Nehemiya 9:2 - Mandinka Bible

² Mennu mu Banisirayila diŋolu ti, ye ì faŋolu jamfandi luntaŋolu bee la le. Ì loota le ka ì la junube kuwolu fo aniŋ ì mumuñolu la kuu jawu kewo.

Nehemiya 9:2 Mawu Ofanana

1 Mansoolu 8:47

Ì be mutoo kono tuma meŋ, a si ke noo ì hakiloo ye naa yelema, ì ye tuubi ka i daani ko, ‘Ŋà junube kuwo le ke. Ŋà kuu kuruŋo le ke. Ŋà kuu jawu baa le ke.’

Esira 10:11

Saayiŋ ali tuubiseyi Yaawe* ma, ali mumuñolu la Alla, aduŋ ali si a la lafoo ke. Ali ali faŋolu fatandi banku koteŋolu moolu ma, ali niŋ mennu be siiriŋ, aniŋ bantala musoolu.”

Esira 6:21

Banisirayilankoolu mennu muruta naŋ ka bo mutoo kono, wolu le ye sadaalu domo, aniŋ bankoo moo doolu, mennu fatata junube kuwolu ma, bankoo moo koteŋolu ka mennu ke. Ì ye ñiŋ ke le fo ì si Yaawe batu noo, Banisirayila la Alla.

Esira 9:1

Ñiŋ kuwolu koolaa ñaatonkoolu naata n kaŋ, ì ko n ye ko, “Banisirayilankoolu, aniŋ piriisoolu* niŋ Lewi lasiloo fanaa, maŋ ì faŋolu fatandi banku koteŋolu moolu ma, ì niŋ mennu be siiriŋ. Ì ka kuu jawu baalu le ke komeŋ Kanaaninkoolu, Hitinkoolu, Perisinkoolu, Yebusinkoolu, Ammoninkoolu, Mowabinkoolu, Misirankoolu, aniŋ Amorinkoolu.

Esira 9:15

Hee Yaawe, Banisirayila la Alla, ite tilinta le. Bari hani wo, i ye moo toomaalu tu ǹ kono le ka baluu, ko a be ñaameŋ bii. Ǹ sonta le ko m̀ boyita le, aduŋ ntolu kono hani moo kiliŋ maŋ jari ka loo i ñaatiliŋo la.”

Esira 9:2

Banisirayilankoolu kono kewo doolu ye bantalankoolu dimmusoolu le futuu, aduŋ ì ye ì dinkewolu bula le ka wo kuu kiliŋo ke. Silaŋ Alla la turu senuŋo niŋ bantala moolu ñaamita le. Aduŋ ñaatonkoolu niŋ alifaalu faŋolu foloo le ye ñiŋ badali kuwo ke.”

Nehemiya 1:6

Nte mu i la dookuulaa le ti. I lamoyi n na, i ye moyiroo ke n na duwaa la, m be meŋ ke kaŋ suutoo niŋ tiloo, ñiŋ Banisirayilankoolu ye, i la dookuulaalu. Ŋa junuboolu yitandi le ntolu Banisirayilankoolu ye mennu ke i la. Nte niŋ n na dimbaayaa fanaa ye junuboo ke le.

Nehemiya 10:28

Moo toomaalu, mennu keta piriisoolu ti, Lewi lasiloo, dundaŋ daa kantalaalu, suukuulaalaalu, Alla Batudulaa Buŋo* to dookuulaalu, aniŋ moolu mennu bee ye ì faŋ jamfandi banku koteŋolu moolu la Alla la Luwaa la kuwo kamma la, ì niŋ ì la musoolu kafuriŋo, ì dinkewolu niŋ ì dimmusoolu bee, mennu si fahaamuroo ke noo,

Nehemiya 10:29

ñinnu bee le naata kafu ì baadiŋ ñaatonkoolu ma, ì ye tawoo taa, ka i kali ko, ì be bula la Alla la Luwaa nooma le, meŋ diita ka bo niŋ Musa la, Alla la moo, aduŋ ì ko, ì be i kekuu la le ka Yaawe*, m̀ Maarii la yaamaroolu, kumoolu, aniŋ karandiroolu bee muta.

Nehemiya 13:3

Kabiriŋ Banisirayilankoolu ye i lamoyi luwaa ñiŋ karaŋo la, ì ye moolu bee bondi Banisirayila moolu kono le, mennu mu bantalankoolu ti.

Nehemiya 13:30

Bituŋ ŋa seneyandiroo ke, ka bantala feŋolu bee bondi, aduŋ ŋa dookuu siŋo dii piriisoolu niŋ Lewi lasiloo la, ka a je ko meŋ-wo-meŋ ye a la dookuwo loŋ.

Jabuuroolu 144:11

N tanka jawu la hawusaroo* ma, i ye m bondi banku koteŋ moolu bulu, mennu ka faniyaalu fo, aduŋ ì ka kali faniyaa kaŋ ne.

Jabuuroolu 144:7

I buloo tiliŋ ka bo naŋ santo, i ye n cansu ka n kiisa jii diinondiŋo kono, ka m bondi banku koteŋ moolu bulu,

Kuma Kotoomaalu 28:13

Moo meŋ ka a la junube kuwo maabo, te ñaatotaa soto la, bari moo-wo-moo sonta a la junuboo la, a ye a koo dii a la, a be yamfoo soto la le.

Yesaya 2:6

Ite Yaawe, i ñoorita i la moolu, Yaakuba koomalankoolu la le, kaatu ì niŋ banku koteŋ moolu le ka kuu kafu. Tilibolankoolu la batuutaa kuwolu le be faariŋ ì sondomoolu kono, ì ka bitaaroo ke ko Filisitinkoolu.

Yeremiya 14:20

Hee Yaawe, ǹ sonta ǹ na kuu jawu kewo la le, aniŋ ǹ na alifaa foloolu la kuu kuruŋo. Ŋà junube kuwo le ke i la.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Daniyeli 9:20

N tarata duwaa kaŋ ne, ka a yitandi nte niŋ n na moolu Banisirayilankoolu ye junuboolu mennu ke. M be Yaawe n na Alla daani kaŋ ne fo a si a la Batudulaa Buŋo seyindi a ñaama.

Hoseya 5:7

Ì ye foroyaabaliyaa le tiliŋ Yaawe la, kaatu ì ye diŋolu wuluu cakayaa le kono. Ì la Kari Kuta Juuraloo* sadaaboolu le be ì niŋ ì la kunkoolu bee kasaara la.”