Nehemiya 9:10 - Mandinka Bible

¹⁰ I ye taamanseeroolu niŋ kaawakuwolu le taamandi Firawoona niŋ a la dookuulaalu kaŋ, ka taa a la bankoo moolu bee, kaatu i ye a je le ko, ì ye m̀ mumuñolu tilimbaliyaa jawuke le. I ye i too darajandi le, fo ka naa bula bii la.

Nehemiya 9:10 Mawu Ofanana

Nehemiya 9:16

“Bari itolu mennu mu m̀ mumuñolu ti, ì ye ì faŋ wara jawuke le. Ì kaŋo jaata le, ì balanta i la yaamaroolu la.

Nehemiya 9:29

“I ye ì dandalaa le ka ì murundi i la luwaa kaŋ kotenke, bari ì ye ì faŋ wara le, ì maŋ soŋ i la yaamaroolu muta la. Ì ye junuboo le ke i la kumoolu kunnatoo la, aduŋ ka i la kumoolu kanta, ka baara ì la, wo le ka moo balundi. Ì ye ì sañoo wulindi le, ka ì kaŋo jandi, aduŋ ì balanta le.

Jabuuroolu 83:18

fo ì si a loŋ ko, ite doroŋ ne mu Yaawe ti, aniŋ ko, ite le mu Mansa Tallaa ti, duniyaa bee kunna.

2 Musa 18:11

Saayiŋ ŋa a loŋ ne ko, Yaawe le semboo warata alloolu bee ti, kaatu a ye ñiŋ ke moolu le la, mennu ye ì faŋ wara Banisirayilankoolu ti, ka ì mantoora.”

2 Musa 3:20

Bari m be n semboo yitandi la le, ka Misirankoolu mantoora ka kaawakuwolu ke jee. Niŋ wo keta, a be ali bula la le ali ye taa.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

2 Musa 7:1

Bituŋ Yaawe* ko Musa ye ko, “A juubee, m be i ke la Firawoona ye le ko Alla, aduŋ i kotoomaa Haaruna si ke i la annabiyomoo ti.

2 Musa 9:16

Bari ka n semboo yitandi i la, ŋa i bula le i baluuta, fo n na darajoo si janjaŋ noo duniyaa bee kono.

Yesaya 42:20

Ali ye kuu jamaa le je, bari ali maŋ ali hakilitu ì to. Ali tuloolu maŋ suki, bari ali buka feŋ moyi.”

Yesaya 63:12

A la sembe baa le tarata Musa bulubaa karoo la. A ye jiyo talaa fula ti ì ñaato, ka a too darajandi fo abadaa.

Yesaya 63:14

Ko ninsi koorewo ka jii wulumbaŋo kono ñaameŋ, Yaawe la Nooroo ye dahaa dii ì la wo le ñaama. Yaawe, i ye i la moolu ñaatonkayaa le, fo i si too diyaa soto.

Yeremiya 32:20

I ye taamanseeroolu niŋ kaawakuwolu le ke Misira bankoo kaŋ, fo ka naa bula bii la, i ka ì ke Banisirayila kono le, aniŋ duniyaa hadamadiŋolu bee kono. Wo ye a tinna le i too bota, ka naa bula bii la.

Esekiyeli 20:9

“Bari niŋ ŋa wo ke nuŋ, wo be ke la n ye tookuyaa le ti bankoolu ye mennu be ì dandaŋolu la, kaatu wolu ye a je le ŋa m faŋ yitandi Banisirayilankoolu la ñaameŋ ka ì bondi naŋ Misira bankoo kaŋ.

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Daniyeli 9:15

Ite m̀ Maarii Alla le ye i la moolu bondi naŋ Misira bankoo kaŋ niŋ i la semboo la, aduŋ wo ye a tinna le i too bota, fo ka naa bula bii la. Bari ntolu ye junuboo ke le, ŋà kuu jawoo ke.

Kiilaalu 7:36

Musa le ye i bondi Misira. A ye kaawakuwolu niŋ taamanseeroolu ke Misira bankoo kaŋ, Kulunjumbe Baa to, aniŋ keñewuloo kono fo sanji taŋ naani.

Roomankoolu 9:17

Alla la kumoo be safeeriŋ ne, meŋ fota Firawoona ye ko: “Ka n semboo yitandi, ŋa i mansayandi wo daliiloo le kamma, fo n na darajoo si janjaŋ noo duniyaa bee kono.”

5 Musa 4:34

Alla koteŋ nene maŋ banku bondi banku doo bulu ka ì ke a faŋo taa ti. Bari Yaawe ye wo le ke alitolu ye Misira, a ye a ke ali faŋolu le ñaa koto niŋ kaawakuwolu niŋ taamanseeroolu la, ì naata ke moolu ye masilaŋo ti. A ye ñiŋ ke niŋ a bulu sembemaa baa le la. A ye mantoora kuu jamaa le laa Misirankoolu kaŋ ali ñaa la, a ye ì kelendi saŋarake ali ye.

5 Musa 7:19

Ali kana ñina mantoora kuwolu la, Yaawe ali la Alla ye mennu laa ì kaŋ. Ali hakiloo kana bo kaawakuwolu niŋ taamanseeroolu la, ali ñaa seedeyaata mennu la, Yaawe ye mennu ke a bulu sembemaa baa la, ka ali bondi naŋ Misira. A ye meŋ ke Misirankoolu la, a be wo ñoŋo le ke la ñiŋ moolu fanaa la, ali be silariŋ mennu la.

1 Pita 5:5

Wo ñaa kiliŋo la, alitolu fondinkewolu, ali soŋ alifaalu ma. Ali ye i fammajii ñoo ye. Ali bee si wo fammajiyo duŋ ali la feetoofatoo ti, kaatu “Alla ka balaŋ faŋ wara moolu ma le, bari moolu mennu ye i fammajii, a ka hiina wolu ma le.”