Roomankoolu 1:21 - Mandinka Bible

²¹ kaatu ì ye Alla loŋ ñaa-wo-ñaa, ì maŋ a horoma ko Alla le mu, sako ka a tentu. Ì la miiroolu naata ke kenseŋo le ti, aduŋ ì sondome jaariŋolu naata faa niŋ diboo la.

Roomankoolu 1:21 Mawu Ofanana

1 Musa 6:5

Yaawe naata a je ko, hadamadiŋolu la tilimbaliyaa semboo warata duniyaa kono le, aduŋ ì sondomoolu la miira kuwolu ka tara looriŋ kuu jawu kewo doroŋ ne kaŋ waati-wo-waati.

1 Musa 8:21

Kabiriŋ Yaawe ye ñiŋ seera diimaalu seeroo taa, a ko a faŋ ye ko, “N te bankoo danka la kotenke hadamadiŋolu la kuwo kamma. Miiroo meŋ ka tara hadamadiŋo sondomoo kono, ka bo a la dindiŋyaa waatoo la, ka ke miira jawoo le ti. Aduŋ n te niilamaa feŋolu bee fanaa kasaara la kotenke ko ŋa meŋ ke teŋ.

1 Mansoolu 20:23

Bituŋ ñiŋ kuwo koolaa, Aramu mansa Beni-Hadadi la mansakundaa alifaalu naata ka a yaamari. Ì ko a ye ko, “Banisirayilankoolu la jalaŋolu mu konko kaŋ jalaŋolu le ti. Wo le ye a tinna ì ye ǹ noo keloo la. Bari niŋ ŋà ì kele kene fanuŋo kono, a koyita le ko m̀ be ì noo la le.

2 Mansoolu 17:15

Ì balanta ka a la luwaalu muta, kambeŋo meŋ a ye a siti a niŋ ì mumuñolu teema, aniŋ a ye dandalaaroolu mennu dii ì la. Ì ye jalaŋ kenseŋolu le batu, ì faŋolu naata ke moo kenseŋolu ti. Ì bulata bankoo moolu nooma mennu tarata ì dandaŋo la, Yaawe ye ì yaamari mennu la kuwo la ko, ì kana baara kuwolu la, wolu ka baara mennu la.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Jabuuroolu 81:12

Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Jabuuroolu 86:9

Maariyo, ite le ye duniyaa moolu bee daa. Ì be naa le, ì ye sujudi i ye, aduŋ ì be i too horoma la le,

Kawandilaa 7:29

Ŋa meŋ je doroŋ, wo le mu, Alla ye hadamadiŋo niŋ tiliŋo le daa, bari hadamadiŋo ka taa bula a fansuŋ siloolu le nooma.”

Yesaya 60:2

A juubee, diboo le ye duniyaa bee beŋ, dibi fiŋ baa ye bankoolu muuri, bari Yaawe la maloo be i kaŋ ne ko tiloo, a la kallankeeyaa fintita i bala le.

Yeremiya 16:19

Hee Yaawe, ite le mu n jikiraŋ semboo ti, aniŋ n na tata bambandiŋo, i mu n tuukuraŋo ti mantooroo waatoo kono. Banku koteŋ moolu be naa i kaŋ ne ka bo naŋ duniyaa daŋolu to, ì ye a fo ko: “Ntolu la alifaa foloolu maŋ keetaafeŋ soto fo jalaŋ kenseŋolu, jalaŋ kenseŋolu, nafaa te mennu la.

Yeremiya 17:9

A ko: “Hadamadiŋo sondomoo la kuruŋyaa le tambita feŋo bee la, aduŋ a buka jaara noo. Jumaa le si a fahaamu noo?

Yeremiya 2:5

Yaawe ye ñiŋ ne fo ko: “Ali mumuñolu ye muŋ jenke le je nte la karoo la, fo ì ye ì koo dii n na fereŋ? Ì bulata jalaŋ fuuriŋolu le nooma, fo itolu faŋolu naata fuu.

Yeremiya 9:14

Ì ye wo tu jee le, ì kanjaaramaalu bulata kuwolu nooma ì faŋolu sondomoolu ye ì samba mennu kaŋ. Ì ka Baali* jalaŋolu le batu ko ì mumuñolu ye ì karandi a la ñaameŋ.”

Esekiyeli 14:5

M be ñiŋ ke la le, fo Banisirayilankoolu sondomoo si muru naŋ n kaŋ, mennu ye ì koo dii n na ka jalaŋolu batu.

Esekiyeli 20:25

Ŋa saratoolu niŋ yaamaroolu mennu dii ì la, ì maŋ nafaa soto ì ye, kaatu ì keta ì ye yankankatoo le ti diina ka baluu noo ì la.

Hoseya 2:8

A maŋ a loŋ ko, nte le ka siimaŋ kesoo dii a la, wayinoo niŋ olifu tuloo. A maŋ a kalamuta ko, nte le ye a la sanoo niŋ kodiforoo siyandi, a ka Baali* jalaŋo buuñaa meŋ na.

Yohana 3:19

Aduŋ ñiŋ ne mu kiitiyo ti ko, maloo naata duniyaa kono le, bari moolu ye diboo le kanu ka tambi maloo la, kaatu ì la kebaaroolu jawuyaata le.

Kiilaalu 26:18

I si ì ñaalu yelendi fo ì si bo diboo kono ka naa maloo kono, ka bo Seetaanoo* la maraloo kono ka naa Alla kaŋ. Wo to le ì be junube yamfoo soto la, aniŋ niyo moolu kono, mennu naata seneyaa kaatu ì laata nte la.’

Roomankoolu 1:19

Kaatu meŋ si loŋ noo Alla la kuwo to, ì ye wo loŋ ne, baawo Alla ye a yitandi ì la le.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Roomankoolu 11:10

Ì ñaalu ye dibi fo ì kana jeroo ke noo, ì ye tu jimiriŋ dunoo koto fo fawu.”

Roomankoolu 15:9

A naata fanaa fo wo moolu mennu maŋ ke Yahuudoolu ti, ì si tenturoo niŋ jayiroo dii Alla la, a la balafaa kamma. A be safeeriŋ ne ko: “Wo kamma la m be i jayi la nasiyoŋolu teema, m be jayiri suukuwolu laa la niŋ i too la le.”

5 Musa 28:29

Tilikuntee baa la, ali si tara moomooroo ke la ko finkintewo. Ali ye kuu-wo-kuu ke, baraka te tara la a to. Moolu si tu ali tilimbaliyaa la, aniŋ ka ali la feŋolu suuñaa, aduŋ moo te soto la meŋ be ali maakoyi la.

2 Timoti 3:2

Moolu be ì faŋolu doroŋ ne kanu la, ì be ke la kodilandiyolu le ti, faŋ wara moolu, kibirilaalu, tooñeeri kumafolaalu, wuluulaa soosoolaalu, wasabaloolu aniŋ seneyaabaloolu.

1 Pita 1:18

Ali ye kumakaaraŋo loŋ ne, meŋ diita ka ali kiisa wo baluuñaa nafantaŋolu kono, ali ye mennu soto nuŋ ali mumuñolu bulu. Ali maŋ kumakaa feŋolu la mennu ka kasaara, komeŋ kodiforoo waraŋ sanoo.

1 Pita 2:9

Bari alitolu mu moo tombondiŋolu le ti, aniŋ Mansa la moolu, piriisiyaa be mennu bulu. Ali mu nasiyoŋ jankuriŋo le ti, Alla fansuŋ moolu. Ali mu ñinnu bee le ti, fo ali si a la kebaaroolu la waroo bankee, meŋ ye ali kumandi ka bo diboo kono, ka naa a la mala kaawakuuyaariŋo kono.

Lankenemoo 14:7

A sarita niŋ sari baa la ko, “Ali sila Alla la, aniŋ ali ye a horoma, a la kiitiyo waatoo siita le. Ali ate batu, meŋ ye saŋo niŋ bankoo daa, fankaasoo aniŋ woyoolu.”

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”