Nehemiya 5:13 - Mandinka Bible

¹³ Ŋa n na dendika kopoo fanaa konkoŋ ne, aduŋ n kumata ko, “Allamaa Alla ye moo-wo-moo fanaa konkoŋ wo ñaama aniŋ a la sotofeŋolu, ka bo a la buŋo kono, niŋ a maarii maŋ a la laahidoo ke. Allamaa a maarii ye konkoŋ teŋ, a kenseŋo ye loo.” Kafoo bee kumata ko, “Amiin,” aduŋ ì ye Yaawe* tentu. Aduŋ moolu ye meŋ laahidi, ì ye a ke le.

Nehemiya 5:13 Mawu Ofanana

2 Mansoolu 23:3

Bituŋ mansa loota a la dulaa to samasiŋo daala. A ye kambeŋo kutayandi kuuke Yaawe ñaatiliŋo la, ka bula Yaawe nooma, ka a la yaamaroolu, a la luwaalu, aniŋ a la kumoolu muta a niyo niŋ a sondomoo bee la, ka baara kambeŋo kumakaŋo la, ko a be safeeriŋ ñiŋ kitaaboo kono ñaameŋ. Bituŋ moolu fanaa bee ye laahidoo taa ka kambeŋo ñiŋ muta.

1 Taarika 16:36

Tenturoo be Yaawe ye, Banisirayila la Alla, ka bo saayiŋ na ka taa fo abadaa. Bituŋ moolu bee ko, “Amiin,” aduŋ ì ye Yaawe jayi.

Nehemiya 8:6

Esira ye Yaawe tentu, Alla meŋ warata. Bituŋ moolu ye ì buloolu wulindi ka jinkaroo ke ko, “Amiin! Amiin!” Bituŋ ì sujudita ka ì foŋolu loo bankoo to, ka Yaawe batu.

Jabuuroolu 119:106

N kalita le ka laahidi bambandiŋo taa, ka i la luwaa timmariŋolu muta.

Jabuuroolu 50:14

Ali tenturoo le dii nte Alla la ko sadaa, aduŋ ali ali la laahidoolu timmandi nte Mansa Tallaa ye.

Jabuuroolu 76:11

Ali laahidoolu taa Yaawe* ali la Alla ye, ali ye ì timmandi. Alitolu bantala bankoolu* bee, ali soorifeŋolu samba a ye naŋ, ate meŋ ñaasilaŋo warata.

Kuma Kotoomaalu 28:4

Moolu mennu ka ì koo dii luwaa la, ka moo jawoolu le jayi, bari moolu mennu ka luwaa muta, ka balaŋ ì ma le.

Kawandilaa 5:5

Niŋ i maŋ laahidoo taa muumee, wo le fisiyaata ka laahidoo taa, i maŋ naa a timmandi.

4 Musa 5:22

Allamaa ñiŋ jiyo meŋ ka dankoo samba naŋ, ye duŋ i kono, a ye i konoo yitindi, i wuluuñaŋo ye soroŋ.” Bituŋ musoo ñiŋ si a fo ko, “Amiin, a ye ke.”

Matiyu 10:14

Niŋ moo-wo-moo maŋ ali danku, waraŋ a maŋ a tuloo loo ali la kumoolu la, ali si ali siŋolu konkoŋ, niŋ ali be bo la wo buŋo kono waraŋ wo saatewo to.

Kiilaalu 13:51

Bituŋ Pawulu niŋ Barinabas fintitoo ye ì siŋolu konkoŋ ka ke taamanseeroo ti ì ye. Wo to le ì taata Ikoniyumu saatewo to.

Kiilaalu 18:6

Bari Yahuudoolu ye a soosoo ka a tooñee. Wo kamma la, Pawulu ye a la waramboo firisa ka ke taamanseeroo ti ì ye. A ko ì ye ko, “Ali faŋolu yeloo si tu ali kuŋolu kaŋ! Nte seneyaata ñiŋ kuwo to le. Ka bo saayiŋ na, m be taa moolu le yaa, mennu maŋ ke Yahuudoolu ti.”

1 Korintinkoolu 14:16

Niŋ ite be Alla tentu kaŋ ka a jayi niŋ i la nooroo la, moo meŋ maŋ i fahaamu noo, wo be a fo noo la ñaadii le, “Amiin”?

1 Samuweli 15:28

Wo to le Samuweli ko a ye ko, “Ñiŋ dendika faroo keta i ye taamanseeri le ti ko, Yaawe ye Banisirayila mansamarali bankoo buusi i bulu le bii tiloo. A ye a dii moo doo le la, meŋ beteyaata ite ti.