Roomankoolu 7:24 - Mandinka Bible

²⁴ Nte moo mantoorariŋo! Jumaa le be m firiŋ na ñiŋ balajaatoo bulu, meŋ ye saayaa saabu m ma?

Roomankoolu 7:24 Mawu Ofanana

1 Mansoolu 8:38

Niŋ i la moolu Banisirayilankoolu bee waraŋ moo kiliŋ ye i daani ka balafaa a ye, i si i lamoyi. Niŋ a maarii ye a buloo wulindi ka a tiliŋ buŋo la, ka duwaa kaatu a ye a la bataa kuwo kalamuta le, aniŋ a la tooroo,

Jabuuroolu 102:20

A ye moolu ŋuntaŋ kaŋo moyi le mennu tarata mutoo kono, ka moolu firiŋ ì ye faaroo fo mennu kunna.”

Jabuuroolu 119:131

N ka tara hameriŋ i la yaamaroolu la le, fo n ka n daa yele.

Jabuuroolu 119:143

Mantooroo niŋ niikuyaa le laata n kaŋ, bari i la yaamaroolu le ka n seewondi.

Jabuuroolu 119:176

N taata le taariŋ komeŋ saajii filiriŋo. N ñini, nte mu i la dookuulaa le ti, aduŋ m maŋ ñina i la yaamaroolu la.

Jabuuroolu 119:20

N niyo ka tara ñaaniriŋ i la yaamaroo la le waati-wo-waati.

Jabuuroolu 38:2

I ye n soo i la kalabeñoolu la le, aduŋ i buloo laata n kaŋ ne.

Jabuuroolu 6:6

N korita ŋuntaŋo la le. Ŋa n na laaraŋo ke woyoo le ti, n ñaajiyo la. Ŋa n na kullaaraŋo ñikindi, suutoo bee.

Jabuuroolu 71:11

ka a fo ko, “Alla ye a bula le. Ali ŋà a bayindi, ŋà a muta, bayiri moo te a kanandi noo la.”

Jabuuroolu 72:12

Mansa ka fentaŋolu deemaa le niŋ ì ye a kumandi, ka taa fuwaaroolu aniŋ maakoyilaa te mennu la.

Jabuuroolu 88:5

Moolu ye m bula le ko meŋ be furewolu kono, ko moo faariŋolu mennu be laariŋ kaburoo kono, i hakiloo maŋ tara mennu kaŋ fereŋ, ì maŋ tara i la maakoyiroo daa to.

Esekiyeli 9:4

a ko a ye ko, “Duŋ Yerusalaamu kono, i ye taamanseeroo ke moolu foŋolu to, mennu niyo be toorariŋ, aniŋ ì be sunuriŋ wo kuu haraamuriŋ kewolu la mennu be saatewo kono.”

Mika 7:19

I be balafaa soto la ǹ ye le kotenke, i ye ǹ na junuboolu tuutuu, ka ì fayi baa baa duuma.

Matiyu 5:4

“Barakoo be moolu ye, mennu ka woosii, kaatu ì be sabarindi la le.

Matiyu 5:6

“Barakoo be moolu ye, mennu konkota aniŋ ì mindoota tiliŋo kamma la, kaatu ì be wasa la le.

Luka 4:18

“Maariyo la Nooroo be n kaŋ ne, kaatu ate le ye n tomboŋ ka kibaari betoo kawandi fuwaaroolu ye. Ate le ye n kii ka firiŋo kankulaa mutamoolu ye, ka jeroo kankulaa finkintewolu ye, ka moolu bondi mantooroo kono,

Roomankoolu 6:6

Ŋà a loŋ ne ko, ntolu la baluuñaa kotoo niŋ Kiristu pempenta ñoo la yiribantambiloo bala le, fo m̀ balajaatoo niŋ a la hame kuu jawoolu bee si kasaara, aduŋ junuboo te ǹ joŋyandi la kotenke.

Roomankoolu 8:13

Kaatu niŋ ali ka baluu ka wo hame kuwolu nooma, ali be faa la le, bari niŋ ali baluuta ka Alla la Nooroo nooma, Nooroo le ka balajaatoo la hame kuwolu kasaara, aduŋ ali be baluu la le.

Roomankoolu 8:2

kaatu Nooroo semboo, meŋ ka baluwo dii ǹ na Yeesu Kiristu kono, wo le ye m̀ firiŋ junuboo niŋ saayaa semboo bulu.

Roomankoolu 8:23

Aduŋ a maŋ ke daaroo doroŋ ti, bari ntolu faŋolu fanaa, mennu naata Nooroo soto Alla la soorifeŋ foloo ti, ǹ ka ŋuntaŋ ǹ sondomoo kono le, kaatu m̀ be waatoo batu kaŋ ne, ka ke Alla diŋolu ti, aniŋ ka balajaata kutoo soto.

Roomankoolu 8:26

Wo ñaa kiliŋo la, Nooroo ka m̀ maakoyi le ǹ na lamfoo kamma la, kaatu m̀ maŋ a loŋ, ǹ ñanta duwaa la ñaameŋ. Bari Nooroo faŋo le ka ǹ deemaa ka duwaa ke niŋ ŋuntaŋolu la, m̀ buka mennu fo noo niŋ kumoolu la.

Kolosankoolu 2:11

Ate le kono, ali naata sunna fanaa. Wo sunnoo maŋ ke hadamadiŋ buloo la, bari ali sunnata Kiristu le la, kabiriŋ ali ye ali la daajika kotoo wura ali bala,

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Hiburunkoolu 2:15

Ka bo wo siloo la, Yeesu ye moolu firiŋ ne, saayaa silaŋo ye mennu bee joŋyandi ì la baluwo bee kono.

Lankenemoo 21:4

A be ì ñaajiyolu bee fita la ì ñaalu to le. Saayaa te soto la kotenke, woosiyo, kumboo waraŋ dimiŋo te soto la jee, kaatu kuu kotoolu tambita le.