Nehemiya 2:6 - Mandinka Bible

⁶ Bituŋ mansa ye n ñininkaa, wo tumoo mansamusoo* be siiriŋ a daala, a ko, “Wo be taa le fo muŋ tuma, aniŋ waati jumaa le i be muru la naŋ?” A sonta le ka m bula ŋa taa, aduŋ ŋa waatoo fo a ye le.

Nehemiya 2:6 Mawu Ofanana

Nehemiya 1:11

Maariyo, i lamoyi n na duwaa la, aniŋ i la dookuulaalu la duwaa, i too kuliyandoo ka mennu kontaani. Ñaatotaa dii n na, aduŋ i si a tinna ñiŋ mansakewo ye balafaa n ye.” Wo waatoo nte le mu mansa la mindaŋ sambalaa ti.

Nehemiya 13:6

Bari kabiriŋ ñiŋ bee be ke la, nte te nuŋ Yerusalaamu. M muruta nuŋ Babiloni mansakewo Atasasita yaa le, a la mansayaa sanji taŋ saba niŋ fulanjaŋo kono. Kabiriŋ a meeta domandiŋ, n naata sara mansa la ka taa.

Nehemiya 2:4

Bituŋ mansa ko n ye ko, “I lafita muŋ ne la?” Wo le to n duwaata ka Arijana Maarii daani.

Nehemiya 2:5

Bituŋ n ko mansa ye ko, “Niŋ a ye a tara a be ite Mansa kontaani la, aniŋ niŋ a ye a tara i konotoo be diyaa la m fee, ŋa ñiŋ ne daani fo i si m bula ŋa taa Yahuuda. Ŋa taa saatewo to m mumuñolu be laariŋ daameŋ, fo n si a seyinkaŋ loo.”

Nehemiya 5:14

Sanji taŋ niŋ fuloo bee kono, kabiriŋ m mu Yahuuda bankoo kumandaŋo ti, ka bo Atasasita la mansayaa sanji muwanjaŋo la ka taa fo a la sanji taŋ saba niŋ fulanjaŋo la, m baadiŋolu mu wo, nte mu wo, moo maŋ domoroo domo meŋ ñanta ka dii nte kumandaŋo la.

Yesaya 58:12

Ali la moolu be tumbuŋ kotoolu lookuu la le, ì ye fondamaŋ kotoolu wulindi kotenke. Ali be kumandi la sansaŋ boyiriŋ loolaalu le la, aniŋ mennu ka mbeedoolu dadaa, fo taradulaalu ye tara jee.”

Yesaya 61:4

Ì be tumbuŋ kotoolu lookuu la le, ì ye dulaalu mennu meeta kasaarariŋ, seyindi ì ñaama. Ì be saatee tiñaariŋolu dadaakuu la le, mennu janjanta, sanji jamaa koomanto.

Yesaya 65:24

Janniŋ ì ka kumandiroo ke, m be n danku la le. Niŋ ì be diyaamu kaŋ n ye ì la suula kuwolu la, m be ì la duwaa jaabi la le.

Daniyeli 9:25

“Wo to i si ñiŋ loŋ ko, ka bo waatoo meŋ na yaamaroo diita ka Yerusalaamu saatewo seyinkaŋ loo, ka a murundi a ñaama, ka taa bula Alla la maralilaa tombondiŋo la naa waatoo la, sanji woorowula siidulaa woorowula le be tambi la. Yerusalaamu be seyinkaŋ loo la le, a ye mbeedoolu soto, aniŋ tata bambandiŋolu. A be tara la looriŋ ne fo sanji taŋ wooro niŋ fula siidulaa woorowula. Bari a be ke la mantoora waatoo le ti.