Roomankoolu 3:11 - Mandinka Bible

¹¹ Moo te keriŋ, meŋ ye fahaamuroo soto, moo maŋ Alla ñini.

Roomankoolu 3:11 Mawu Ofanana

Jabuuroolu 53:2

Alla ka hadamadiŋolu juubee naŋ duuma le ka bo Arijana, ka a je fo moolu be jee le mennu ñaamenta, mennu ka a ñini.

Jabuuroolu 53:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Alla daani.

Jabuuroolu 94:8

Alitolu mennu keta moo bee hakilintaŋo ti, ali ali hakilitu. Toolewolu, muŋ tuma le ali be ñaameŋ na?

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Kuma Kotoomaalu 1:7

Yaawe* ñaasilaŋo le mu londoo kuŋo ti, bari toolewolu ka jutu ñaameŋo niŋ yaamaroo la le.

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

Yesaya 31:1

Kooroo be boyi la moolu kaŋ ne, mennu ka taa maakoyiroo ñini Misira. Ì ka tara jikiriŋ wolu la suwoolu le la, aniŋ ka taamaayaa wolu la keleraŋ sareeti* jurumoolu la, aniŋ ì la suuborindilaa sembemaa baalu. Bari ì buka ì ñaa loo Banisirayila la Senuŋ Baa kaŋ, waraŋ ka maakoyiroo ñini Yaawe* bulu.

Yesaya 55:6

Ali Yaawe ñini, janniŋ a ñiniŋ waatoo be ali daŋ na, ali a kumandi, a be sutiyaariŋ ali la tuma meŋ.

Yesaya 65:1

Yaawe* ko: “Ŋa m faŋo yitandi moolu la le, mennu buka n na kuu ñininkaa, aniŋ moolu mennu buka n ñini, fo ì si n je. N ko bankoo meŋ buka n too kumandi ye ko, ‘M fele jaŋ! M fele jaŋ!’

Yesaya 9:13

Bari moolu maŋ muruŋ Yaawe kaŋ, Alihawaa Maariyo meŋ ye i mantoora, sako ka a la kuwo ñini.

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Hoseya 4:6

N na moolu kasaarata lombaliyaa kaŋ. Alitolu piriisoolu ye ì baŋ ne ka n loŋ, wo to ŋa m baŋ ali la piriisiyaa to le. Bayiri ali ñinata ali la Alla la Luwaa la, nte fanaa be ñina la ali diŋolu la le.

Hoseya 7:10

Banisirayila la faŋ waroo le keta a faŋo seedoo ti. A be bataa kono ñaa-wo-ñaa, a maŋ muru Yaawe kaŋ, a la Alla, sako ka a la maakoyiroo ñini.

Matiyu 13:19

Niŋ moo meŋ ye mansabaayaa kumoo moyi, aduŋ a maŋ a fahaamu, Seetaanoo* si naa a buusi a la, meŋ fiita a sondomoo kono. Ñiŋ ne mu kesoo ti, meŋ jolonta moolu la tambidulaa to.

Roomankoolu 1:22

Biriŋ itolu ko, ì ñaamenta le, ì naata ke toolewolu le ti.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Roomankoolu 3:10

ko a be safeeriŋ ñaameŋ: “Moo te keriŋ, meŋ tilinta, hani moo kiliŋ.

Roomankoolu 3:12

Ì bee muritita, ì bee naata kafu ñoo ma nafantaŋolu ti. Kiliŋ te jee, meŋ ka kuu kendoo ke, hani kiliŋ.”

Roomankoolu 8:7

Kaatu moo meŋ hakiloo ka tu hadamadiŋyaa kuwolu kaŋ, a ka ke Alla jawoo le ti. A buka soŋ Alla la Luwaa ma, aduŋ a buka hani a ke noo.

Titus 3:3

Baawo ntolu faŋolu keta nuŋ toolewolu le ti, aniŋ yaamari mutabaloolu, mennu neeneeta ka sila tilindiŋo bula. Balajaatoo la hame jawoolu niŋ niidiyaa kuu siifaa jamaa le ye ǹ joŋyandi, meŋ ye a tinna, ǹ tarata baluuriŋ jawuyaa niŋ kiiliyaa kono. Ì ye ǹ koŋ ne nuŋ, aniŋ ŋà ñoo koŋ.

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.