Nehemiya 6:14 - Mandinka Bible

¹⁴ N na Alla, i hakiloo ye bula Tobiya niŋ Samballati la, ì kekuwolu kaŋ. I hakiloo ye bula musu annabiyomoo Nowadiya, aniŋ annabiyomu toomaalu mennu tarata a kata kaŋ ka n silandi.

Nehemiya 6:14 Mawu Ofanana

Nehemiya 13:29

N na Alla, i hakiloo si bula ì la, kaatu ì ye piriisiyaa dookuwo tiñaa le, aduŋ ì ye piriisoolu niŋ Lewi lasiloo la kambeŋo tiñaa le.

Nehemiya 5:19

N na Alla, i hakiloo si bula ka neema m ma kuu betoo kamma la, ŋa meŋ ke ñiŋ moolu ye.

Jabuuroolu 137:7

Hee Yaawe, i miira Edomunkoolu ye meŋ ke, luŋo meŋ na ǹ jawoolu ye Yerusalaamu saatewo muta. Ì tarata a fo kaŋ ne ko, “Ali a tumbuŋ de! Ali a tumbuŋ de, fo a fondamaŋolu to!”

Jabuuroolu 22:1

N na Alla, n na Alla, muŋ ne ye a tinna i ye nte bula? Muŋ ne ye a tinna i maŋ m maakoyi? M be ŋuntaŋ kaŋ ne, muŋ ne ye a tinna i jamfata n na?

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

2 Musa 15:20

Bituŋ Miriyaamu, annabiyomu musoo, meŋ keta Haaruna baarimmusoo ti, ye tambuuroo taa, musoolu bee bulata a nooma, ì niŋ tambuuroolu niŋ doŋo.

Yeremiya 14:15

“Wo kamma la nte Yaawe ye ñiŋ ne fo annabiyomoolu ma, mennu ka kiilaariyaa kumoolu fo n tooyaa la: Nte maŋ ì kii, hani wo, ì ka a fo ko hawusari kele te naa ñiŋ bankoo kaŋ. Ì ka a fo ko, konkoo te boyi la ñiŋ bankoo kaŋ. Wo to konkoo niŋ hawusaroo le be wo annabiyomoolu faŋolu faa la.

Yeremiya 14:18

Niŋ m fintita kenoo kono, n ka furewolu le je, ì ye mennu faa hawusaroo la. Niŋ n dunta saatewo kono, n ka konkoo maasiiboo le je. Annabiyomoolu niŋ piriisoolu* ka tara ì la dookuwo la bankoo kaŋ ne taariŋ, bari ì maŋ a loŋ ì ka meŋ ke.”

Yeremiya 28:1

Wo saŋ kiliŋo kono le mu, Yahuuda mansakewo Sedekiya la mansayaa sanji naaninjaŋo kari luulunjaŋo kono, Asuri dinkewo, Annabilayi Hananiya, meŋ bota Kibeyoni saatewo to, diyaamuta n ye Yaawe* Batudulaa Buŋo* to. Wo mu Sedekiya la mansayaa datidulaa maafaŋo le ti. A keta piriisoolu* niŋ moolu bee le ñaa la. A ko n ye ko:

Yeremiya 28:10

Wo to le Hananiya ye yookoo bondi nte Yeremiya toŋo to, a ye a katiŋ-katiŋ.

Yeremiya 28:15

Wo le to n naata a fo Hananiya ye ko, “Hananiya, i lamoyi baŋ! Yaawe maŋ i kii, aduŋ i ye ñiŋ moolu landi faniyaa le la.

Matiyu 24:11

Faniyaa annabiyomu jamaa le be wuli la, aduŋ ì be moo jamaa le filindi la.

Matiyu 24:24

Kaatu moolu be wuli la le, mennu be ì faŋ ke la Alimasiihu ti, waraŋ annabiyomoolu. Ì be taamanseeri baalu yitandi la le, aniŋ kaawakuwolu, ka hani Alla la tomboŋ moolu filindi, niŋ ì si a ke noo.

Matiyu 7:15

“Ali ali hakiloo tu annabiyomoolu to, mennu maŋ tara tooñaa kaŋ. Ì ka naa ali kaŋ ne ko saajiyolu, bari ì konoto be ko suluu konkoriŋolu.

2 Timoti 3:8

Ko Yannes niŋ Yamberes balanta Annabilayi Musa ma nuŋ ñaameŋ, ñiŋ karandirilaalu fanaa ka balaŋ tooñaa ma wo le ñaama, baawo ì hakiloolu nakarita le, ì maŋ lanna tooñaa soto.

1 Yohana 5:16

Niŋ moo-wo-moo ye a baadiŋo* je junuboo ke la, meŋ maŋ ke saayaa junuboo ti, a ñanta duwaa la a ye le, aduŋ Alla be baluwo dii la a la le. M be moolu le la, mennu la junuboo maŋ ke saayaa junuboo ti. Saayaa junuboo be jee le, m maŋ a fo, a ye duwaa wo la.

Lankenemoo 19:20

Daafeŋ saŋarariŋo ñiŋ mutata, aniŋ faniyaa annabiyomoo meŋ ye taamanseeri kaawakuuyaariŋolu ke a ñaatiliŋo la nuŋ. Ka bo niŋ wo kaawakuwolu la, a ye moolu neenee nuŋ, mennu ye daafeŋ saŋarariŋo la taamanseeroo soto, aniŋ ka a muluŋo batu. Itolu fuloo baluuriŋo le fayita dimbaa daloo kono, meŋ ka jani niŋ solifa munkoo* la.