Roomankoolu 10:5 - Mandinka Bible

⁵ Tiliŋo meŋ naata ka bo niŋ Luwaa la, Musa ye wo la kuwo safee le ko, “Moo meŋ ka Luwaa la yaamaroolu muta, wo maarii be baluu la ka bo niŋ Luwaa le la.”

Roomankoolu 10:5 Mawu Ofanana

Nehemiya 9:29

“I ye ì dandalaa le ka ì murundi i la luwaa kaŋ kotenke, bari ì ye ì faŋ wara le, ì maŋ soŋ i la yaamaroolu muta la. Ì ye junuboo le ke i la kumoolu kunnatoo la, aduŋ ka i la kumoolu kanta, ka baara ì la, wo le ka moo balundi. Ì ye ì sañoo wulindi le, ka ì kaŋo jandi, aduŋ ì balanta le.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

Esekiyeli 20:11

Ŋa n na yaamaroolu niŋ saratoolu dii ì la, ŋa ì karandi ì la, fo ì si bula noo ì nooma ka baluu.

Esekiyeli 20:13

“Bari Banisirayilankoolu muritita m ma keñewuloo kono le. Ì maŋ soŋ ka n na luwaalu muta, ì ye ì koo dii n na yaamaroolu la, mennu si ì balundi noo. Ì maŋ n na Loobula Luŋo fanaa horoma muumeeke. Wo to le m pareeta ka n na kamfaa baa jindi naŋ ì kaŋ ka ì kasaara wo keñewuloo kono.

Esekiyeli 20:21

“Bari ì diŋolu fanaa muritita m ma le. Ì maŋ soŋ bula la n na saratoolu nooma waraŋ ka ì hakiloolu tu n na yaamaroolu to, fo ì si baluu noo. Aduŋ ì maŋ ì hakiloolu tu n na Loobula Luŋolu to ka ì horoma. Wo to le m pareeta ka n na kamfaa bee jindi naŋ ì kaŋ, ka ì mantoora keñewuloo kono jee.

3 Musa 18:5

Wo to ali n na luwaalu niŋ n na yaamaroolu muta, kaatu ka wo ke, wo le ka moo balundi. Nte le mu Yaawe ti.

Roomankoolu 7:10

Wo yaamaroo faŋo meŋ ñanta baluwo dii la n na, a naata saayaa le saabu m ma.

Kalatiyankoolu 3:12

Bari Luwaa maŋ tara dendiŋ lannoo la, kaatu a fota le ko, “Moo meŋ ka Luwaa yaamaroolu bee muta, wo be baluu la a la le.”

5 Musa 4:1

Bituŋ Musa ko ì ye ko: Alitolu Banisirayilankoolu, ali si luwaalu niŋ saratoolu bee muta, ali ye taama ì la ko ŋa ali karandi ì la ñaameŋ. Niŋ ali ye wo ke, wo to ali be baluu la le, i si a je ali ye duŋ noo ka bankoo taa, Yaawe*, m̀ mumuñolu la Alla be daameŋ dii la ali la.

Filipinkoolu 3:9

aniŋ ka tara a fee. Wo to m maŋ tiliŋo soto noo m faŋo la katoo la meŋ ka bo niŋ Luwaa mutoo la, bari ŋa tiliŋo le soto, meŋ ka soto niŋ lannoo la Kiristu kono. Ñiŋ tiliŋo ka bo Alla le bulu, aduŋ a be dendiŋ lannoo le la.