Nehemiya 13:19 - Mandinka Bible

¹⁹ Kabiriŋ wulaara dubeŋo jiita Yerusalaamu dundaŋ daalu kaŋ, janniŋ Loobula Luŋo be dati la, ŋa kaŋo dii ka daa tawundaŋolu soroŋ, aduŋ ì kana yele fo niŋ Loobula Luŋo tambita. Ŋa m faŋo la dookuulaa kewo doolu le londi dundaŋ daalu to, ñiŋ kamma la duni kana samba naŋ konoto Loobula Luŋo la.

Nehemiya 13:19 Mawu Ofanana

Nehemiya 13:20

Siiñaa kiliŋ fo fula, safaarilaalu niŋ juloolu mennu ka feŋ siifaalu bee waafi, ye suutoo laa Yerusalaamu banta la le.

Nehemiya 7:3

N ko ì ye ko, “Yerusalaamu dundaŋ daalu maŋ ñaŋ ka yele fo niŋ tiloo kandita. Janniŋ daa kantalaalu be jii la, ì si daa tawundaŋolu soroŋ, ka bantambiloo ke ì la. Ali si Yerusalaamu moo doolu fanaa tomboŋ ka ì ke kantarilaalu ti. Doolu si loo kantari dulaalu to, aduŋ doolu si loo ì faŋolu la buŋolu daa to.”

3 Musa 23:22

Niŋ ali ye a dati ka ali la kunkoolu fiifeŋo kati, ali kana a bee kati fo naanewo daŋo to, waraŋ ka a bee karaŋ katiri koolaa. Ali ñanta wolu tu la fuwaaroolu niŋ tumarankewolu le ye. Nte le mu Yaawe ali la Alla ti.

3 Musa 23:32

A mu ali ye loobula luŋ buuñaariŋo le ti, aduŋ ali ñanta ali faŋ muta la le. Ka bo ñiŋ karoo tili konontonjaŋo luŋo wulaaroo la, ka taa fo a saamoo wulaaroo, ali ñanta le ka a muta loobula luŋo ti.

Yohana 5:10

Wo kamma la Yahuudoolu ko kewo ye meŋ kendeyaata ko, “Bii mu Loobula Luŋo le ti. Luwaa maŋ soŋ, i ye i la basoo samba.”