Nehemiya 7:70 - Mandinka Bible

⁷⁰ Lasiloolu la alifaa doolu ye diiroo ke Alla Batudulaa Buŋo dookuwo to le. Kumandaŋo ye sanoo kilo seyi le dii rankeesoo to, booli taŋ luulu, aniŋ piriisi dendika baa keme luulu niŋ taŋ saba.

Nehemiya 7:70 Mawu Ofanana

1 Mansoolu 7:45

kaleeroolu, peeloolu aniŋ booloolu. Ñiŋ feŋolu bee Mansa Sulemani ye Huramu bula mennu dadaa la Yaawe Batudulaa Buŋo ye, dadaata jaawali foroo le la.

1 Taarika 28:17

A ye yaamaroolu dii le, ì be saniforo nankamoo meŋ taa la ka subusooraŋolu, booloolu niŋ mindaŋolu dadaa. A ye yaamaroo dii, ì be kodiforo niŋ sani nankamoo meŋ fanaa taa la ka booli dumboolu dadaa,

2 Taarika 4:11

Huramu ye kaleeroolu fanaa dadaa, aniŋ peeloolu niŋ junjundirilaŋ booloolu. Bituŋ Huramu ye a la dookuwo bee baŋ, Mansa Sulemani ye a bula meŋ na Alla Batudulaa Buŋo to. Ñinnu le mu feŋolu ti, a ye mennu dookuu:

2 Taarika 4:8

A ye taabulu taŋ fanaa dadaa, a ye ì londi Alla Batudulaa Buŋo kono. A ye luulu londi maraa karoo la, a ye luulu doo londi bulubaa karoo la. A ye sani booli keme fanaa dadaa.

Nehemiya 10:1

Ñinnu le mu kewolu ti mennu ye kambeŋo kayitoo ñiŋ tampu: Kumandaŋo Nehemiya, meŋ mu Hakaliya dinkewo ti. Sedekiya,

Nehemiya 7:65

Ì la kumandaŋo ko ì ye le ko, ì kana sadaa* domori senuŋ baa domo, fo niŋ piriisoo sotota, meŋ si ì la kuwo juubee niŋ Urimu aniŋ Tummimu la.

Nehemiya 7:69

ñonkome keme naani, aniŋ taŋ saba niŋ luulu, aniŋ fali wuli wooro, aniŋ keme woorowula niŋ muwaŋ.

Nehemiya 7:71

Lasiloolu la alifaa doolu ye sanoo kilo keme, aniŋ taŋ wooro niŋ seyi le dii rankeesoo to, dookuwo kamma la, kodiforoo kilo wuli kiliŋ, aniŋ keme fula niŋ taŋ luulu.

Nehemiya 8:9

Moolu bee tarata kumboo le la, biriŋ ì be i lamoyi kaŋ Luwaa Kitaaboo kumoolu la. Bituŋ kumandaŋo Nehemiya, Esira, meŋ mu karammoo niŋ piriisoo ti, aniŋ Lewi lasiloo, mennu be karandiroo la, ko moolu bee ye ko, “Bii mu luŋ baa le ti Yaawe ye, ali la Alla. Ali kana sunu waraŋ ka kumboo.”

2 Musa 12:22

Ali siisiliŋñaama buloo taa, ali ye a bula yele booloo kono, ali ye yeloo doo muu bundaa santo niŋ a kaadari fuloo bee la. Hani moo kiliŋ ne maŋ ñaŋ na finti la a la buŋo kono, janniŋ fanoo ka ke.

2 Musa 24:6

Musa ye yeloo kara kiliŋo taa, a ye a ke booloolu kono, kara doo, a ye wo sari sadaabodulaa kaŋ.

Yeremiya 52:19

Kelediŋ kuntiyo ye boolindiŋolu fanaa taa le, dimbaa biiraŋolu, junjundirilaŋ booloolu, kaleeroolu, lampu looraŋolu, cuuraayi keraŋolu, ka taa miŋ feŋ sadaalu* ka ke booloolu mennu kono, mennu bee dadaata sanoo la, waraŋ kodiforoo.