Roomankoolu 11:36 - Mandinka Bible

³⁶ Kaatu feŋolu bee bota ate le bulu, ì bee sotota ate le la, aduŋ ì bee mu ate le taa ti. Tenturoo niŋ jayiroo be ate le ye fo abadaa. Amiin.

Roomankoolu 11:36 Mawu Ofanana

Jabuuroolu 115:1

Yaawe*, ite le too ñanta kuliyaa la, a maŋ ke ntolu ti, i la kanu bambaloo niŋ i la tiliŋo kamma la.

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

Kuma Kotoomaalu 16:4

Yaawe ye feŋolu bee daa daliiloo le kamma, hani moo jawoo be a fansuŋ luŋo soto la le.

Yesaya 42:12

Ì si Yaawe la kallankeeyaa jayi, fo banku jamfariŋolu ye a moyi.

Daniyeli 4:3

Alla la taamanseeroolu warata le, a la kaawakuwolu ka a la sembe baa le yitandi. A la mansabaayaa be tu la le fo abadaa, aduŋ a la noo le be tu la jamaanoolu bee la.

Daniyeli 4:34

Kabiriŋ sanji woorowuloo tambita, nte Nebukanesa naata n ñaalu wulindi ka santo juubee, bituŋ n sondomoo seyita a ñaama. Ŋa Alla Mansa Tallaa tentu, ŋa horomoo niŋ buuñaa dii a la, ate meŋ na noo te baŋ na. A la noo le be tu la fo abadaa, aduŋ a la mansabaayaa be tu la jamaanoolu bee le la.

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Luka 19:38

Ì be a fo kaŋ ko, “Tenturoo niŋ jayiroo be mansakewo ye, meŋ ka naa Maariyo too la! Kayiroo be Arijana kono, semboo niŋ waroo be Alla ye Arijana dulaa jamfariŋ baa to!”

Luka 2:14

“Semboo niŋ waroo be Alla ye, Arijana dulaa jamfariŋ baa to. Kayiroo be duniyaa moolu fee, Alla kontaanita mennu la kuwo la.”

Kiilaalu 17:28

kaatu m̀ be baluuriŋ ate le kono, ǹ ka taama, aduŋ ŋà niyo soto ka bo niŋ ate le la.’ Ali faŋolu la safeerilaa doolu ko le, ‘Ntolu mu a la dindiŋolu le ti.’

Roomankoolu 16:27

Tenturoo niŋ jayiroo be Alla ye, ñaameŋo mu meŋ doroŋ taa ti, ka bo niŋ Yeesu Kiristu la, fo abadaa. Amiin.

1 Korintinkoolu 11:12

Kaatu musoo bota kewo bala ñaa-wo-ñaa, bari musoo le ka kewo wuluu. Aduŋ feŋolu bee bota Alla le bulu.

1 Korintinkoolu 8:6

Wo ñaa-wo-ñaa, ntolu ye, Alla kiliŋ doroŋ ne be sotoriŋ. Ate le mu m̀ Faamaa ti, feŋo bee sotota ka bo niŋ meŋ na, aduŋ ǹ ka baluu ate le ye. Maarii kiliŋ ne be sotoriŋ, meŋ mu Yeesu Kiristu* ti. Feŋo bee naata ka bo niŋ ate le la, aduŋ ǹ ka baluu ka bo niŋ ate le la.

Kalatiyankoolu 1:5

Tenturoo niŋ jayiroo be ate le ye fo abadaa. Amiin.

Efesusinkoolu 3:21

Tenturoo niŋ jayiroo be ate le ye lannamoolu la kafoo kono ka bo niŋ Kiristu Yeesu la, ka bo jamaani ka taa jamaani fo abadaa. Amiin.

Filipinkoolu 4:20

Tenturoo niŋ jayiroo be n na Alla ye, m̀ Faamaa, fo abadaa. Amiin.

1 Timoti 1:17

Jayiroo be badaa-badaa Mansoo le ye, meŋ buka faa, aduŋ moo buka a je. Horomoo niŋ jayiroo be ate Alla kiliŋo le ye fo abadaa. Amiin.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

Hiburunkoolu 13:21

Allamaa Alla ye ali parendi niŋ a la soorifeŋ betoolu la, fo ali si a la lafoo ke. A ye ali ke moolu ti, mennu la kuwo si a seewondi. A si a ke ka bo niŋ Yeesu Kiristu la, tenturoo niŋ jayiroo be meŋ ye fo abadaa. Amiin.

Hiburunkoolu 2:10

Alla meŋ ye feŋolu bee daa, aduŋ ì daata ate le ye, a ye ñiŋ kuu betoo ke le fo a si a diŋ jamaa samba a la kallankeeyaa* to: A ye ì la Kiisandirilaa timmandi ka bo niŋ tooroo le la, fo wo si ke ñaatonka timmariŋo ti ì ye.

1 Pita 4:11

Moo meŋ ka kawandoo ke, a si a ke ko, a ka Alla faŋo la kumoolu le kawandi. Meŋ ka maakoyiri dookuwo ke, a si a ke niŋ semboo bee la, Alla ye meŋ dii a la, fo Alla si horoma kuu-wo-kuu to, ka bo niŋ Yeesu Kiristu la. Semboo niŋ waroo aniŋ maraloo bee be ate le ye, fo abadaa. Amiin.

1 Pita 5:11

Semboo be ate le ye fo abadaa. Amiin.

2 Pita 3:18

Wo noo to, ali si yiriwaa m̀ Maarii niŋ ǹ na Kiisandirilaa Yeesu Kiristu* la hiinoo niŋ a loŋo kono. Tenturoo niŋ jayiroo be ate le ye, saayiŋ aniŋ fo abadaa. Amiin.

Yuuda 1:25

Jayiroo be ate le ye, meŋ dammaa mu Alla ti, aniŋ ǹ na Kiisandirilaa. Jayiroo be ate le ye, ka bo niŋ Yeesu Kiristu la, m̀ Maarii. Semboo niŋ waroo, mansayaa, maraloo niŋ kantiiyaa bee be ate le ye, janniŋ duniyaa daa waatoo la, ka naa bula saayiŋ na, fo abadaa. Amiin.

Lankenemoo 19:1

Ñiŋ kuwolu koolaa, ŋa maakaŋo moyi, meŋ ka munta ko kafu baa Arijana kono. Ì be sari kaŋ santo ko: “Haleluyaa! Kiisoo, kallankeeyaa* aniŋ semboo, bee mu ǹ na Alla le taa ti.

Lankenemoo 21:6

Wo koolaa a ko n ye ko, “A timmata le! Nte le mu Alifa niŋ Omeka ti, Foloo niŋ Labaŋo. Mindoo be meŋ na, m be jiyo dii la wo la le ka bo woyoo to, meŋ ka baluwo dii, aduŋ joori te jee.

Lankenemoo 7:10

Ì be sari kaŋ santo ko: “Kiisoo bota naŋ ǹ na Alla le bulu, meŋ be siiriŋ mansasiiraŋo kaŋ, a niŋ Saajiiriŋo bulu.”

Lankenemoo 7:12

Ì be a fo kaŋ ko: “Amiin! Jayiroo niŋ tenturoo, ñaameŋo, kallankeeyaa* niŋ horomoo, semboo niŋ waroo bee be ǹ na Alla le ye, fo abadaa. Amiin!”