Nahumu 2:5 - Mandinka Bible

⁵ Kelediŋ kuntiyo si a la kelediŋ bambandiŋolu kumandi naŋ, ì kiditoo si bori saatewo tata sansaŋo to, tankaraŋ koteeroo* londita daameŋ.

Nahumu 2:5 Mawu Ofanana

Yesaya 21:5

Ì ye taabuloolu parendi le, ì ye basoolu feenee, ì ye domoroo niŋ miŋo ke. Kele ñaatonkoolu, ali wuli, ali ye koteeroolu* parendi keloo ye!

Yesaya 5:27

Hani moo kiliŋ ne maŋ bataa ì kono sako ka taki. Hani moo kiliŋ ne maŋ jinkoo sako ka siinoo. Hani ì la teesitiraŋ ne maŋ yomfa ì tewolu bala, sako ì la samata julu si kuntu.

Yeremiya 46:12

Banku koteŋolu ye a moyi le malu kuwo meŋ laata i kaŋ, aduŋ i la wuuroo ye duniyaa bee beŋ ne. Kelejawara niŋ kelejawara seyinta ñoo la le, ì bee boyita ñoo la.”

Yeremiya 50:29

“Ali kalafayilaalu kili Babiloni kamma, moo-wo-moo ka kaloo ŋaaji ka a fayi. Ali a suki karoo bee la, hani moo kiliŋ kana kana. Ali a joo a la baaroolu la, a ye meŋ ke, ka wo ñoŋ ke a la. A ye a faŋ wara nte Yaawe kaŋ ne ka n sooki, Banisirayila la Senuŋ Baa.

Nahumu 2:6

Boloŋo daalu si yele, mansabuŋo ye boyi piram.

Nahumu 3:18

Hee, Asiriya mansa, i la maralilaalu be jinkoo la, i la kee kendoolu be laariŋ, i la moolu be janjandiŋ konkoolu kaŋ, moo maŋ soto noo ka ì kafundi ñoo ma.

Nahumu 3:3

Suutiyolu si kirimbaasi ñaato keledulaa to. Sooroolu ye ŋalasi, hawusaroolu* ye tara malamalariŋ. Moo jurumoo ye faa, furewolu ye jurumi ñoo kaŋ, moo faariŋolu, dandulaa te tara la meŋ na. Kelediŋolu ye tara takiŋ-takiŋ na furewolu la.

Habakuki 1:8

Ì la suwoolu le tariyaata ka tambi soloo la, aduŋ itolu le ñamoo fatiyaata ka tambi suluu konkoriŋo la. Ì la suu borindilaalu si bo naŋ dulaa jaŋ, ì la suwoolu sinkaŋo be kuma la bankoo kaŋ. Ì tariyaatoo si ì jawoolu waliŋ keloo la ko niŋ seeliŋo be jii la suboo kaŋ duuma.