Nehemiya 9:13 - Mandinka Bible

¹³ “I jiita naŋ Sinayi Konkoo kaŋ ne ka diyaamu ì ye, ka bo saŋ fatoolu kono. I ye kuma kendoolu dii ì la aniŋ luwaa tooñaalu, ka taa karandiri betoolu niŋ yaamaroolu.

Nehemiya 9:13 Mawu Ofanana

2 Mansoolu 17:37

Waati-wo-waati ì si a la karandiroolu muta, a la kumoolu, a la luwaalu, aniŋ a la yaamaroolu a ye mennu safee ì ye. Ì kana alla koteŋolu batu.

Esira 7:6

Ñiŋ Esira le naata ka bo Babiloni. Luwaa karammoo* le mu a ti, meŋ ye londoo soto baake Luwaa to, Yaawe*, Banisirayila la Alla ye meŋ dii Musa la. Esira suulata feŋ-wo-feŋ na, mansa ye a bee le dii a la, kaatu a ye neemoo soto le ka bo Yaawe, a la Alla bulu.

Jabuuroolu 119:137

Yaawe, ite tilinta le, i la kiitiiteyoo mu tooñaa le ti.

Jabuuroolu 119:160

I la kumoolu bee le mu tooñaa ti, i la luwaa tilindiŋolu bee be tu la keriŋ ne fo abadaa. Sin

Jabuuroolu 119:4

Maariyo, i ye i la luwaalu dii le, ñiŋ kamma ǹ si ì muta niŋ soobeeyaa la.

2 Musa 16:23

A ko ì ye ko, “Yaawe le ye ñiŋ yaamaroo dii ko, saama mu Loobula Luŋo le ti, luŋ buuñaariŋ baa, ka foñondiŋo soto a la kuwo kamma la. Ali lafita meŋ jani la, aniŋ ali lafita meŋ fajindi la, ali a bee ke bii. Meŋ-wo-meŋ tuta, ali si a landi kara la saama kamma la.”

2 Musa 19:11

Sinindiŋ ì si i paree. Wo luŋo m be jii la Sinayi Konkoo kaŋ ne moolu bee ñaa la.

2 Musa 20:1

Kabiriŋ Alla diyaamuta, ñinnu le keta a la kumoolu ti:

2 Musa 20:22

Wo to le Yaawe ko Musa ye ko: Ñiŋ fo Banisirayilankoolu ye ko: Ali faŋolu ye a je ali ñaalu la le ko, n diyaamuta le ka bo naŋ Arijana.

Yesaya 64:1

Kooni, niŋ i si saŋ fatoolu le fara nuŋ, i ye jii naŋ, konkoolu ye jarajara i ñaatiliŋo la!

Yesaya 64:3

I ye kaawakuwolu le ke, m̀ maŋ n yillaa mennu la, i jiita naŋ, konkoolu jiijaata i ñaatiliŋo la.

Habakuki 3:3

Alla naata ka bo Temani, Senuŋ Baa ka bo Parani Konkoo kaŋ. S A la kallankeeyaa* ye saŋ fatoolu muuri, duniyaa bee faata a jayi kaŋo la.

Roomankoolu 7:16

Bari niŋ n ka kuwolu ke, m maŋ lafi ka mennu ke, wo to n sonta le ko, Luwaa beteyaata le.

5 Musa 33:2

A ko: “Ka bo naŋ Sinayi Konkoo santo, Yaawe* naata ǹ kaŋ. A wulita ko tiloo, a malata ǹ kaŋ ka bo naŋ Seyiri. A la maloo malamalata naŋ ka bo Parani Konkoo to, a niŋ malaayika wuliwuloolu, dimbaa be ŋalasi la a bulubaa karoo la.

5 Musa 4:33

Fo moolu le nene sotota baŋ, Alla nene diyaamuta mennu ye ka bo dimbaa maloo kono ko alitolu, ì ye baluu?

5 Musa 4:36

Ali ye a diyaamukaŋo moyi le ka bo naŋ saŋo santo, ka ali yaamari. A ye a la dimbaa mala baa yitandi ali la le, ali ye a diyaamukaŋo moyi nuŋ meŋ kono.

5 Musa 4:8

Aduŋ banku baa te keriŋ meŋ na luwaalu tilinta ko ñiŋ luwaalu niŋ yaamaroolu m be mennu dii kaŋ ali la bii.

5 Musa 5:4

Wo konkoo santo, Yaawe faŋo diyaamuta ali ye ka bo niŋ dimbaa maloo la, ali ñaa be tilindiŋ nuŋ meŋ na.