Nehemiya 9:27 - Mandinka Bible

²⁷ Wo kamma la i ye ì duŋ ì jawoolu bulu, wolu ye ì toorandi. Bituŋ ì la tooroo waatoo kono, ì kumboota i ye, aduŋ i ye ì moyi le, ka bo Arijana kono. Ka bo niŋ i la balafaa baa la, i ye deemaarilaalu dii ì la, mennu ye ì bondi ì jawoolu bulu.

Nehemiya 9:27 Mawu Ofanana

2 Mansoolu 13:5

Wo le to Yaawe ye tankandirilaa dii Banisirayilankoolu la, aduŋ ì bota Aramu bankoo la maraloo bataa kono. Ì naata sabati noo ì la suwolu kono kotenke komeŋ folooto.

2 Mansoolu 14:27

Baawo Yaawe maŋ lafi ñiŋ na ka Banisirayila too buruka ka bo duniyaa kono, wo le ye a tinna a ye ì tankandi ka bo niŋ Yerobowamu la, Yehowasi dinkewo.

2 Mansoolu 17:20

Bituŋ Yaawe ye a koo dii Banisirayilankoolu bee la. A ye ì jarabi, aduŋ a ye ì duŋ ñapinkannaalu bulu, fo a ye ì bayi ka bo a ñaatiliŋo la.

2 Mansoolu 17:39

Bari ì si Yaawe doroŋ batu, ì la Alla. Ate le be ì tankandi la ì jawoolu bee bulu.

2 Taarika 36:17

Wo le to Yaawe ye Babiloni mansa bula naŋ ka boyi ì kaŋ. A ye ì la fondinkewolu faa hawusaroo* la Alla Batudulaa Buŋo faŋo kono. A maŋ balafaa soto musu dindiŋ ye, waraŋ fondinkee, biriŋ keebaa kotoolu ka taa fo moo lamfuriŋolu, Alla ye ì bee le duŋ Nebukanesa bulu.

Nehemiya 9:19

“Ite balafaa warata le, i maŋ i koo dii ì la keñewuloo* kono. Tawali samasimmaa le tuta tambi la ì ñaato tiloo la, dimbaa samasimmaa ye ì dandaŋ suutoo la, ka maloo dii ì la ì taaraŋ siloo kaŋ.

Jabuuroolu 136:24

A ye m̀ bondi ǹ jawoolu bulu le, a la kanu bambaloo be tu la le fo abadaa.

3 Musa 26:17

M be ali kiitindi la le. Ali jawoolu be kali ali busa la le, ka ali noo. Moolu mennu ye ali koŋ, wolu le be ali mara la. Ali be kali bori la le, hani niŋ moo maŋ tara ali bayindi kaŋ.

Obadiya 1:21

Tankandirilaalu be sele la Siyoni Konkoo kaŋ ne, aduŋ ì be Edomu konkotundoo mara la le. A mansayaa be tara la nte Yaawe faŋo le bulu.”

Kiitindirilaalu 2:18

Niŋ Yaawe ye kiitindirilaa dii ì la waati-wo-waati, a ka tara wo kiitindirilaa fee le ka itolu, Banisirayilankoolu tankandi ì jawoolu ma, fo janniŋ wo kiitindirilaa be faa la. Kaatu Yaawe ka balafaa soto ì ye le, niŋ ì woosiita moolu la kuwo la, mennu ka ì mara forisewo niŋ tilimbaliyaa kono.