Nehemiya 7:63 - Mandinka Bible

⁶³ Piriisi doolu fanaa koomalankoolu le mu ñinnu ti: Hobaya koomalankoolu, Hakosi koomalankoolu, aniŋ Baasillayi koomalankoolu. Baasillayi ye Baasillayi Kileyadinkoo dimmusoo le futuu, wo le ye a tinna ì ka a kumandi wo too la.

Nehemiya 7:63 Mawu Ofanana

2 Samuweli 17:27

Kabiriŋ Dawuda futata Mahanayimu, Sobi Nahasi dinkewo le ye a benduŋ. A bota Raba le meŋ be Ammoni bankoo kaŋ, aduŋ Makiri Ammiyeli dinkewo meŋ bota Lo-Deba, aniŋ Baasillayi meŋ bota Rokelimu meŋ be Kileyadi.

1 Mansoolu 2:7

“Bari i si beteyaa Baasillayi Kileyadinkoo dinkewolu fee, aduŋ ì si tara moolu kono mennu be domoroo ke la i yaa. Ì ye m maakoyi le kabiriŋ m be bori kaŋ i kotoomaa Abusalomu la.

1 Taarika 4:8

Kosi le ye Anubu wuluu, aniŋ Sobeba. Harumu dinkewo Ahareli fanaa la kaabiila moolu bota ate le bala.

Nehemiya 3:4

Uriya dinkewo Meremoti, Hakosi mamariŋo le ye a coki ka bo itolu bala. Ate bala, Berekiya dinkewo Mesullamu, Mesesabeli mamariŋo le ye cokiroo ke. Wo bala, Baana dinkewo Sadoki le ye seyinkaŋ looroo ke.

Nehemiya 7:62

Delaya koomalankoolu, Tobiya koomalankoolu, Nekoda koomalankoolu, moo keme wooro, aniŋ taŋ naani niŋ fula.

Nehemiya 7:64

Itolu ye ì la moolu bonsuŋolu ñini wuluu sila safeeroolu kono le, bari ì maŋ ì je. Wo le ye a tinna ì ye ì bali piriisiyaa la, kaatu ì ye ì muta moo seneyaabaloolu le ti.