Nahumu 3:11 - Mandinka Bible

¹¹ Ite Ninewe, i fanaa be ke la le ko siiratoo, i ye bori ka taa maabo, ka tankoo ñini i jawoolu ma.

Nahumu 3:11 Mawu Ofanana

Jabuuroolu 75:8

Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

Yesaya 2:10

Ali taa i maabo bere baalu teema, ali ye duŋ dinkoolu kono, Yaawe la kamfaa baa kamma la, aniŋ a la mansabaayaa la sembe waroo.

Yesaya 2:19

Moolu be bori la le, ka i maabo berehuwolu aniŋ dinkoolu kono, Yaawe la kamfaa baa kamma la, aniŋ a la mansabaayaa sembe waroo, niŋ a wulita ka duniyaa kiitindi.

Yesaya 29:9

Ali ali faŋolu hakilintaŋyandi doroŋ, ali ye hakilintaŋyaa. Ali ali faŋolu finkindi, ali ye finki. Ali ye siira, bari a te ke la doloo ti. Ali ye timili-tamali, wayini* te a saabu la.

Yesaya 49:26

M be a ke la le, i toorandilaalu ye ñoo faa. Ì faŋolu yeloo le be ì siirandi la ko doloo. Wo to hadamadiŋolu bee be a loŋ na le ko, nte Yaawe le mu i Kiisandirilaa ti, i Kumakaalaa, Yaakuba la Alla Tallaa.”

Yesaya 63:6

N na jusuboo kono, ŋa n tuu bankoolu kaŋ. N na kamfaa ye a ke le, fo ì ka timili-tamali, ŋa ì yeloo boŋ bankoo to.”

Yeremiya 4:5

Yaawe ko: “Kibaaroo fo Yahuuda kono, i ye kankulaaroo ke Yerusalaamu kono, ka a fo moolu ye ko: ‘Ali binoo fee bankoo bee kaŋ!’ Sari santo ka a fo ì ye ko, ‘Ali beŋ ñoo kaŋ, ali ye bori ka taa saatee tatariŋolu kono.’

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Yeremiya 8:14

Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

Hoseya 10:8

Beti-Aweni la jalaŋ batudulaa tintiŋolu* be kasaara la le, Banisirayila ka junuboo ke daameŋ. Ñaamoo niŋ ŋaniŋo si faliŋ ì la sadaabodulaalu kaŋ. Bituŋ ì si a fo konko baalu ye ko, “Ali m̀ muuri!” Ì ye a fo konkoriŋolu ye, “Ali boyi ǹ kaŋ!”

Amosi 9:3

Hani niŋ ì taata maabo Karimeli Konkoo le santo, n si ì ñini ka ì fintindi naŋ jee, aduŋ hani niŋ ì maabota m ma fankaasoo duuma le, n si jiikono saa yaamari, a ye ì kiŋ.

Mika 7:17

Ì ye kankaŋo kunuŋ ko saa, ko kuruntu feŋolu, ì jarajaratoo ye finti naŋ ì la tatoolu kono, ì kijafaratoo ye naa ite Yaawe kaŋ, ǹ na Alla, ì ye sila i la.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Nahumu 2:1

Ite Ninewe, boyinkannaa le ka naa wuli i kamma. Wuli ko, i ye i la tatoo kanta, i kali siloo kaŋ juubee. I tewo siti, i ye i looraŋo bambandi.

Luka 23:30

Wo to le ì be a dati la ka a fo konko baalu ye ko, ‘Ali boyi ǹ kaŋ!’ Aduŋ ì be a fo la konkoriŋolu ye ko, ‘Ali m̀ muuri!’

1 Samuweli 13:6

Kabiriŋ Banisirayilankoolu ye a je ko, ì be bataa le kono, kaatu Filisitinkoolu ye ì dewundi baake le, ì ye i maabo berehuwolu kono, dinkoolu kono, bere konkoo kono, ŋaniŋolu teema, aniŋ koloŋolu kono.

1 Samuweli 14:11

Bituŋ ì ye ì faŋo yitandi Filisitinkoolu la. Filisitinkoolu ko, “Heyi, ali a juubee. Hiburunkoolu* doolu fele, ì ka ŋunuma naŋ ka bo naŋ dinkoolu kono, ì be maaboriŋ daamennu to.”