinna i be Alla la kamfaa baa kafu kaŋ ñoo ma i faŋo ye fo Alla la kamfaa baa luŋo la, a la kiitii tilindiŋo be lankenema la luŋo meŋ na.

Roomankoolu 3:1

Saayiŋ, Yahuudiyaa ye muŋ nafaa le soto? Ì la sunnoo mu muŋ nafaa le ti?

Roomankoolu 9:30

Wo to saayiŋ, ǹ si muŋ ne fo? Moolu mennu maŋ ke Yahuudoolu ti, wolu maŋ tiliŋo ñini nuŋ, bari itolu le naata a soto, aduŋ wo tiliŋo ka naa ka bo niŋ lannoo le la.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

Lankenemoo 16:7

Bituŋ ŋa sadaajanidulaa* kumakaŋo moyi ko: “Tooñaa, ite Maariyo, Alla Mansa Taalaa, i la kiitiyolu mu tiliŋo niŋ tooñaa le ti!”