Nahumu 3:1 - Mandinka Bible

¹ Kooroo be yeleboŋ saatewo ye, faniyaa saatewo, saatewo meŋ be faariŋ ñapinkaŋ feŋolu la, saatewo meŋ, a la ñapinkandiroo maŋ dandulaa soto.

Nahumu 3:1 Mawu Ofanana

Jabuuroolu 62:10

Ali kana jiki nakaroo la, waraŋ ka faŋ waroo ke suuñaari feŋo kaŋ. Ali la naafuloolu si lafaa ñaa-wo-ñaa, ali kana jiki ì la.

Yesaya 17:14

Wo luŋo wulaaroo, teremmatoo silaŋ baa le be tara la keriŋ! Janniŋ fanoo ka ke, ì si yeemaŋ. Ñiŋ ne mu ǹ ñapinkannaalu niyo ti, aniŋ ǹ kasaaralaalu taa.

Yesaya 24:9

Moolu buka wayini miŋo niŋ denkiloo ke kotenke, doloo kuniyaata a minnaalu ye.

Yesaya 42:24

Jumaa le ye Yaakuba ke ñapinkaŋ feŋo ti, ka Banisirayila dii ñapinkannaalu la? Fo a maŋ ke Yaawe le ti baŋ, ŋà junube kuwo ke meŋ na? Kaatu a la moolu te soŋ na bula la a la siloolu nooma, aduŋ ì te a la luwaalu horoma la.

Hoseya 4:2

Kaloo, faniyaa, aniŋ moofaa, suuñaaroo niŋ jeenoo be fuumariŋ, yeleboŋ be yeleboŋ nooma.

Nahumu 2:12

Jatoo ka daafeŋ koteŋolu le faa, a ye a diŋolu konoo fandi ì la, a ye ì kaŋo kati jatamusoolu ye. A ka a la koloo fandi deema suboo le la, a taradulaa ye tara faariŋ suboo la.

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Habakuki 2:12

“Kooroo be ali ye, alitolu mennu ye saatewolu loo tilimbaliyaa kono. Ali ye yeloo boŋ ka ì loo.