Nehemiya 7:4 - Mandinka Bible

⁴ Bari saatewo ñiŋ warata le, aduŋ a kenoo fanuta le. Moo dantaŋ ne be jee, aduŋ buŋ maŋ seyinkaŋ loo foloo.

Nehemiya 7:4 Mawu Ofanana

Nehemiya 11:1

Banisirayilankoolu la ñaatonkoolu siita Yerusalaamu saatewo le kono. Bari moo toomaalu ye alikuuroo* le ke, ka dimbaayaa kiliŋ tomboŋ dimbaayaa taŋ-wo-taŋ kono, ka sii Yerusalaamu saatee senuŋo to. Bituŋ dimbaayaa kononto toomaalu, wolu tarata siiriŋ saatee doolu to.

Nehemiya 11:2

Moolu neemata wo moolu ma le, mennu ye ì faŋ dii ka sii Yerusalaamu.

Nehemiya 7:3

N ko ì ye ko, “Yerusalaamu dundaŋ daalu maŋ ñaŋ ka yele fo niŋ tiloo kandita. Janniŋ daa kantalaalu be jii la, ì si daa tawundaŋolu soroŋ, ka bantambiloo ke ì la. Ali si Yerusalaamu moo doolu fanaa tomboŋ ka ì ke kantarilaalu ti. Doolu si loo kantari dulaalu to, aduŋ doolu si loo ì faŋolu la buŋolu daa to.”

Nehemiya 7:5

Bituŋ n na Alla ye hakiloo dii n na ka ñaatonkoolu bendi, alifaalu, aniŋ moo toomaalu bee, ka ì toolu safee ka bo niŋ ì la dimbaayaalu la. N naata moolu la wuluu sila safeeroolu je le, mennu foloo seyita naŋ. Ŋa ñiŋ ne tara safeeriŋ jee:

Yesaya 58:12

Ali la moolu be tumbuŋ kotoolu lookuu la le, ì ye fondamaŋ kotoolu wulindi kotenke. Ali be kumandi la sansaŋ boyiriŋ loolaalu le la, aniŋ mennu ka mbeedoolu dadaa, fo taradulaalu ye tara jee.”

Matiyu 6:33

Ali Alla la mansabaayaa ñini foloo, aniŋ a la tiliŋo, bituŋ ali si naa ñiŋ feŋolu bee fanaa soto.