Roomankoolu 13:1 - Mandinka Bible

¹ Moo-wo-moo si soŋ mansakundaa la maraloo la, kaatu kantiiyaa te keriŋ, meŋ maŋ bo Alla bulu, aduŋ moolu mennu be wo loodulaa to, Alla le ye a dii ì la.

Roomankoolu 13:1 Mawu Ofanana

Jabuuroolu 62:11

Alla diyaamuta seneyaarinke le. Ŋa ñiŋ ne moyi n tulu fuloo la ko, semboo mu ite Alla le taa ti,

Kuma Kotoomaalu 24:21

N diŋo, sila Yaawe la, i ye mansa buuñaa, i niŋ moolu kana haaji soto, mennu ka balaŋo tiliŋ ì ma.

Daniyeli 2:21

Ate le ka waatoolu niŋ jamaanoolu yelemandi, ate le ka mansoolu londi, aduŋ ate le ka ì bondi. Ate le ka ñaameŋo dii, aniŋ londoo.

Daniyeli 4:17

“Malaayikoo tententa ka a fo ko: ‘Ñiŋ kuluuroo be taamandi la malaayika koroosirilaalu la kaŋo le la. Niŋ wo keta, duniyaa moolu bee si a loŋ ko, Mansa Tallaa le marata hadamadiŋolu la mansamarali bankoolu bee ma. Niŋ a lafita ka mansamarali bankoo dii moo-wo-moo la, a ka a dii wo le la, hani niŋ a maarii la kuwo dooyaata moolu bee kono.’ ”

Daniyeli 4:32

Ì be i bayi la le ka bo hadamadiŋ kontoo kono, aduŋ i niŋ daafeŋolu le be tara la ñoo kaŋ. I be ñaamoo ñimi la le ko ninsoo, fo sanji woorowula. Niŋ wo keta, i be a loŋ na le ko, Alla Mansa Tallaa le marata hadamadiŋolu la mansamarali bankoolu ma, aduŋ moo-wo-moo diyaata a ye, a ka a dii wo le la.”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Yohana 19:11

Wo to le Yeesu ye a jaabi ko, “Ite maŋ semboo soto nte kaŋ, fo niŋ a diita i la ka bo santo. Wo kamma la moo meŋ ye nte duŋ i bulu, wo le la junuboo warata.”

Kiilaalu 2:41

Bituŋ moolu mennu ye a la kumoo muta, ì batiseeta. Wo luŋo la, moo wuli saba le kafuta ì ma.

Roomankoolu 12:21

Kana soŋ, kuu jawoo ye i noo, bari i si kuu jawoo noo kuu betoo la.

Roomankoolu 13:2

Wo kamma la, moo meŋ balanta kantiyolu ma, wo maarii balanta moolu le ma, Alla ye mennu tomboŋ, aduŋ mennu ka balaŋ, wolu ka kiitiyo le laa ì faŋolu kaŋ.

Efesusinkoolu 5:21

Ali soŋ ñoo ma Kiristu ñaasilaŋo kamma la.

5 Musa 17:12

Moo-wo-moo meŋ ye a faŋ wara fo a balanta kiitiikuntulaa la yaamaroo ma, waraŋ piriisoo meŋ ka dookuwo ke Yaawe batudulaa to, wo maarii ñanta le ka faa. Ali be kuruŋyaa bondi la Banisirayila kono teŋ ne.

1 Timoti 2:2

sako mansoolu niŋ kantiyolu, fo ǹ si baluu noo kayiroo niŋ tenkuŋo kono, ǹ niŋ horomoo, Alla la siloo la.

Titus 3:1

Baadiŋolu* hakiloo bulandi ka soŋ mansakundaa maralilaalu niŋ kantiyolu ma. Ì ñanta wolu la yaamaroolu muta la le, ì ye i wura dookuu tilindiŋo bee ye.

Yuuda 1:8

Bari ñiŋ allantaŋolu buka wo dandalaaroo muta. Ì la siiboolu kono ì ka jeri kalantaŋolu le soto. Wo jeroolu kaŋ, ì ka ì faŋolu balajaatoo kosondi wo ñaa kiliŋo la. Ì ka balaŋ kantiyo ma, aduŋ ì ka sembetii kallankeeyaariŋolu* tooñee.

Lankenemoo 1:5

aniŋ Yeesu Kiristu fanaa bulu, meŋ mu seede foroo ti. A foloo le wulita ka bo saayaa kono, aduŋ ate le mu maralilaa ti duniyaa mansoolu bee kunto. Jayiroo be ate le ye, meŋ ye ǹ kanu, aduŋ a ye m̀ firiŋ ǹ na junuboolu kono, ka bo niŋ a yeloo la.

Lankenemoo 17:14

Ì be keloo boyi la Saajiiriŋo kaŋ ne, bari Saajiiriŋo be ì noo la le, kaatu ate le mu Maariyolu Maarii ti, aniŋ Mansoolu la Mansa. Aduŋ moolu mennu be a fee, wolu kumandita le, ì tombonta, aduŋ ì foroyaata le.”

Lankenemoo 19:16

A ye too soto, meŋ be safeeriŋ a la waramboo niŋ a wutoo bala ko, Mansoolu la Mansa aniŋ Maariyolu Maarii.

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.