Nehemiya 2:10 - Mandinka Bible

¹⁰ Samballati Horoninkoo, aniŋ Tobiya Ammoninkoo meŋ ka dookuwo ke mansakundaa ye, kabiriŋ ì ye ñiŋ moyi, ì niyo kuyaata baake le, kaatu moo le naata ka Banisirayilankoolu la kuwo topatoo.

Nehemiya 2:10 Mawu Ofanana

Nehemiya 13:1

Wo luŋo la ì ye Musa la Luwaa* Kitaaboo karaŋ ne, moolu tarata i lamoyi kaŋ. Aduŋ ñiŋ ne naata tara safeeriŋ jee ko, hani Ammoninkoolu waraŋ Mowabinkoolu kiliŋ maŋ ñaŋ na duŋ na Alla la jamaa moolu kono.

Nehemiya 13:28

Yoyada mu Piriisi kuntiyo Eliyasibu dinkewo le ti. Yoyada dinkewo doo be jee ŋa wo bayi m bala le, kaatu a ye Samballati Horoninkoo dimmusoo le futuu.

Nehemiya 13:4

Janniŋ ñiŋ be ke la, Piriisi* Eliyasibu le marata Alla Batudulaa Buŋo* maabori buŋolu ma. Kafuñooyaa baa le tarata a niŋ Tobiya teema.

Nehemiya 2:19

Kabiriŋ Samballati Horoninkoo, Tobiya Ammoninkoo meŋ ka dookuwo ke mansakundaa ye, aniŋ Kesemu Araaboo ye ñiŋ moyi, ì jututa ǹ na le, ka ǹ tooñee. Ì ko ǹ ye ko, “Ali ka muŋ ne ke teŋ? Ali ka balaŋo tiliŋ mansa le la baŋ?”

Nehemiya 4:7

Bari Samballati, Tobiya, Araaboolu, Ammoninkoolu, aniŋ Asidodinkoolu kamfaabaata le, kabiriŋ ì ye a moyi ko, Yerusalaamu tata sansaŋo seyinkaŋ dadaa be taa kaŋ ñaato le aniŋ ko, tatoo huwolu be suki kaŋ ne.

Nehemiya 6:1

Saayiŋ Samballati, Tobiya, Kesemu Araaboo, aniŋ ǹ jawu toomaalu ye a moyi le ko, ŋa tata sansaŋo bee baŋ seyinkaŋ loo la le, aduŋ huu maŋ tu jee. Ka daa tawundaŋolu ke a la, wo doroŋ ne tuta jee.

Nehemiya 6:16

Kabiriŋ ǹ jawoolu bee ye ñiŋ moyi, ǹ dandanna bankoolu bee le silata, aduŋ ì jikilateyita le. Kaatu ì ye a loŋ ne ko, ñiŋ dookuwo ke noota le ka bo niŋ ǹ na Alla la deemaaroo la.

Esita 10:3

Moridekayi le tarata Mansa Ahasuweru nooma. Ate le ye semboo soto Yahuudoolu bee kono, aduŋ a mooñoo Yahuudoolu ye a buuñaa le, kaatu a ka dookuu betoo le ke a la moolu ye, aduŋ a ka diyaamu le ka ì bee la kuwo topatoo.

Jabuuroolu 112:10

Moo kuruŋolu si wo je, ì ye kamfaa. Ì si i ñimmakiŋ, aduŋ ì niŋ wo le ka faa. Moo kuruŋo hame kuwo ka naa ke kuu kenseŋo le ti.

Kuma Kotoomaalu 27:4

Kamfaa jawuyaata le, jusuboo ka kasaaroo le ke, bari jumaa le niŋ kiiliyaa si tu noo?

Kuma Kotoomaalu 30:22

Joŋo meŋ keta mansa ti, toolee baa meŋ ye domoroo ke fo a konoo faata,

Kawandilaa 10:7

Ŋa joŋolu je seleriŋ suwoolu koo to le, mansariŋolu be taama la ì siŋo la ko joŋolu.

Yesaya 15:5

Mowabi la kuwo ye m balafaa le. A la keleborilaalu borita le fo Sowari, ka taa fo Ekilati-Selisiya. Ì be lemba kaŋ ka taa Luhiti siloo la, ka taa Horonayimu, ì be ì la kasaaroo woosii kaŋ.

Yeremiya 41:10

Isimayila naata moolu bee muta mennu be Misipa. Wolu le keta mansa dimmusoolu ti, ka taa moolu mennu tuta nuŋ jee. Wolu le mu moolu ti kelediŋ kuntiyo Nebusaradani ye mennu tu karafariŋ Kedaliya bulu. Isimayila ye ì taa le ka ì samba ñoo la mutoo kono, a wulita ka wudaayi Ammoninkoolu yaa.

Yeremiya 48:34

“Ì la wuuroo be kuma kaŋ santo le, ka bo Hesiboni ka taa fo Heleyale, hani fo Yahasi, ka bo Sowari ka taa fo Horonayimu, hani fo Ekilati Selisiya, kaatu hani Nimurimu woyoolu jaata le kos.

Yeremiya 48:5

Ì be kumboo kaŋ baake, ì seletoo siloo la ka taa Luhiti, ì niŋ niikuyaa niŋ kumboo, ì jiitoo siloo la ka taa Horonayimu.

Kiilaalu 4:2

Ì niyo toorata baake, kaatu saayiboolu ka moolu karandi Yeesu la kuwo la, aduŋ ì ka kankulaa ko, saayaakoolaa wulindiroo sotota le.

Kiilaalu 5:24

Biriŋ Alla Batudulaa kantarilaa kuntiyo niŋ piriisi ñaatonkoolu ye ñiŋ kumoolu moyi, ì jaakalita ì la kuwo la, aniŋ ì be meŋ ke la ñiŋ kuwo to.