Roomankoolu 6:5 - Mandinka Bible

⁵ Baawo ǹ niŋ Kiristu keta kiliŋ ne ti ñiŋ saayaa siifaa to, a koyita le ko, ǹ niŋ a be ke la kiliŋ ne ti fanaa saayaakoolaa wulindiroo to, meŋ be ko a la saayaakoolaa wulindiroo keta ñaameŋ.

Roomankoolu 6:5 Mawu Ofanana

Jabuuroolu 92:13

Ì be tara la tuturiŋ Yaawe batudulaa le kono, ka yiriwaa ǹ na Alla la luwo to.

Yesaya 5:2

A ye a fita, a ye beroolu bondi, a ye a kobi, a ye yiri betoolu tutu, a ye kantari dulaa loo a teema, a ye yiridiŋ bitidulaa siŋ a kono. A be i yillaariŋ ne ko, a be yiridiŋ betoo diŋ na le, bari a ye kuniyaariŋo le diŋ.

Yeremiya 2:21

Nte le ŋa i tutu komeŋ wayini* yiri kendoo, meŋ bota turu betoo bala, wo to muŋ ne ye a tinna i yelemata m bulu, ka ke wulakono wayini yiri kaatibaloo ti?

Matiyu 15:13

Bituŋ a ye ì jaabi ko, “Niŋ m Faamaa meŋ be Arijana, maŋ fiifeŋ-wo-fiifeŋ tutu, wo fiifeŋo be wutu la le.

Yohana 12:24

Tooñaa-tooñaa, m be a fo la ali ye, fo niŋ siimaŋ kesoo jolonta bankoo kaŋ, a ye faa, niŋ wo maŋ ke, a dammaa le ka tu. Bari niŋ a faata, a ka diŋ jamaa le bondi.

2 Korintinkoolu 4:10

Ǹ na tooroo kono, m̀ balajaatoo ka Yeesu la saayaa le duni fo a la baluwo fanaa si je noo m̀ bala.

Kolosankoolu 2:12

aduŋ ali niŋ a naata baadee ñoo la batisoo kono. Ali niŋ a naata wulindi ñoo la fanaa wo batisoo kono, ka bo niŋ lannoo la ali ye meŋ soto Alla la semboo to, ate faŋo meŋ ye Kiristu wulindi ka bo saayaa kono.

Kolosankoolu 3:1

Baawo ali niŋ Kiristu* wulindita ñoo la le, ali ali sondomoolu loo kuwolu kaŋ, mennu be Arijana kono, Kiristu be siiriŋ daameŋ Alla bulubaa karoo la.