Nehemiya 9:5 - Mandinka Bible

⁵ Bituŋ Lewi lasiloo moolu mennu keta Yesuwa ti, Kadimiyeli, Bani, Hasabuneya, Serebiya, Hodiya, Sebaniya, aniŋ Petahiya ko: “Ali wuli ka Yaawe, ali la Alla tentu, badaa-badaa Alla. Ali tentoo dii a too buuñaariŋo la, tenturoo niŋ jayiroo te a la waroo daŋo fo noo la ñaa-wo-ñaa.”

Nehemiya 9:5 Mawu Ofanana

1 Mansoolu 8:14

Bituŋ mansa ye a ñaa tiliŋ Banisirayila jamaa moo bee la mennu be looriŋ jee, a ye neemoo duwaa ì ye.

1 Mansoolu 8:15

Bituŋ a ko: “Tentoo be Yaawe ye Banisirayila la Alla, ate meŋ ye kuwo timmandi niŋ a semboo la, a ye meŋ laahidi m faamaa Dawuda ye. Kaatu a ye ñiŋ ne fo ko,

1 Mansoolu 8:22

Bituŋ Sulemani loota Yaawe la sadaajanidulaa* ñaatiliŋo la Banisirayila kafoo bee ñaato, aduŋ a ye a buloolu wulindi ka ì tiliŋ santo.

1 Mansoolu 8:27

“Bari fo tooñaa Alla si tara noo sabatiriŋ duniyaa kono baŋ? Hani saŋ fatoolu daŋo to ite te kuŋ na wo to, sako ñiŋ buŋo nte ŋa meŋ loo.

1 Taarika 16:36

Tenturoo be Yaawe ye, Banisirayila la Alla, ka bo saayiŋ na ka taa fo abadaa. Bituŋ moolu bee ko, “Amiin,” aduŋ ì ye Yaawe jayi.

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

1 Taarika 29:13

Saayiŋ ǹ na Alla, m̀ be i tentu la, m̀ be i too kallankeeyaariŋo jayi la.

1 Taarika 29:20

Wo to le Dawuda ye jamaa bee yaamari ko, “Ali Yaawe tentu, ali la Alla.” Bituŋ jamaa bee ye Yaawe tentu, ì mumuñolu la Alla, ì sujudita a ye ka a batu, aduŋ ì ye Mansa fanaa kuliyaa.

2 Taarika 20:13

Yahuuda kewolu bee be looriŋ Yaawe ñaatiliŋo la, ì niŋ ì musuñolu aniŋ ì la dindiŋolu.

2 Taarika 20:19

Bituŋ Lewi lasiloo moolu mennu bota Kohati niŋ Kora kaabiiloolu kono, ì loota ka Yaawe, Banisirayila la Alla jayi santo.

Esira 3:11

Ì ye suukuu laa niŋ laamutoo ke, ka Yaawe jayi aniŋ ka a tentu. Ì ka a fo le ko: “Yaawe beteyaata le, aduŋ a la kanu bambaloo be tu la Banisirayila fee le, fo abadaa.” Bituŋ moo bee ye ì kaŋo bula ka Yaawe jayi baake, kaatu Yaawe Batudulaa Buŋo fondamaŋo laata le.

Nehemiya 9:4

Tintiŋo le tarata Lewi lasiloo ye jee, aduŋ ñiŋ kewolu le loota a kaŋ: Yesuwa, Bani, Kadimiyeli, Sebaniya, Bunni, Serebiya, Bani, aniŋ Kenani. Ì duwaata santo le ka Yaawe daani, ì la Alla.

Nehemiya 9:6

“Ite Yaawe, ite doroŋ ne mu Maariyo ti, Daamansoo meŋ ye saŋ fatoolu daa, hani fo saŋ fata labaŋolu to, aniŋ ì kono malafeŋolu bee. I ye bankoo daa, aniŋ feŋ-wo-feŋ be baluuriŋ a kaŋ, i ye fankaasoolu daa, aniŋ daafeŋolu mennu bee be ì kono. Feŋo bee balundilaa mu ite le ti, aduŋ saŋo santo feŋo bee ka ite le batu.

Yuuba 1:21

A ko, “N kenseŋo le naata ñiŋ duniyaa kono, aduŋ n kenseŋo le be taa la. Yaawe le ye a dii n na, aduŋ ate Yaawe le ye a taa. Tentoo be Yaawe ye.”

Jabuuroolu 106:2

Jumaa le si kuwolu bee fo noo Yaawe ye mennu ke, waraŋ ka a jayi noo timmarinke?

Jabuuroolu 134:1

Ali naa ka Yaawe* tentu, alitolu mennu bee mu a la dookuulaalu ti, alitolu mennu ka loo suutoo ka baturoo ke a la buŋo kono.

Jabuuroolu 145:2

Luŋ-wo-luŋ m be i tentu la le, ŋa i jayi i too la fo abadaa.

Jabuuroolu 145:5

Ì be i la horomoo fo la le, aniŋ i la mansayaa semboo, nte be m miira la i la kaawakuwolu la le.

Jabuuroolu 146:2

M be kali Yaawe jayi la n na baluwo bee le kono. Niŋ m be n niyo la, m be suukuwo laa la n na Alla ye le.

Jabuuroolu 16:2

Ŋa ñiŋ ne fo ite Yaawe* ma ko, “Ite le mu m Maariyo ti. Nte maŋ kuu kende soto ite koolaa.”

Jabuuroolu 66:2

Ali suukuwo laa ka a too senuŋo horoma, ali ye jayiroo kidimandi a ye.

Jabuuroolu 99:3

Batu ì ye a jayi a too la, a too silaŋñaa warata le. Yaawe seneyaata le!

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

2 Musa 15:6

Hee, Yaawe, i bulubaa buloo la sembe waroo! Hee, Yaawe! I bulubaa buloo la semboo le ye i jawoolu bee kasaara.

Daniyeli 2:20

“Tentoo be Alla ye fo abadaa, meŋ taa mu ñaameŋo niŋ semboo ti.

Matiyu 11:25

Wo waatoo la, Yeesu ye a bankee ko, “M Faamaa, saŋo niŋ bankoo Maariyo, ŋa i jayi, kaatu i ye ñiŋ kuwolu maabo moo ñaamendiŋolu niŋ londitiyolu la, aduŋ i naata wolu yitandi dindiŋ mereŋolu la.

2 Korintinkoolu 4:6

Alla meŋ ko nuŋ ko, “Maloo ye mala diboo kono,” ate faŋo le ye a la maloo dii ǹ sondomoo kono fo ǹ si a la kallankeeyaa fahaamu. Ñiŋ mu Alla la kallankeeyaa le ti, meŋ ka mala Kiristu ñaadaa to.

5 Musa 28:58

Ali si ali hakiloo tu ka ñiŋ luwaa kumakaŋolu bee muta, mennu be safeeriŋ ñiŋ kitaaboo kono, fo ali si Yaawe ali la Alla too senuŋo horoma, meŋ kallankeeyaata*.

1 Pita 1:3

Jayiroo niŋ tenturoo be Alla ye, m̀ Maarii Yeesu Kiristu Faamaa! A la hiina baa le ye a tinna, ǹ wuluuta kotenke ka ke moo kutoolu ti, mennu ye jiki baluuriŋo soto, ka bo niŋ Yeesu Kiristu la saayaakoolaa wulindiroo la.

Kiitindirilaalu 13:18

Bari Yaawe la malaayikoo ko a ye ko, “Muŋ ne ye a tinna i ye n too ñininkaa? A kaawakuuyaata baake le.”