Roomankoolu 1:23 - Mandinka Bible

²³ Ì ye ì koo dii badaa-badaa Alla le la, semboo niŋ waroo be meŋ bulu, ka ì ñaa tiliŋ jalaŋolu la, ì ye mennu dadaa hadamadiŋ muluŋo la, mennu ka faa, kunoolu, daafeŋolu aniŋ kuruntu feŋolu.

Roomankoolu 1:23 Mawu Ofanana

Jabuuroolu 106:20

Ì ye Alla niŋ a la kallankeeyaa* tu jee, ì ka ninsituuraa dadaariŋo batu, ninsoo meŋ ka ñaamoo ñimi.

Yesaya 40:18

Wo to saayiŋ, ali be jumaa le niŋ Alla tembendi la? Ali be a niŋ muŋ ne misaali la?

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Yesaya 44:13

Kapintaa ka sumandiroo ke niŋ juloo le la, a ye nuuneeroo ke niŋ nuuneerilaŋo la. A ye a lese niŋ denoo la. A ye a dadaa le ko hadamadiŋ muluŋo, hadamadiŋo la kallankeeyaa* be ñaameŋ, fo a si sabati noo batudulaa to.

Yeremiya 2:11

Banku le nene ka a la alloolu faliŋ baŋ, ì maŋ ke Alla tooñaa ti ñaa-wo-ñaa? Bari nte la moolu ye ì la Mansa Kallankewo faliŋ jalaŋ kenseŋolu le la.

Esekiyeli 8:10

Kabiriŋ n dunta konoto, a fele, ŋa kuruntu feŋolu niŋ daafeŋ kondiŋ siifaa jamaa le nataaloolu je nuuneeriŋ buŋo bala, aniŋ jalaŋolu bee Banisirayilankoolu ka mennu batu.

Kiilaalu 10:12

Daafeŋ siifaa jamaa le be ñiŋ faani baa kono, siŋ naanimaa feŋolu, kuruntu feŋolu, aniŋ kunoolu.

Kiilaalu 17:29

“Wo kamma la, bayiri ntolu mu Alla la dindiŋolu le ti, m̀ maŋ ñaŋ na a miira la ko, Alla niŋ feŋo ka muluŋ ne, meŋ dadaata sanoo la, kodiforoo waraŋ beroo. A maŋ ke muluŋo ti, moo ka meŋ miira, aniŋ ka a dadaa.

Roomankoolu 1:25

Ñiŋ keta le, kaatu ì ye Alla la tooñaa kuwo faliŋ faniyaa le la. Ì sujudita feŋolu ye, mennu daata, bari ì ye ì koo dii Daamansoo faŋo la le, jayiroo be meŋ ye fo abadaa! Amiin.

1 Korintinkoolu 12:2

Ali ye a loŋ ne ko, biriŋ ali mu Alla lombaloolu ti nuŋ, jalaŋ mumunewolu le ye ali filindi ko ì lafita a la ñaameŋ.

5 Musa 5:8

“Ali kana jalaŋo dadaa ali faŋ ye, meŋ mulunta feŋ-wo-feŋ na ñiŋ duniyaa kono, saŋo santo, ka taa fo baa kono.

1 Pita 4:3

Waatoo meŋ tambita, wo si kaañaŋ alitolu fee kuwolu to, Alla lombaloolu ka baara mennu la. Wo kuwolu le mu malubaliyaa ti, hame kuu jawoolu, siiroo, bumbaayoo, bidaŋo, aniŋ jalambatoo, meŋ niŋ hani luwaa faŋo maŋ taa ñoo la.

Lankenemoo 9:20

Hani ñiŋ mantooroolu koolaa, moo koteŋolu mennu tuta baluuriŋ, wolu maŋ soŋ ka batufeŋolu bula, ì ye mennu dadaa ì fansuŋ buloolu la. Ì maŋ i foño seetaani jawoolu batoo la, aniŋ jalaŋolu, mennu dadaata sanoo niŋ kodiforoo la, jaawaloo, beroo aniŋ babaroo. Ì tuta ñiŋ feŋolu le batu kaŋ, mennu buka jeroo ke, sako moyiroo waraŋ ka taama.