Roomankoolu 7:25 - Mandinka Bible

²⁵ Tenturoo be Alla ye, firiŋo naata ka bo niŋ Yeesu Kiristu le la, m̀ Maariyo! Saayiŋ, n sondomoo kono n sonta le ko, nte mu joŋo le ti Alla la Luwaa ye, bari m balajaatoo niŋ a la hame kuwolu le ye a tinna, n ka luwaa doo muta, meŋ mu junuboo la maraloo ti.

Roomankoolu 7:25 Mawu Ofanana

Yesaya 12:1

Wo luŋo la, i be a fo la le ko: “Hee Yaawe*, m be i jayi la le! I kamfaabaata n kamma ñaa-wo-ñaa, i la kamfaa banta le, i ye n ñaajiyo fita.

Yesaya 49:13

Saŋ fatoolu, ali sari santo seewoo kamma, bankoo ye kontaani, konkoolu ye wutu suukuwo ti, kaatu Yaawe ye a la moolu jusoo ñabu le, aduŋ a be balafaa soto la a la moo bataariŋolu ye le.

Yesaya 49:9

I si a fo mutamoolu ye ko, ‘Ali finti naŋ!’ aniŋ moolu mennu be diboo kono ye ko, ‘Ali firinta le!’ “Moolu be daañinoo soto la sila daalu le la, aduŋ ì be domoroo soto la bere konkoolu faŋo kaŋ ne.

Matiyu 1:21

A be dinkewo le wuluu la, aduŋ i si a toolaa Yeesu la, kaatu ate le be a la moolu kiisandi la ka bo ì la junuboolu kono.”

Roomankoolu 6:14

Junuboo maŋ ñaŋ na ali mara la, kaatu ali maŋ tara luwaa koto, bari hiinoo.

Roomankoolu 6:17

Bari tenturoo be Alla ye, kaatu alitolu mennu mu junuboo la joŋolu ti nuŋ, ali naata ñiŋ karandiroo muta ali sondomoo bee la, meŋ diita ali la.

Roomankoolu 8:2

kaatu Nooroo semboo, meŋ ka baluwo dii ǹ na Yeesu Kiristu kono, wo le ye m̀ firiŋ junuboo niŋ saayaa semboo bulu.

1 Korintinkoolu 15:57

Bari tenturoo be Alla le ye, meŋ ye nooroo dii ǹ na ka bo niŋ m̀ Maarii Yeesu Kiristu la.

2 Korintinkoolu 9:15

Tenturoo be Alla ye a la soorifeŋo to, meŋ maŋ ñoŋo soto.

Efesusinkoolu 5:20

Kuu-wo-kuu to, ali si tenturoo dii Alla la, m̀ Faamaa, m̀ Maarii Yeesu Kiristu too la.

Filipinkoolu 3:3

Ntolu le mu moolu ti, mennu ye sunna tooñaa soto, baawo ǹ ka Alla batu le ka bo niŋ a la Nooroo la, aduŋ ǹ ka kibiri Kiristu* Yeesu le la kuwo la. M̀ buka ǹ jikoo loo ǹ na hadamadiŋyaa kuwolu kaŋ,

Filipinkoolu 4:6

Ali kana ali niyo toorandi jaakaloo la, bari ali si ali la suuloolu bee fo Alla ye, duwaa niŋ daaniroo kono, ali niŋ tenturoo.

Kolosankoolu 3:17

Aduŋ niŋ ali be kuu-wo-kuu ke la, fo diyaamoo kono waraŋ kebaaroo to, ali si a bee ke Maarii Yeesu too la, aduŋ ali si tenturoo dii Alla la, m̀ Faamaa, ka bo niŋ ate la.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.