Nehemiya 2:13 - Mandinka Bible

¹³ Suutoo n taata niŋ Wulumbanto Dundaŋ Daa le la. N taata ka tambi Ninkinanka Woyoo to la, ka naa Suntukunto Dundaŋ Daa to. N taatoo ŋa saatewo tata sansaŋo koroosi, meŋ be teyiriŋ, aduŋ dimbaa ye a dundaŋ daalu kasaara le.

Nehemiya 2:13 Mawu Ofanana

2 Taarika 26:9

Wo koolaa Usiya ye tata jaŋolu loo Yerusalaamu saatewo Tonkoŋ Dundaŋ Daa to, Wulumbanto Dundaŋ Daa, aniŋ saatee tata sansaŋo ŋoojita daameŋ, aduŋ a ye ì bambandi.

Nehemiya 1:3

Ì ye n jaabi ko, “Moolu mennu tuta baluwo to kumandaŋ mara bankoo kaŋ jee, mennu seyita ka bo mutoo kono, be koleyaa baa le kono, aniŋ maloo. Yerusalaamu tata sansaŋo boyita le, aduŋ a dundaŋ daalu janita le.”

Nehemiya 12:31

Ŋa Yahuuda ñaatonkoolu naati tata sansaŋo kaŋ santo le. Ŋa suukuulaalaa kafu baa fula fanaa londi jee le ka tenturoo ke. Kafu doo taamata bulubaa karoo le la, ka taa Suntukunto Dundaŋ Daa maafaŋo la.

Nehemiya 2:12

Bituŋ n wulita suutoo, n niŋ kee dantaŋ. M maŋ a fo moo ye n na Alla ye kuwo meŋ duŋ n sondomoo kono, Yerusalaamu saatewo ye. Ŋa taamaraŋ beeyaŋ kiliŋ doroŋ ne samba, n ka sele meŋ kaŋ.

Nehemiya 2:15

Bituŋ n taata niŋ wulumbaŋo to la wo suutoo, ka tata sansaŋo ñiŋ koroosi. Wo le to m muruta ka taa niŋ Wulumbanto Dundaŋ Daa la, n seyita.

Nehemiya 2:17

Bituŋ n naata a fo ì ye ko, “Ali ye a je le m̀ be mantooroo meŋ kono. Yerusalaamu fele a tumbummaa le be laariŋ, aduŋ a dundaŋ daalu janita dimbaa le la. Wo to ali naa ŋà saatewo tata sansaŋo seyinkaŋ loo, fo ǹ si bo maloo kono.”

Nehemiya 2:3

N ko mansa ye ko, “Allamaa i mee la! Muŋ ne ye a tinna n ñaa te kuyaa la, baawo m mumuñolu be laariŋ saatewo meŋ to, jee be tumbundiŋ ne, aduŋ a dundaŋ daalu bee kasaarata niŋ dimbaa le la?”

Yeremiya 5:10

A ko: “Ali i seyiŋ a wayini* yiri kankaŋolu kono ka ì kuntu, bari ali kana ì bee kasaara kewu. Ali a buloolu jasi, bayiri wo moolu maŋ ke nte Yaawe taa ti.