Nehemiya 9:28 - Mandinka Bible

²⁸ “Bari kabiriŋ ì tarata dahaa kono doroŋ, ì baarata kuu jawoolu la i ñaa koto tukuŋ. Bituŋ i ye ì fili ì jawoolu bulu, ì marata ì ma. Wo ñaa-wo-ñaa biriŋ ì muruta ka kumboo i ye, i ye ì moyi le ka bo Arijana kono, aduŋ i ye ì tankandi le siiñaa jamaa, ka bo niŋ i la balafaa baa la.

Nehemiya 9:28 Mawu Ofanana

1 Mansoolu 8:39

i si i lamoyi ka bo Arijana kono, i taradulaa. I si yamfa, aduŋ i si kuu ke. I si moo-wo-moo kuluu a la baaroo la, kaatu i ye a loŋ ne a sondomoo be ñaameŋ, aduŋ ite doroŋ ne ye moo bee sondomoo kono loŋ.

Jabuuroolu 106:42

Ì jawoolu ye ì mantoora le, aduŋ ì tarata wo marali jawoo le koto.

Jabuuroolu 136:24

A ye m̀ bondi ǹ jawoolu bulu le, a la kanu bambaloo be tu la le fo abadaa.

Yesaya 63:15

Yaawe, juubeeroo ke ka bo naŋ santo, i ye jeroo ke, ka bo i sabatidulaa senuŋo niŋ i la dulaa kallankeeyaariŋo* to. I la hame kuwo niŋ i semboo lee? I ye konotodiyaa niŋ balafaa meŋ soto ǹ ye, i ye ì jamfandi ǹ na le.

Kiitindirilaalu 2:19

Bari wo kiitindirilaalu be faa la doroŋ, ì be ì koo dii la Yaawe la, ka muru ì la alla koteŋolu kaŋ. Ì la ñiŋ alla koteŋolu batuñaa, aniŋ ka sujudi ì ye, wo le keñaa jawuyaata ka tambi ì la alifaa foloolu ka a ke ñaameŋ nuŋ. Ì ye ì baŋ ka ì foño ì la kuu jawu kewo la, aniŋ ì la kuŋ jaa.

Kiitindirilaalu 3:30

Wo luŋo la, Mowabi tarata Banisirayila la maroo le to. Bituŋ tenkuŋo naata sabati bankoo kaŋ fo sanji taŋ seyi.

Kiitindirilaalu 4:1

Kabiriŋ Ehudi faata, Banisirayilankoolu naata kuu jawoo ke kotenke Yaawe* ñaa koto.

Kiitindirilaalu 5:31

Hee Yaawe, Allamaa i jawoolu bee halaki la teŋ. Bari Allamaa i kanulaalu bee ke la komeŋ tiloo, niŋ a be mala kaŋ semboo la. Bituŋ tenkuŋo naata sabati bankoo kaŋ fo sanji taŋ naani.