Roomankoolu 1:22 - Mandinka Bible

²² Biriŋ itolu ko, ì ñaamenta le, ì naata ke toolewolu le ti.

Roomankoolu 1:22 Mawu Ofanana

Kuma Kotoomaalu 25:14

Komeŋ tawaloo niŋ foñoo mennu maŋ samaa naati, wo mu moo le ti, meŋ ka kibiri soorifeŋo la, a nene te meŋ dii la.

Kuma Kotoomaalu 26:12

Fo i ye moo je le, meŋ ye a miira ko, a ñaamenta le? Jiki jamaa be tara la toolewo le ye, bari ate nte.

Yesaya 44:20

Toolewo meŋ ka a faŋ neenee ka i baluu seebuutoo le la. A laata feŋ ne la, meŋ te a maakoyi noo la muumeeke. Hani wo, a maŋ a faŋo hakiloo kiitii ka a fo ko, “Fo ñiŋ jalaŋo ŋa meŋ muta m buloo kono, maŋ ke faniyaa le ti baŋ?”

Yesaya 47:10

I laata i la kuruŋyaa la le, i ko, moo te i je la. I la ñaameŋo niŋ i la londoo le ye i filindi. I ka a fo i faŋ ye ko, ‘Nte doroŋ ne mu, doo koteŋ maŋ soto.’

Yeremiya 10:14

Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Matiyu 6:23

Bari niŋ i ñaa maŋ diyaa, wo to i baloo bee be faa la niŋ diboo le la. Niŋ a ye a tara, maloo meŋ be i kono mu diboo le ti, wo diboo la semboo be ke la ñaadii le?

Roomankoolu 11:25

Baadiŋolu, n lafita ali kalamutandi la kulloo le la fo ali la londoo kana tara dendiŋ ali fansuŋ miiroolu la. Wo le mu ñiŋ ti ko, Banisirayila kara doo sondomoo be tara la bambandiŋ ne fo waatoo meŋ na, wo moolu mennu maŋ ke Yahuudoolu ti hapoo ye timma ka Alla la kiisoo soto.