Nehemiya 9:17 - Mandinka Bible

¹⁷ Ì balanta le, ì ñinata i ye kaawakuwolu mennu ke ì ye. Ì la kanjaa kaŋ, ì ye ñaatonkoo tomboŋ, ka ì murundi ì la joŋyaa kono Misira. Bari ite mu Alla le ti, meŋ ka tu yamfa la, i hiinanteeyaata, i balafaa warata, i buka kamfaa juuna, aduŋ dandulaa te i la kanu bambaloo la. Wo kamma la i maŋ i koo dii ì la,

Nehemiya 9:17 Mawu Ofanana

1 Mansoolu 6:13

M be tara la n na moolu Banisirayilankoolu kono le, aduŋ n te n koo dii la ì la.”

1 Mansoolu 8:57

Allamaa Yaawe ǹ na Alla ye tara m̀ fee, ko a tarata m̀ mumuñolu fee nuŋ ñaameŋ. Allamaa a nene kana bo ǹ koto sako ka m̀ bula m̀ faŋ ye.

2 Taarika 36:13

Aduŋ fanaa, a ye balaŋo tiliŋ Mansa Nebukanesa la, meŋ ye a kalindi nuŋ Alla too la ka foroyaa a ma. A ye a faŋo kaŋo jandi, aduŋ a ye a jusoo fanaa jandi, a maŋ soŋ na muru la Yaawe kaŋ, Banisirayila la Alla.

Esira 9:9

Kaatu tooñaa, ǹ keta joŋolu ti ñaa-wo-ñaa, ite ǹ na Alla, i maŋ i koo dii ǹ na ǹ na joŋyaa kono. I ye i la kanu bambaloo le yitandi ǹ na, aduŋ i ye a tinna le fo Perisiya mansoolu ye m̀ maakoyi. I ye baluu kutoo le dii ǹ na. I ye m̀ bula le ŋà i la Batudulaa Buŋo* seyinkaŋ loo, ka a dulaa tiñaariŋolu dadaakuu aniŋ ka tara siiriŋ Yahuuda bankoo kaŋ, aniŋ Yerusalaamu saatewo kono tankoo kono.

Nehemiya 9:31

“Bari i la balafaa baa kamma la, i maŋ ì turutumbuŋ, waraŋ ka i koo dii ì la, kaatu Alla meŋ mu i ti, i hiinanteeyaata, aduŋ i balafaa warata le.

Jabuuroolu 106:13

Bari ì tariyaata ñina la le a ye kuwolu mennu ke, aduŋ ì maŋ a la yaamaroo batu.

Jabuuroolu 106:7

Tuma meŋ m̀ mumuñolu be Misira, ì maŋ ì hakilitu kaawakuwolu to Alla Tallaa ye mennu ke. A ye kanu bambaloo meŋ yitandi ì la, a fuumata le, bari ì ñinata wo la le, aduŋ ì balanta a ma Kulunjumbe Baa to.

Jabuuroolu 130:4

Bari ite le mu yamfalaa ti, wo le ye a tinna moolu ñanta sila la i la.

Jabuuroolu 78:10

Ì maŋ kambeŋo muta ì niŋ Alla teema, ì maŋ soŋ a la yaamaroolu muta la.

Jabuuroolu 78:11

Ì ñinata le a ye kuwolu mennu ke, a ye kaawakuwolu mennu yitandi ì la.

Jabuuroolu 78:38

Hani wo, ate ye balafaa soto ì ye le. A yamfata ì la junuboolu la le, a maŋ ì kasaara. A ka muña a la kamfaa kaŋ ne siiñaa jamaa, a buka a fijoo jindi ì kaŋ.

Jabuuroolu 86:15

Bari Maariyo, ite mu Alla le ti meŋ balafaa warata, aduŋ i hiinanteeyaata, i buka kamfaa juuna, i la kanu bambaloo niŋ i la tiliŋo maŋ dandulaa soto.

Jabuuroolu 86:5

Maariyo, ite beteyaata le, aduŋ i ka yamfa, i ka tu kanu bambaloo le yitandi la moolu la mennu ka i daani.

2 Musa 32:9

Yaawe ko Musa ye ko, “Ŋa ñiŋ moolu loŋ ne, ì kaŋo jaata baake le.

Kuma Kotoomaalu 1:24

Bari kabiriŋ ŋa kumandiroo ke, ali maŋ n danku, ali maŋ hani m maafaŋo juubee, kabiriŋ ŋa m buloo tiliŋ ali la.

Yeremiya 18:15

Bari nte la moolu ñinata n na le, ì ka cuuraayoo siisindi jalaŋ kenseŋolu ye. Wolu le ye ì takindi ì taaraŋ siloolu kaŋ, ka bo ì la sila kotoo kaŋ, ì ye lamfee siloolu taa, ì buka taa sila fanuŋ baa la kotenke.

Yeremiya 19:15

“Yaawe Alihawaa Maariyo, Banisirayila la Alla ye ñiŋ ne fo ko: A juubee, m be kasaara kuwolu naati la ñiŋ saatewo kaŋ ne, ŋa mennu fo a ma, aniŋ a dandanna saateeriŋolu. M be a ke la le, kaatu ì ye ì faŋolu kaŋo jandi le, ì maŋ soŋ n na kumoolu moyi la.”

Yeremiya 7:26

Wo ñaa-wo-ñaa moo maŋ i lamoyi n na, waraŋ ka ì tuloo loo n na. Ali naata ke kanjaaroolu ti, aduŋ ali ye kuruŋyaa ke le ka tambi ali mumuñolu la.

Esekiyeli 5:6

Bari Yerusalaamu saatee moolu muritita m ma le, ì balanta n na yaamaroolu niŋ n na saratoolu la. Ì naata kuruŋyaa ka tambi bantala banku* moo doolu faŋolu la. Ì balanta le ka n na yaamaroolu niŋ n na saratoolu muta, hani ka tambi wo banku moo doolu la, mennu be ì dandaŋo la.”

Daniyeli 9:9

M̀ Maarii Alla, ite ye balafaa soto le, aduŋ i ka yamfa le, ntolu balanta i ma ñaa-wo-ñaa.

Yoweli 2:13

Ali sondomoolu le ñanta ali la niikuyaa yitandi la, a maŋ ke duŋ feŋ faroo ti. Ali muru Yaawe kaŋ, ali la Alla, kaatu a hiinanteeyaata le, aduŋ a balafaa warata, a buka kamfaa juuna, a la kanu bambaloo maŋ dandulaa soto, aduŋ a buka lafi ka jarabiroo ke.

3 Musa 26:44

Bari hani wo bee de, waatoo meŋ ali be tara la ali jawoolu la bankoo kaŋ, nte te alitolu ke la wo ñaama, ka jutu ali la. N te soŋ na ñiŋ na, ka ali kasaara fereŋ, ka n na kambeŋo tiñaa n niŋ ali teema. Nte le mu Yaawe ali la Alla ti.

Nahumu 1:3

Yaawe semboo warata le, aduŋ a la kamfaa maŋ tariyaa. A la jarabiroo te kuu kuruŋ kelaa hani kiliŋ ne kaari la. Saafoñotoo le mu a taaraŋ siloo ti, aniŋ sanji foñoto baa. A siŋo ka tawaloolu wulindi le ko niŋ kankaŋo be tii la.

4 Musa 14:11

Yaawe ko Musa ye ko, “Ñiŋ moolu be i foño la jutu la n na waati jumaa le la? Ì be i dahaa la lannabaliyaa la n na kuwo to waati jumaa le, n na taamanseeroolu fintindoo ì ye bee koolaa?

4 Musa 14:41

Bari Musa kumata ko, “Muŋ ne ye a tinna ali tententa ka Yaawe la yaamaroo soosoo? Wo kuwo te taa noo.

4 Musa 16:14

I maŋ ntolu samba naŋ banku kaŋ, keekewo niŋ liyo be woyiriŋ daameŋ. I maŋ kunku kene dii ǹ na, i maŋ wayini* kankaŋ dii ǹ na, ka ke ǹ ye keetaafeŋo ti. I lafita ntolu ñaa le kuu la ka ǹ neenee? Ntolu-wo la karoo la de, ntolu te naa.”

Kiilaalu 7:39

Bari m̀ mumuñolu maŋ soŋ a ma, ì ye a jenkendi kara la, aduŋ ì sondomoolu muruta Misira bankoo kaŋ.

Roomankoolu 9:15

A ye a la kuwo fo Musa ye le ko, “N ñanta hiina la mennu ye, m be hiinoo dii la ì la le. N ñanta balafaa soto la mennu ye, m be balafaa la ì ye le.”

Hiburunkoolu 12:25

Ali ali hakiloo tu, fo ali kana balaŋ wo maarii ma, meŋ be diyaamu kaŋ ali ye. Moolu mennu balanta Musa ma, meŋ ka ì dandalaa duniyaa kono jaŋ nuŋ, wolu maŋ kanadaa soto. Ntolu be kanadaa soto la ñaadii le, niŋ ŋà ǹ ñaa kaasi ate la, meŋ be ǹ dandalaa kaŋ ka bo Arijana kono?

1 Samuweli 12:22

Yaawe too la waroo la kuwo kamma la, a te a ñaa kaasi la a la moolu la, kaatu a kontaanita le nuŋ, ka ali ke a faŋo taa ti.