Nahumu 2:8 - Mandinka Bible

⁸ Ninewe ka muluŋ ne ko jiidinkoo, meŋ jiyo ka bori. A moolu ka bori wo le ñaama, hani ì ko ì ye, “Ali loo, ali loo!” bari moo maŋ soto meŋ si loo ka muru.

Nahumu 2:8 Mawu Ofanana

1 Musa 10:11

Kabiriŋ a bota ñiŋ bankoo kaŋ ne mu, a taata Asuri. Bituŋ jee le mu, a ye ñiŋ saatewolu loo: Ninewe, Rehoboti-Iri aniŋ Kalaki.

Yesaya 13:14

“Moo-wo-moo boritoo be muruŋ na a la moolu yaa le, a wuluu bankoo kaŋ, ko ì ka minaŋo meŋ deema, ko saajii janjandiŋolu mennu maŋ kantarilaa soto.

Yesaya 38:14

N woosiita le ko kunoo, n woosiita ko puraa la woosiyo. N ñaa korita juubeeroo la saŋo santo le. Hee Maariyo, m bataata le, naa n deemaa.

Yesaya 47:13

I ye yaamarilaa jamaa le soto, i yaayita ì nooma fo i bataata. Lonnaalu mennu ka looloolu la kuwo koroosi, ka a fo le meŋ be ke la kari-wo-kari, wolu si naa i tanka maasiiboo la, meŋ be laa la i kaŋ.

Yesaya 48:20

Ali finti Babiloni, ali ye bori Babiloninkoolu la! Ali seewootoo ye wuuri, ka ñiŋ kankulaa, duniyaa tonkoŋ naanoo bee ñanta a loŋ na le ko, Yaawe ye a la dookuulaa Yaakuba kumakaa le.

Yesaya 59:11

M̀ bee ka ŋaara le ko daafeŋ saŋarariŋo*. Ǹ ka woosii ko puraa. M̀ be n yillaariŋ kiitii tilindiŋo le la, bari m̀ buka a je. Ǹ ka kiisoo ñini, bari a jamfata le.

Yeremiya 46:5

Ŋa muŋ ne je teŋ? Ì jikilateyita le, ì muruta ì koo la. Ì ye ì la kelejawaroolu noo le, ì borita tariyaake, ì buka hani kooma fele, kaatu maasiiboo le be karoo bee la.” Yaawe le ye a fo.

Yeremiya 47:3

niŋ ì ye suubori sinkaŋolu moyi naŋ, keleraŋ sareetoolu* maakaŋo, ì siŋolu borikaŋo, faalu te ì kooma fele la ì diŋolu la, ì buloolu ye lamfu.

Yeremiya 50:16

Ali fiifeŋ fiilaalu turutumbuŋ Babiloni, ka taa katirilaalu niŋ ì la worotoolu. Ì mantooralaalu la hawusari* keloo be a tinna le tumarankewo bee ye muru ì fansuŋ moolu yaa, moo-wo-moo ye bori a fansuŋ bankoo to.”

Yeremiya 51:13

Yaawe ko, “Ite Babiloni saatewo meŋ be siiriŋ jii jamaalu daala, i la naafuloo be siyaariŋ, i labaŋo le siita, i la baluwo juloo kuntuta le.

Yeremiya 51:30

Babiloni kelejawaroolu ye keloo bula le, ì tuta ì la tatoolu kono, ì jikilateyita le, ì lamfuta ko musoolu. Ì ye a saatee dundaŋ daalu kati, ì ye dimbaa duŋ buŋolu la.

Nahumu 1:1

Kiilaariyaa kumoo fele Ninewe saatewo la kuwo to, kibaaroo, Alla ye meŋ lankenemayandi Nahumu Elikosinkoo ma.

Nahumu 3:17

I la kantarilaalu be le ko jatatoŋolu, i la mansakundaa dookuulaalu ko kuntiŋ koorewo. Ì si tara denderiŋ sansaŋolu bala taariŋ, sumayaa waatoolu la. Niŋ tiloo bota ñaameŋ, ì ye taa, moo te a loŋ na ì taata daameŋ.

Lankenemoo 17:1

Wo malaayika woorowuloo mennu ye booli woorowuloo soto, kiliŋ ko n ye ì kono ko, “Naa! Ŋa cakamusu baa la kiitiyo yitandi i la, wo saatee baa, meŋ be siiriŋ baajii jamaalu daala.

Lankenemoo 17:15

Bituŋ malaayikoo ko n ye ko, “Baajiyolu, i ye mennu je, cakamusoo be siiriŋ daameŋ to, wolu mu bankoolu le ti, sii jamaalu, nasiyoŋolu aniŋ kaŋolu.