Roomankoolu 13:4 - Mandinka Bible

⁴ Wo kantiyo mu Alla la dookuulaa le ti kuwolu to, mennu beteyaata i to. Bari niŋ i ye kuu jawoo ke, i si sila, kaatu a maŋ a la hawusaroo* muta kensenke. A mu Alla la dookuulaa le ti, meŋ ka Alla la kuluuroo laa kuu jawu kelaalu kaŋ.

Roomankoolu 13:4 Mawu Ofanana

1 Mansoolu 10:9

Tentoo be Yaawe ye i la Alla, meŋ kontaanita i la kuwo la, aduŋ a ye i sindi Banisirayila la mansasiiraŋo kaŋ. Yaawe la badaa-badaa kanoo kamma la, a ye meŋ soto Banisirayila ye, wo le ye a tinna a ye i ke mansa ti, fo i si tiliŋo niŋ tooñaa taamandi.”

2 Taarika 19:6

A ko kiitindirilaalu ye ko, “Ali si ali hakiloo tu ali kekuwo to, kaatu ali buka kiitindiroo ke moo ye, ali ka a ke Yaawe le ye, a be tara la ali fee kiitii waatoo la le.

Kuma Kotoomaalu 16:14

Mansa la kamfaa mu saayaa taamanseeroo le ti, bari moo ñaamendiŋo le ka a la kamfaa jindi.

Kuma Kotoomaalu 20:2

Mansa la kamfaa ka munta le ko, niŋ jatoo be bumbuŋ kaŋ, niŋ meŋ ka a kamfandi, i ka i niyo le waafi.

Kuma Kotoomaalu 20:26

Mansa ñaamendiŋo ka moo jawoolu keseŋ ne, a ye naa mantoora kuwo laa ì kaŋ.

Kuma Kotoomaalu 20:8

Mansa meŋ be siiriŋ a la mansasiiraŋo kaŋ ka kiitiyo kuntu, ka kuu jawoo bee bondi ñoo to le.

Yesaya 1:17

Ali kuu kendoo baara. Ali a je ko tiliŋo ye taama, ali ye moolu maakoyi mennu be mantooroo kono. Ali aliyatiimoolu la hakoo dii ì la, ali ye furuyaamusoolu la boloo dii ì la.”

Yeremiya 5:28

Ì nunkuta le ka malamala, ì maŋ naanee loŋ kuu kuruŋ kewo to. Ì buka kiitiyo teyi aliyatiimoolu ye, ka ì la kuwo yiriwandi, sako ka loo fentaŋolu boloo ye.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 25:14

M be n na juloo joo la Edomu to le ka bo n na moolu Banisirayilankoolu la. Ì be maa la Edomunkoolu la le kendeke, ko n na kamfaa niŋ n na jusukandoo be ñaameŋ ì la karoo la. Wo to le ì be n na julujoo keñaa loŋ na.” Maarii Yaawe le ye a fo.

Mika 3:9

Ali i lamoyi ñiŋ na, alitolu Yaakuba koomalanka maralilaalu, alitolu Banisirayila ñaatonkoolu, alitolu tooñaakoŋ moolu, alitolu mennu ka tooñaa nakari.

Roomankoolu 12:19

N kanuntewolu, ali kana ì joo ali faŋ ye, bari wo noo to, ali Alla seyi jee, kaatu a be safeeriŋ ne ko: “Maariyo ko, ‘Julujoo mu nte le taa ti, m be n joo la le.’ ”

Roomankoolu 13:6

Wo daliila kiliŋo le kamma la ali ka naamoo joo, kaatu kantiyolu mu Alla la dookuulaalu le ti, aduŋ ì ñanta ì la dookuwo taamandi la le.

1 Tesalonikankoolu 4:6

Alla lafita le fanaa ko, moo-wo-moo kana landatamboo ke ka a mooñoo nakari ñiŋ kuwo la. Maariyo be i joo la wo moo siifaalu to le wo kuwolu bee la. Ŋà ñiŋ fo ali ye le nuŋ, ka ali dandalaa kendeke.

Yosuwa 20:5

Niŋ ñiŋ moo faariŋo la julujoolaa bulata a nooma jee, ì maŋ ñaŋ na ñiŋ moofaalaa dii la a la. Kaatu a ye a la moo faa lañinoo le kono, a maŋ ke a jawu ti kabiriŋ folooto.

Yosuwa 20:9

Ñinnu le mu saatewolu ti mennu tombonta Banisirayilankoolu ye, aniŋ tumarankewolu mennu be ì kono. Moo-wo-moo si bori noo jee le, niŋ a ye a tara, a ye a ñoŋ moo le faa lañinoo kono, i si a je, a si tanka noo julujoolaa la a faa ma, janniŋ a be loo la kiitiyo to moolu ñaatiliŋo la.

1 Pita 2:14

waraŋ fo a la maralilaa doo, a ye mennu kii ka kuluuroo laa kuu kuruŋ kelaalu kaŋ, aniŋ ka moolu jayi, mennu ye kuu betoo ke.