Roomankoolu 3:4 - Mandinka Bible

⁴ Hanii, wo te ke noo la muk! Ali si a loŋ ko, hani moolu bee keta faniyaa folaa le ti, Alla ka tu looriŋ tooñaa le kaŋ. A be safeeriŋ ne ko: “I la kumoolu le ye i bolondi ka boloo kiitiyo ñaatiliŋo la.”

Roomankoolu 3:4 Mawu Ofanana

Yuuba 36:3

N na londoo la fanoo ye a sii le, ka n Daamansoo la tiliŋo yitandi.

Yuuba 40:8

Ite si a fo noo baŋ, nte maŋ tiliŋ, i be nte le jalayi la baŋ, ka i faŋo la kuwo tooñaayandi?

Jabuuroolu 100:5

Kaatu Yaawe beteyaata le, a la kanu bambaloo be tu la le fo abadaa, aduŋ a la tiliŋo be tara la keriŋ ne fo fawu.

Jabuuroolu 116:11

N na dewuŋo kaŋ n kumata ko, “Moolu bee le maŋ ke jikitaa ti.”

Jabuuroolu 119:160

I la kumoolu bee le mu tooñaa ti, i la luwaa tilindiŋolu bee be tu la keriŋ ne fo abadaa. Sin

Jabuuroolu 138:2

M be sujudi la i la buŋ senuŋo ñaatiliŋo la le, m be i tentu la i too la le, i la kanu bambaloo niŋ i la tiliŋo kamma la. Kaatu i ye i too niŋ i la laahidoo le kuliyandi ka tambi feŋo bee la.

Jabuuroolu 51:4

Ŋa junube kuwo ke ite doroŋ ne la, aduŋ ŋa kuu le ke meŋ jawuyaata i ñaa koto. Wo kamma la i boloota le ka kiitiyo laa n kaŋ, aduŋ i la kiitiyo maŋ sootaari soto.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Mika 7:20

I be hiina la ǹ ye le, ka i la kanu bambandiŋo yitandi ǹ na, ko i kalita a la ñaameŋ m̀ mumuñolu ye, Iburayima niŋ Yaakuba, m̀ bonsuŋolu, biriŋ waati jaŋ koomanto.

Matiyu 11:19

Moo Dinkewo* naata le, a ka domoroo ke, a ka i miŋ, silaŋ ì ko, ‘A juubee, konomoo le mu, aniŋ dolominnaa, duwaañoolu niŋ junubelaalu teeroo!’ Bari ñaameŋo ka suutee ka bo niŋ a la baara kuwolu le la.”

Luka 20:16

A be naa le, a ye ì kasaara. Bituŋ a ye yiri kankaŋo dii doolu la.” Biriŋ moolu ye ñiŋ moyi, ì ko, “Allamaa ǹ tanka la wo la!”

Yohana 3:33

Bari meŋ laata a la seedeyaa la, wo maarii keta seedoo le ti ko, Alla mu tooñaatiyo le ti.

Roomankoolu 11:1

Wo to m be ñininkaaroo ke la ko, “Fo Alla ye a la moolu bula le baŋ?” Wo te ke noo la muk! Nte faŋo mu Banisirayilankoo le ti, Iburayima koomalankoo, meŋ mu Benjamini lasiloo ti.

Roomankoolu 11:11

Wo to m be ñininkaaroo ke la ko: Fo Banisirayilankoolu boyita le baŋ, fo ì te wuli noo la kotenke? A te ke noo la wo ñaama muk! Bari ì la boyoo kamma la, kiisoo naata nasiyoŋ doolu kaŋ fo Banisirayilankoolu si kiiliyaa.

Roomankoolu 3:31

Wo to, fo ǹ ka Luwaa ke kuu kenseŋo le ti baŋ ǹ na lannoo kamma la? Wo te ke noo la muk! Wo noo to, ǹ ka Luwaa le bambandi.

Roomankoolu 6:15

Saayiŋ duŋ? Fo ǹ si junuboo ke baŋ, kaatu m̀ maŋ tara luwaa koto, bari Alla la hiinoo koto? Hanii, wo te ke noo la muk!

Roomankoolu 6:2

Hanii, wo te ke noo la muk! Ntolu mennu faata junuboo la karoo la, ǹ si baluu noo a kono ñaadii le kotenke?

Roomankoolu 7:13

Saayiŋ, fo ñiŋ luwaa betoo le ye saayaa saabu m ma? A te ke noo la wo ti muk! Bari junuboo le mu kuwo ti, meŋ ye saayaa saabu nte ma ka bo niŋ ñiŋ luwaa betoo la. Ñiŋ keta le fo junuboo si suutee noo, aduŋ luwaa ye a yitandi le, junuboo jawuyaabaata ñaameŋ.

Roomankoolu 7:7

Wo to, ǹ si muŋ ne fo noo? Fo Luwaa faŋo mu junuboo le ti baŋ? Wo te ke noo la muk! Bari hani wo, niŋ Luwaa maŋ soto nuŋ, n te a loŋ na, meŋ mu junuboo ti. N te a loŋ na, meŋ mu hadumoo ti nuŋ, niŋ Luwaa maŋ a fo ko, “Kana i ñaa loo moo doo la feŋ kaŋ.”

Roomankoolu 9:14

Saayiŋ, ǹ si muŋ ne fo? Fo Alla ka faasaaroo ke tilimbaliyaa le kaŋ baŋ? Wo te ke noo la muk!

1 Korintinkoolu 6:15

Fo ali maŋ a loŋ ko, ali balajaatoolu mu Kiristu suufoolu le ti? Saayiŋ, fo nte si Kiristu suufoolu taa baŋ, ŋa ì ke caka suufoolu ti? Wo te ke noo la muk!

2 Korintinkoolu 1:18

Bari Alla meŋ foroyaata, a si n seedeyaa ko, kumoo ŋà meŋ fo ali ye, wo maŋ ke “Haa” niŋ “Hanii” ti.

Kalatiyankoolu 2:17

Ntolu be a kata kaŋ ne ka tilindi Alla ñaatiliŋo la Kiristu kafuñooyaa kono. Bari niŋ a naata je ko, ntolu faŋolu mu junubelaalu le ti, fo wo ye a yitandi le ko, Kiristu mu dookuulaa le ti junuboo ye baŋ? Wo te ke noo la muk!

Kalatiyankoolu 2:21

M maŋ Alla la hiinoo muta kuu kenseŋo ti, kaatu niŋ tiliŋo Alla ñaatiliŋo la si soto noo ka bo niŋ Luwaa la yaamarimutoo le la, wo to Kiristu la saayaa maŋ daliila soto.

Kalatiyankoolu 6:14

Nte nene te lafi la kibiri la feŋ na, fo m̀ Maarii Yeesu Kiristu la yiribantambiloo doroŋ. Ka bo niŋ wo la, nte ye, ñiŋ duniyaa faata le, aduŋ ñiŋ duniyaa ye, nte faata le.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

Titus 1:2

Wo tooñaa le ka jikoo dii ì la badaa-badaa baluwo to. Alla meŋ buka faniyaa fo, ate le ye laahidoo dii wo kuwo to, janniŋ jamaanoolu be dati la,

Hiburunkoolu 6:18

A ye wo ke le, fo ǹ si sabarindi baa soto ka bo ñiŋ kuu fuloo la, laahidoo niŋ kaloo, mennu buka yelema. Alla la ñiŋ kumoo te ke la noo faniyaa ti. Wo kamma la ntolu mennu naata tankadulaa soto ate fee, ǹ si wakiiloo soto ka wo jikoo muta m̀ bulu fuloo la, a ye meŋ landi ǹ ñaatiliŋo la.

1 Yohana 5:10

Moo meŋ laata Alla Dinkewo* la, wo maarii ye seedeyaa soto a sondomoo kono le. Bari moo meŋ maŋ laa Alla la, wo maarii ye a ke faniyaa folaa le ti, kaatu wo maarii maŋ laa Alla la seedeyaa la, a ye meŋ fo a Dinkewo la kuwo to.

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.

Lankenemoo 3:7

“A safee n na kafoo malaayikoo ye, meŋ be Filadelifiya saatewo kono: “Nte la kumoo fele, nte meŋ jankuta, aduŋ m mu tooñaa ti, Mansa Dawuda la caaboo be nte le bulu. Ŋa meŋ yele, moo-wo-moo te a soroŋ noo la, aduŋ ŋa meŋ soroŋ, moo le te wo yele noo la.