Roomankoolu 1:20 - Mandinka Bible

²⁰ Alla meŋ faŋo buka je noo, a la badaa-badaa semboo niŋ a la mankutoo jeta koyirinke le ka bo daaroo waatoo la feŋolu to, a ye mennu daa. Wo to ì te kanadaa soto la,

Roomankoolu 1:20 Mawu Ofanana

1 Musa 1:1

Foloo-foloo Alla ye saŋo aniŋ bankoo daa.

1 Musa 21:33

Bituŋ Iburayima ye yiroo tutu Beeriseba jee. A duwaata niŋ Yaawe, badaa-badaa Alla, too la jee.

Yuuba 12:7

Bari ali daafeŋolu ñininkaa, ì be ali so la londoo la le. Ali kunoolu ñininkaa, ì be a fo la ali ye le.

Jabuuroolu 104:31

Allamaa Yaawe la kallankeeyaa* ye tu fo abadaa. Allamaa Yaawe ye tu seewooriŋ a la daaroo to.

Jabuuroolu 104:5

I ye bankoo londi a fondamaŋolu kaŋ ne, aduŋ a te wutu la a noo to muk.

Jabuuroolu 119:90

Ite be tu la tilindiŋ ne fo fawu. Ite le ye duniyaa londi, aduŋ a te wutu la a noo to.

Jabuuroolu 139:13

Feŋ-wo-feŋ be n kono, ite le ye a daa. Ite le ye n coki ñoo bala m baa wuluuñaŋo kono.

Jabuuroolu 8:3

Niŋ ŋa i la saŋ fatoolu la kuwo miira, i buloo la daaroo, karoo aniŋ looloolu, i ye mennu londi,

Jabuuroolu 90:2

Janniŋ i ka konkoolu fintindi, waraŋ ka bankoo daa, aniŋ ka duniyaa sotondi, ite mu Alla le ti kabiriŋ, aduŋ i be ke la Alla le ti fo abadaa.

Yesaya 26:4

Ali ali jikoo sembe Yaawe la fo fawu, kaatu Yaawe le mu ǹ na Alla ti, ǹ na badaa-badaa semberaŋ beroo.

Yesaya 40:26

Ali ali ñaa ke saŋo santo, ali ye a juubee! Jumaa le ye looloolu daa? Ate le ka ì bee kiliŋ-kiliŋ fintindi, a ye too dii ì bee la. Alla la sembe waroo niŋ a la kallankeeyaa le ye a tinna, hani kiliŋ maŋ manki.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

Yeremiya 5:21

Ali ali tuloo tu ñiŋ to, alitolu toolee hakilintaŋolu. Ñaa be ali la le, bari ali buka i je, tuloo be ali la, bari ali buka i moyi.

Yeremiya 51:15

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Matiyu 5:45

Ka bo niŋ wo siloo la, ali si naa ke ali Faamaa diŋolu ti, meŋ be Arijana. A ka a la tiloo mala moo jawoolu niŋ moo betoolu kaŋ ne, aduŋ a ka samaa jindi tilindiŋolu niŋ tilimbaloolu bee le kaŋ.

Maaka 10:6

Bari daaroo foloodulaa to, ‘Alla ye hadamadiŋo daa musoo niŋ kewo le ti.’

Yohana 1:18

Moo nene maŋ Alla je fo a Dinkee kiliŋo doroŋ, meŋ be ko Alla faŋo, aduŋ a be a Faamaa fee. Ate le ye moolu londi Alla la.

Yohana 15:22

Niŋ m maŋ naa ka diyaamu ì ye, tennuŋ ì te tuumi la ì la junuboolu la. Bari saayiŋ, ì maŋ kanadaa soto ì la junuboo la.

Kiilaalu 17:29

“Wo kamma la, bayiri ntolu mu Alla la dindiŋolu le ti, m̀ maŋ ñaŋ na a miira la ko, Alla niŋ feŋo ka muluŋ ne, meŋ dadaata sanoo la, kodiforoo waraŋ beroo. A maŋ ke muluŋo ti, moo ka meŋ miira, aniŋ ka a dadaa.

Kiilaalu 22:1

Pawulu ko, “M baadiŋolu* niŋ alifaalu, ali n na faŋ kanandi kumoolu moyi, n ka naa mennu fo saayiŋ ali ñaa la saayiŋ n na kuwo to.”

Roomankoolu 1:19

Kaatu meŋ si loŋ noo Alla la kuwo to, ì ye wo loŋ ne, baawo Alla ye a yitandi ì la le.

Roomankoolu 16:26

Bari saayiŋ, badaa-badaa Alla la yaamaroo kaŋ, wo kulloo yitandita le, aduŋ a futata nasiyoŋolu bee le ma ka bo niŋ annabiyomoolu la safeeroolu la, fo ì bee si laa, aniŋ ì si a la yaamaroolu muta.

Roomankoolu 2:1

Wo kamma la, i maŋ kanadaa soto, hani ite mu muŋ moo le ti. Niŋ i ka moo doo kiitindi, i ka i faŋo le halaki, baawo i ka kiitiyo ke kuwolu mennu la, i faŋo ka wo kuu kiliŋolu le ke.

Roomankoolu 2:15

Ì daajikoo ka a yitandi le ko, Luwaa la yaamaroolu be safeeriŋ ì sondomoo kono le, aduŋ ì sondomoo fanaa ka seedeyaa ke le. Waati doolu la, ì la miiroolu ka ì tuumi le, aduŋ waati doolu la, ì la miiroolu ka ì tankandi le.

1 Korintinkoolu 1:20

Kee ñaamendiŋolu lee? Luwaa karammoolu* lee? Ñiŋ jamaanoo diyaamunoolaalu lee? Fo Alla maŋ ñiŋ duniyaa ñaameŋo ke tooleeyaa le ti baŋ?

5 Musa 33:27

Alla mu badaa-badaa Alla le ti, ate le mu ali la tankadulaa ti, a buloo be ali koto. A ye ali jawoolu bayi ali ñaato, a ko, ali ye ì kasaara.

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

Kolosankoolu 1:15

Ate le mu Alla jebaloo sawuroo ti, ate le sotota daaroo bee ñaa.

Kolosankoolu 2:9

Alla mankutoo be Kiristu kono le, a timmariŋo, hadamadiŋyaa kono,

1 Timoti 1:17

Jayiroo be badaa-badaa Mansoo le ye, meŋ buka faa, aduŋ moo buka a je. Horomoo niŋ jayiroo be ate Alla kiliŋo le ye fo abadaa. Amiin.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

Hiburunkoolu 11:27

Ka bo niŋ lannoo le la, a ye Misira bankoo bula. A maŋ sila Misira mansakewo la kamfaa la, bari a tententa niŋ wakiiloo le la, a ye a ñaa loo Alla jebaloo kaŋ ko niŋ a ye a je le.

Hiburunkoolu 9:14

Wo to, Kiristu yeloo duŋ, meŋ na kuwo warabaata beeyaŋ sadaalu yeloo ti! Ka bo niŋ badaa-badaa Nooroo la, a ye a faŋo dii sadaa ti, sootaari te meŋ na. Wo le ye a tinna a yeloo ka ǹ sondomoolu seneyandi ka bo baara nafantaŋolu kono, fo ǹ si Alla baluuriŋo batu noo.