Nehemiya 3:14 - Mandinka Bible

¹⁴ Rekabu dinkewo Malikiya, Beti-Hakeremu kumandaŋ bankoo maralaa, le ye Suntukunto Dundaŋ Daa seyinkaŋ dadaa. A ye a loo le, ka daa tawundaŋo ke a la, sorondaŋolu, aniŋ bantambiloolu.

Nehemiya 3:14 Mawu Ofanana

2 Samuweli 4:2

Saayiŋ, Sawulu dinkewo ye kee fula le soto, mennu keta ñapinkannaalu la ñaatonkoolu ti. Doo too mu Baana le ti, doo, wo too mu Rekabu le ti. Ì keta Rimmoni le dinkewolu ti, meŋ keta Beerotinkoo ti, ka bo Benjamini lasiloo kono. Beeroti mu Benjamini lasili moolu le taa ti,

2 Mansoolu 10:15

Kabiriŋ Yehu bota wo to, a niŋ Rekabu dinkewo Yehonadabu benta, a ka naa a benduŋ. A ye Yehonadabu kontoŋ, a ko a ye ko, “Fo i ŋaniyoo seneyaata n ye le komeŋ nte ŋaniyoo seneyaata ite ye ñaameŋ?” Yehonadabu ko a ye ko, “Haa, a be wo le ñaama.” Bituŋ Yehu tententa ka a fo a ye ko, “Niŋ a be wo le ñaama, wo to i buloo dii n na naŋ.” A ye a buloo dii a la. Yehu ye a selendi a faŋ fee keleraŋ sareetoo kaŋ,

1 Taarika 6:40

Berekiya, Simeya dinkewo, Simeya, Mikayeli dinkewo, Mikayeli, Baaseya dinkewo, Baaseya, Malikiya dinkewo,

Nehemiya 12:31

Ŋa Yahuuda ñaatonkoolu naati tata sansaŋo kaŋ santo le. Ŋa suukuulaalaa kafu baa fula fanaa londi jee le ka tenturoo ke. Kafu doo taamata bulubaa karoo le la, ka taa Suntukunto Dundaŋ Daa maafaŋo la.

Nehemiya 2:13

Suutoo n taata niŋ Wulumbanto Dundaŋ Daa le la. N taata ka tambi Ninkinanka Woyoo to la, ka naa Suntukunto Dundaŋ Daa to. N taatoo ŋa saatewo tata sansaŋo koroosi, meŋ be teyiriŋ, aduŋ dimbaa ye a dundaŋ daalu kasaara le.

Nehemiya 3:9

Itolu bala, Huri dinkewo Refaya, Yerusalaamu kumandaŋ bankoo talantewo maralaa, le ye seyinkaŋ dadaaroo ke.

Yeremiya 6:1

Yaawe* le ye ñiŋ fo ko: “Alitolu Benjamini lasiloo moolu, ali bori ka tanka, ali ye finti Yerusalaamu kono. Ali kelebinoo fee Tekowa saatewo to, ali ye taamanseeroo wulindi santo Beti-Hakeremu, kaatu maasiiboo le ka kurukuru naŋ maraa kara maafaŋo la, aniŋ kasaara baa.