Nahumu 2:3 - Mandinka Bible

³ Ali jawoolu la koteeroolu* be wuleeriŋ ne, ì kelejawaroolu la duŋ feŋolu be wuleeriŋ. Ì la keleraŋ sareeti* newolu ka tara malamalariŋ ne, niŋ luŋo meŋ ì be pareeriŋ keloo la. Ì la hawusaroolu* ye tara wulindiriŋ santo.

Nahumu 2:3 Mawu Ofanana

Yuuba 39:23

A borindilaa la kalabeñoolu ka tara kuma kaŋ ì laa kono le, a la tamba kesoo niŋ tamba muroo ye tara falasi kaŋ tiloo la.

Jabuuroolu 80:13

Wulakono seewoolu ka kirimbaasi a kaŋ ne ka a kuura, wulakono daafeŋolu ka i baluu a la.

Yesaya 14:8

Junipa yiroolu ka seewoo Babiloni mansa kunna le, Libanooni sedari* yiroolu ka a fo ko, “Bayiri ì ye i la kuwo jindi le, moo maŋ naa ka m̀ boyi.”

Esekiyeli 23:24

Ì be bo la naŋ bulubaa karoo le la, ì niŋ ì la duni sambaraŋ sareetoolu, kelejooraŋolu, aniŋ ì la keleraŋ sareetoolu* aniŋ kelediŋ kafu baa, ì be ì faŋ parendi la le ka naa i ñapinkaŋ, ì be i kele la karoo bee le la, ì niŋ koteerindiŋolu* niŋ koteeri baalu, aniŋ keleraŋ nee naafoolu. M be i duŋ na ì bulu le, aduŋ ì be kuluuroo laa la i kaŋ ne, ko ì lafita a la ñaameŋ.

Esekiyeli 26:7

Maarii Yaawe ye ñiŋ ne fo ko: “A fele m be Babiloni mansa Nebukanesa le bondi la naŋ ite Tire ye maraa karoo la, meŋ na mansayaa maŋ ñoŋ soto duniyaa bee kono. A be naa suwoolu niŋ sareetoolu le la, a niŋ suuborindilaalu niŋ kelediŋ kafu baa.

Nahumu 3:2

Busoolu si kuma, sareeti siŋolu maakaŋo, suwoolu borikaŋo, aniŋ sareetoolu sawunkaŋo.

Jakariya 1:8

Suutoo ŋa jeroo ke jaharaŋo kono. Ñiŋ jeroo kono, ŋa kewo le je n ñaatiliŋo la, a be suu wuleŋo kaŋ, a be looriŋ miritali yiroolu kono wulumbaŋo kono. A kooma, suu koyi tiyolu be looriŋ jee, suu wuleŋ tiyolu, aniŋ mennu be ko wuluyeloo.

Jakariya 11:2

Junipa yiroolu, ali woosii, sedari yiroolu boyita, yiri kallankewolu tiñaata. Basani tundoo yiri baalu, ali woosii, wula dibiŋo yiroolu bee teyita le.

Jakariya 6:2

Sareeti foloo, wo niŋ suu wuleŋolu le mu, sareeti fulanjaŋo, wo niŋ suu fiŋolu le mu,

Lankenemoo 12:3

Bituŋ taamanseeri kaawakuuyaariŋ doo fanaa fintita saŋo santo. Ŋa ninkinanka baa le je, meŋ be wuleeriŋ ko dimbaa. Kuŋ woorowula le be a la, aniŋ bina taŋ. Mansanaafa woorowula le be a kuŋolu to.

Lankenemoo 6:4

Suu doo fanaa fintita naŋ, meŋ be wuleeriŋ. A borindilaa ye kaŋo soto le ka kayiroo bondi duniyaa kono fo moolu si ñoo faa, aduŋ hawusari* baa le diita a la.