Nehemiya 8:10 - Mandinka Bible

¹⁰ Bituŋ Nehemiya ko moolu ye ko, “Ali ali la domori kendoolu domo, ali ye ali la miŋ feŋ diimaalu miŋ. Ali si moolu fanaa so doo la jee, mennu maŋ feŋ parendi ka a samba naŋ. Kaatu bii mu luŋ baa le ti m̀ Maarii ye. Ali kana sunu, kaatu Yaawe la kuwo seewoo le be ali bambandi la.”

Nehemiya 8:10 Mawu Ofanana

1 Mansoolu 8:66

Wo saamoo a ye moolu bula ka seyi. Ì ye mansa tentu, ì seyita suwo kono ì seewooriŋ baa, aduŋ ì jusulaata kuu kendoolu bee la, Yaawe ye mennu ke a la dookuulaa Dawuda ye, aniŋ a la moolu Banisirayilankoolu.

1 Taarika 16:27

Horomoo niŋ mansayaa waroo ye a murubeŋ ne, semboo niŋ jusulaa le be faariŋ a taradulaa to.

Nehemiya 8:11

Lewi lasiloo ye moolu deyindi le ka a fo ì ye ko, “Ali i deyi! Bii mu luŋ baa le ti. Ali kana sunu.”

Nehemiya 8:12

Bituŋ moolu bee janjanta ka taa domoroo la aniŋ ka miŋ feŋolu miŋ, aduŋ ì ye moo doolu niibo le, ka juuraloo ke niŋ seewoo baa la. Ì ye ñiŋ ke le kaatu ì ye kumoolu fahaamu le mennu bankeeta ì ye.

Esita 9:19

Ñiŋ ne ye a tinna Yahuudoolu mennu be saatee banta la aniŋ saateeriŋolu to, ka Adari karoo tili taŋ niŋ naanoo ke feeti luŋo ti aniŋ jusulaa. Wo luŋo la ì ka tabiri kendoolu ke le ka ñoo niibo.

Esita 9:22

Ñiŋ waatoo le Yahuudoolu tankata ì jawoolu ma. Aduŋ ñiŋ karoo le ì la sunoo yelemata ì ye kontaanoo ti, aduŋ ì la jikilateyoo yelemata ì ye feeti luŋo ti. A ye ì safee le, fo ì si ñiŋ luŋo kalamuta ka a ke feetoo niŋ kontaanoo luŋo ti. Aduŋ ì si tabiri kendoolu ke ka ñoo niibo, aniŋ ka soorifeŋolu dii fuwaaroolu la.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 89:17

Ite la semboo la kallankeeyaa*, wo le ka m̀ bambandi, aduŋ i la konotodiyaa le ka semboo dii ǹ na.

Kuma Kotoomaalu 17:22

Niilaa mu boori bete baa le ti balajaatoo ye, bari niŋ i niyo maŋ laa, i ka tara lamfuriŋ ne.

Kawandilaa 11:2

Moolu kundi i sotofeŋo to, hani niŋ a be ke la moo woorowula ti, waraŋ seyi. Kaatu i maŋ a loŋ kooroo be feenee la ñiŋ duniyaa kono waatoo meŋ na.

Kawandilaa 2:24

Feŋ ne maŋ beteyaa hadamadiŋo ye, ka tambi domoroo niŋ miŋo la, aniŋ ka niiseewoo soto a la kata kuwolu to. Ŋa a je le ko, ñiŋ fanaa ka bo Alla le bulu.

Kawandilaa 3:13

Alla la sooroo le mu hadamadiŋolu bee ye, ka domoroo niŋ miŋo ke, aniŋ ka niiseewoo soto i la dookuwolu to.

Kawandilaa 5:18

Nte naata meŋ je kuu kendoo ti, wo le mu ka domoroo ke, ka i miŋ. A beteyaata ka seewoo kuu kendoolu la i la kata kuwolu bee to, ñiŋ duniyaa tiloo koto, i baluu tili dantaŋolu kono, Alla ye mennu dii i la. Wo le mu i niyo ti.

Kawandilaa 9:7

Wo to i la domoroo domo niiseewoo kono, i ye i la wayinoo* miŋ sondome tenkuŋo kono. Alla lañinita i ye ñiŋ ne la.

Suukuwo 5:1

M baarimmusu, n na maañoo, m be naa kaŋ n na naakoo to le, ka n na miiri* niŋ seerandi feŋ koteŋolu kafu ñoo ma. M be n na liyo niŋ a kaañoo domo la le, ŋa n na wayinoo* niŋ n na keekewo miŋ. N teerimaalu, ali domoroo ke, ali ye i miŋ, ali ye siira kanoo kono. Musoo ko:

Yesaya 49:5

Yaawe ye n daa m baamaa wuluuñaŋo kono le, ka n ke a la dookuulaa ti, ka Yaakuba koomalankoolu ñaatonkayaa, fo ì si muru a kaŋ, aniŋ ka Banisirayilankoolu ñaa tilindi a la. Yaawe be m buuñaa la le, aduŋ n na semboo be bo la naŋ Alla le bulu.

Yesaya 61:10

Yaawe la kuwo seewoo tambita n kunna le, n niyo laata n na Alla la karoo la le. Kaatu a ye kiisoo dendikamaa le duŋ n na, a ye tiliŋo warambamaa duŋ n na, ko maañootiyo ka i paree ñaameŋ, aniŋ ko maañoo ka a faŋo ñiiñandi a la ñaroolu la ñaameŋ.

Yoweli 2:23

“Siyoni moolu, ali kontaani, ali ye seewoo Yaawe la kuwo la, ali la Alla. A la beteyaa kaŋ, a ye samaajiyo dii ali la, a ye jiyo boŋ ali ye naŋ fo a fuumata, samaa foloo jiyo aniŋ samaa labaŋ jiyo, ko a be nuŋ ñaameŋ.

Jakariya 14:21

Kaleera-wo-kaleera meŋ be Yerusalaamu aniŋ Yahuuda bankoo bee kaŋ, be kerekere la Yaawe ye le, Alihawaa Maariyo. I si a je, moolu mennu naata sadaaboo la, si ì taa noo ka ì la beeyaŋ sadaa* suboo tabi ì kono. Wo luŋo la, a te jari la waafirilaalu ye tara kotenke Yaawe Batudulaa Buŋo kono, Alihawaa Maariyo.

Luka 11:41

Ali si fuwaaroolu so feŋolu la, mennu be booloolu kono, aduŋ ì bee be seneyaa la ali ye le.

2 Korintinkoolu 8:2

Ì ye kotoboroo soto bataa kono ñaa-wo-ñaa, ì la seewoo timmariŋo ye hamoo dii ì la le ka diiroo ke baake ì faŋolu la lafoo kaŋ. Ì la fuwaareyaa la jawuyaa maŋ ì bali noo wo la.

Filipinkoolu 3:4

nte ye daliiloo soto ka n jikoo loo a kaŋ ñaa-wo-ñaa. Niŋ moo-wo-moo ye a miira ko, ate ye daliiloo soto le ka jiki a la hadamadiŋyaa kuwolu la, wo to nte le ye daliila koyoo soto jee ka tambi wo maarii la:

Lankenemoo 11:10

Moolu mennu be sabatiriŋ duniyaa kono taariŋ, wolu be seewoo la ì la saayaa kamma la le, ì be feetoo ke la, aduŋ ì be soorifeŋolu dii la ñoo la. Ì be seewoo la le saayiŋ, kaatu ñiŋ annabiyomu fuloo la kuwo ye ì toorandi le nuŋ.

1 Samuweli 25:8

A si a la dookuulaalu ñininkaa, wolu be a fo la a ye le. Saayiŋ a si beteyaa yitandi alitolu n na fondinkewolu la, kaatu ali naata feeti luŋo le la. Ali si a fo a ye, a ye silafandoo dii ǹ na, a la dookuulaalu aniŋ a dinkewo nte Dawuda.”