Nehemiya 3:32 - Mandinka Bible

³² Bituŋ buŋ santonkoo meŋ be tonkoŋo la, a niŋ Saajii Dundaŋ Daa teema, sani numoolu niŋ waafirilaalu le ye seyinkaŋ dadaaroo ke wo to.

Nehemiya 3:32 Mawu Ofanana

Nehemiya 12:39

Bituŋ ka bo jee ǹ tambita niŋ Efurayimu Dundaŋ Daa to la, ka taa Yesana Dundaŋ Daa, Ñee Dundaŋ Daa, Hananeli Tata Jaŋo, Keme Tata Jaŋo, fo Saajii Dundaŋ Daa to. Ŋà ǹ na taamoo baŋ Kantarilaa Dundaŋ Daa le to, Alla Batudulaa Buŋo* ñaatiliŋo la.

Nehemiya 3:1

Piriisi* kuntiyo Eliyasibu niŋ a piriisiñoolu wulita dookuwo la, aduŋ ì ye Saajii Dundaŋ Daa seyinkaŋ loo le. Ì ye a kerekere le, aniŋ ì ye daa tawundaŋolu ke a la. Ì ye a kerekere le ka taa fo Keme Tata Jaŋo to, aniŋ ka taa fo Hananeli Tata Jaŋo to.

Nehemiya 3:31

Itolu bala, Malikiya, meŋ tarata sani numoolu kono, le ye seyinkaŋ dadaaroo ke. A ye a samba le fo Alla Batudulaa to dookuulaalu la buŋo to, a niŋ waafirilaalu, mennu be Kumbeŋ Dundaŋ Daa ñaatiliŋo la, aniŋ ka taa fo buŋ santonkoo to, tonkoŋo la.

Nehemiya 3:8

Itolu bala, Harihaya dinkewo Usiyeli, meŋ tarata sani numoolu kono, le ye seyinkaŋ looroo ke. Wo bala, Hananiya, meŋ tarata seerandi feŋ dadaalaalu kono, le ye seyinkaŋ dadaaroo ke. Aduŋ ì ye Yerusalaamu dadaakuu le ka taa fo Sansaŋ Tata Fanuŋo to.

Yohana 5:2

Dala doo le be Yerusalaamu jee, Saajii Dundaŋ Daa daala. Hiburu kaŋo to wo daloo too mu Betisata le ti, a be pereŋ luulu le teema.