Obadiya 1:10 - Mandinka Bible

¹⁰ “Ali la fitinoo tiliŋo ali baadiŋolu la, Yaakuba koomalankoolu kamma la, ali be ke la dooyaa moolu le ti, ali be kasaara la le fo fawu.

Obadiya 1:10 Mawu Ofanana

1 Musa 27:11

Bari Yaakuba ko a baamaa Rebeka ye le ko, “N kotoomaa Esawu mu moo tiimaa le ti, aduŋ tiyo maŋ siyaa nte baloo bala.

1 Musa 27:41

Esawu naata Yaakuba koŋ, daliiloo meŋ ye a tinna, a faamaa ye neemoo daani a ye. Esawu ko a faŋ ye ko, “M faamaa la baluwo maŋ jamfa kotenke. A la saayaa koolaa n si naa n doomaa Yaakuba faa.”

Jabuuroolu 109:29

Allamaa jutunnayaa ye feenee n tuumilaalu kaŋ. Allamaa ì faŋolu la maloo ye ke ì bala ko dendikoo.

Jabuuroolu 132:18

A jawoolu wo, m be maloo dendikamaa le tu la dundiŋ ì la. Bari ate la mansanaafoo be tu la malamala la a kuŋo to le.”

Jabuuroolu 137:7

Hee Yaawe, i miira Edomunkoolu ye meŋ ke, luŋo meŋ na ǹ jawoolu ye Yerusalaamu saatewo muta. Ì tarata a fo kaŋ ne ko, “Ali a tumbuŋ de! Ali a tumbuŋ de, fo a fondamaŋolu to!”

Jabuuroolu 69:7

Ite le la kuwo ye nendiroo saabu m ma, maloo doroŋ ne tarata n kaŋ.

Jabuuroolu 89:45

I ye a la fondinkeeyaa tiloolu kerekere baŋ ne, i ye maloo kupi a kaŋ. S

Kuma Kotoomaalu 10:6

Neemoo be moo tilindiŋo le ye, bari moo kuruŋo la kumoo, fitinoo le ka tara wo kooma.

Kuma Kotoomaalu 17:5

Moo meŋ ka fuwaaroolu ñaawali, ka ì Daamansoo le sooki, meŋ ka seewoo maasiiba kuwo la, a te kana la maasiiboo ma.

Yeremiya 12:14

Yaawe ye ñiŋ ne fo ko: “N na moolu Banisirayilankoolu dandanna bankoolu bee, mennu buloo laata keetaafeŋo kaŋ, ŋa meŋ dii ì la, wolu la kuwo fele: M be ì wutu la ì la bankoolu kaŋ ne, aduŋ m be Yahuuda moolu bondi la naŋ ì kono le.

Yeremiya 3:25

Ǹ ñanta le ka n laa duuma maloo kono, ǹ na dooyaa ye muuri ǹ kaŋ. Ŋà junuboo le ke Yaawe ǹ na Alla la, ntolu niŋ m̀ mumuñolu bee, ka bo biriŋ ǹ dindiŋ ka naa bula bii la. M̀ maŋ Yaawe ǹ na Alla la kumoo muta.’ ”

Yeremiya 49:13

N kalita m faŋo la le ko: Bosira la kuwo be ke la kijafara kuwo le ti, a ye ke jutunna feŋo ti, ka kenseŋyaa, aniŋ ka ke dankoo ti. Aduŋ a dandanna saatewolu bee be ke la tumbuŋolu le ti fo fawu.” Yaawe le ye a fo.

Yeremiya 51:51

“Ali ka a fo le ko, ‘M̀ bulata malu kuwo kono le, ŋà nendiroolu moyi, jutunnayaa feeneeta ǹ kaŋ, kaatu bantala moolu le ye i seyiŋ Yaawe Batudulaa Buŋo kono, ka duŋ a konoto senuŋolu kono.’

Niikuyaa Suukuwolu 4:21

Wayi! Alitolu Edomunkoolu, mennu be siiriŋ Usi bankoo to, ali si seewoo ka jusulaa. Bari Alla la kamfaa mindaŋo be naa ali fanaa kaŋ ne, ali ye siira fo ali ye i wura fefes.

Niikuyaa Suukuwolu 4:22

Yoo, ite Siyoni, i jarabita i la junuboolu kaŋ ne, Yaawe te i mendi la mutoo kono kotenke. Bari ite Edomu, a be i jarabi la i la junuboolu la le, a ye i la kuu kuruŋolu waañaari.

Esekiyeli 35:9

M be badaa-badaa kasaaroo le boyi la ali la bankoo niŋ ali la saatewolu kaŋ, aduŋ moo te tara la ì kono kotenke. Wo to le, ali be a loŋ na ko, nte le mu Yaawe ti.

Esekiyeli 7:18

Ì be booto funtoolu le duŋ na ka ì la niikuyaa yitandi, kijafara baa le be duŋ na ì la. Malu kuwo le be moo bee ñaadaa muuri la, ì be ì kuŋolu nunku la maloo kamma le.

Yoweli 3:19

“Misira be ke la tumbuŋo le ti, Edomu ye ke keñewula* kenseŋo ti, ì la Yahuuda fitinoo kaŋ, ì ye moolu faa jee, mennu maŋ kuu ke.

Amosi 1:11

Yaawe ye ñiŋ ne fo ko, “Edomunkoolu ye landatambi junube kuwolu le ke. Ì ye ì baadiŋ Banisirayilankoolu bayi niŋ hawusaroo* la, ì maŋ hani balafaa kiliŋ soto. Ì la kamfaañaa maŋ naanee soto, aduŋ ì buka sabari. Wo kamma la n te ì jaraboo baayi la muk.

Mika 7:10

Jawoolu ñaa be boyi la ñiŋ kaŋ ne, aduŋ ì si malu, itolu mennu ka ǹ ñaawali ko, “Ali la Alla Yaawe, a lee?” Ǹ ñaa be boyi la ì la kooroo kaŋ ne, aduŋ a si ke ǹ ñaa la jaŋ, ko mbeedikaŋ buutoo, dori-dori laaloo.

5 Musa 23:7

Ali kana jutunnayaa tiliŋ Edomunkoolu la, kaatu wolu mu ali baadiŋolu le ti, aduŋ ali kana jutu Misirankoolu fanaa la, kaatu ali nene tarata tumarankeeyaa la ì la bankoo kaŋ ne.

5 Musa 23:8

Ì mamariŋolu si kafu noo Yaawe la kafu senuŋo moolu ma le.