Nahumu 3:9 - Mandinka Bible

⁹ Kusi* niŋ Misira le mu a semboo ti, dandulaa te meŋ na. Puti niŋ Libiya, wolu le mu a maakoyilaalu ti.

Nahumu 3:9 Mawu Ofanana

1 Musa 10:6

Hamu dinkewolu, wolu le mu: Kusi ti, Misira, Puti aniŋ Kanaani.

1 Taarika 1:8

Hamu dinkewolu, wolu le mu: Kusi, Misira, Puti aniŋ Kanaani.

2 Taarika 12:3

Mansa Sisaki naata, a niŋ a la kelediŋolu, keleraŋ sareeti* wuli kiliŋ keme fula, suutii wuli taŋ wooro, aniŋ sinna kelediŋolu, moo te mennu yaatee noo la, ka taa bula Libiya, Suki, aniŋ Kusi* kelediŋolu la.

2 Taarika 16:8

Fo Kusinkoolu* niŋ Libiyankoolu maŋ kelediŋ jamaa niŋ keleraŋ sareeti* jamaa le soto baŋ, aniŋ kelediŋ jamaalu, mennu niŋ suwoolu mu? Bari biriŋ i sembeta Yaawe la, a ye a ke le, i ye wolu noo.

Yesaya 20:5

Mennu laata Kusinkoolu la, aniŋ ka kibiri Misira la kuwo la, si jikilateyi, ì ye duŋ maloo kono.

Yeremiya 46:9

Acaa, suwoolu ye kirimbaasi! Keleraŋ sareetoolu ye saŋara bori! Kelejawaroolu ye taa ñaato: Kusi* aniŋ Puti kewolu, mennu ye ì la koteeroolu cafu, aniŋ Ludinkoolu mennu kalanta kala fayoo la.

Esekiyeli 27:10

“Perisiya, Ludi, aniŋ Puti kewolu le be i la kelediŋ kafoo kono, aduŋ itolu le mu i la kelejawaroolu ti. Ì la koteeroolu* niŋ ì la keleraŋ nee naafoolu ka tara dendiŋ i karoo bee le la. Wolu le ka i ñiiñandi.

Esekiyeli 29:7

Niŋ ì ye i muta ka tintiŋ a la doroŋ, i si kati ì bulu, fo ì daboolu ye bo. Niŋ ì sembeta i la doroŋ, i ye kati ì bulu, fo ì koolu ye kati.”

Esekiyeli 30:5

“Kusinkoolu, Putinkoolu, Ludinkoolu, Araabuduunkoolu, Libiyankoolu, aniŋ n na laahidi banku moolu, ì niŋ Misirankoolu bee be faa la wo keloo le kono.”

Esekiyeli 31:2

“Ite hadamadiŋo, kiilaariyaa kumoo fo Firawoona ma Misira mansakewo a niŋ a la jamaa moolu ye ko: Fo ite niŋ jumaa le si laa noo semboo la?

Esekiyeli 38:5

Perisiya, Kusi*, niŋ Puti bankoolu fanaa be laariŋ i kaŋ ne, ì bee niŋ ì la koteeroolu niŋ ì la nee naafoolu.

Daniyeli 11:43

A be sanoo niŋ kodiforoo, aniŋ feŋ daa jawoolu bee taa la le, mennu be maaboriŋ Misira bankoo kaŋ. A be Libiya niŋ Kusi* bankoo fanaa muta la le.