Roomankoolu 13:3 - Mandinka Bible

³ Maralilaalu la kuwo maŋ ke silaŋ kuwo ti moolu ye, mennu ka kuu betoo ke, bari moolu ye, mennu ka kuu jawoo ke. I maŋ lafi sila la kantiyo la baŋ? Niŋ i maŋ lafi ka sila kantiyo la, wo to kuu betoolu ke. I si a je, a ye i jayi.

Roomankoolu 13:3 Mawu Ofanana

Kuma Kotoomaalu 14:35

Mansa ka kontaani a la dookuulaa la kuwo la le, meŋ ye ñaameŋo soto, bari a ka kamfaa dookuulaa bulu le, meŋ ka malubaliyaa maañaa ke.

Kuma Kotoomaalu 20:2

Mansa la kamfaa ka munta le ko, niŋ jatoo be bumbuŋ kaŋ, niŋ meŋ ka a kamfandi, i ka i niyo le waafi.

Roomankoolu 13:2

Wo kamma la, moo meŋ balanta kantiyolu ma, wo maarii balanta moolu le ma, Alla ye mennu tomboŋ, aduŋ mennu ka balaŋ, wolu ka kiitiyo le laa ì faŋolu kaŋ.

Roomankoolu 13:4

Wo kantiyo mu Alla la dookuulaa le ti kuwolu to, mennu beteyaata i to. Bari niŋ i ye kuu jawoo ke, i si sila, kaatu a maŋ a la hawusaroo* muta kensenke. A mu Alla la dookuulaa le ti, meŋ ka Alla la kuluuroo laa kuu jawu kelaalu kaŋ.

5 Musa 25:1

Musa ko ì ye ko: Niŋ ali kono moo fula dunta ñoo la fo ì waaliita, ì naata taa kiitiibuŋo to kiitiyo la, bituŋ kiitindirilaa naata kiitiyo kuntu, a si bolootiyo la boloo dii a la, meŋ boyita a ye wo fanaa la boyidaa yitandi a la.