Nahumu 2:2 - Mandinka Bible

² Ali ye Banisirayila kasaara le, Yaakuba koomalankoolu la bankoo, ali ye ì la wayini* yiroolu kasaara, bari Yaawe* ka naa a la semboo niŋ a la horomoo murundi a kaŋ ne.

Nahumu 2:2 Mawu Ofanana

Jabuuroolu 47:4

A ye bankoo tomboŋ ǹ ye ka a ke ǹ na keetaafeŋo ti, Banisirayila la ŋaañaaraŋ bankoo, a la kanu moolu. S

Yesaya 60:15

“Ì ye i koŋ ka ì koo dii i la ñaa-wo-ñaa, moo buka naa i yaa, bari m be i la kuwo warandi la le, fo abadaa, i ye ke seewoo dinkiraa ti jamaani naalaalu bee ye.

Yeremiya 25:29

A juubee, ŋa a dati le ka kasaaroo boyi saatewo kaŋ n too be meŋ kunna, wo to alitolu si kana noo n na kuluuroo ma ñaadii le? Ali te taa, m maŋ ali kuluu, kaatu n ka naa keloo le naati duniyaa moolu bee kaŋ ka bo niŋ hawusaroo la.” Yaawe Alihawaa Maariyo le ye a fo.

Yeremiya 48:11

“Mowabi tarata tankoo doroŋ ne kono biriŋ a dindiŋ, ì nene maŋ a samba mutoo kono. Mowabi ka munta le ko, wayinoo* meŋ tuta looriŋ ka tenkeyaa, ì maŋ a yelema ka bo bata ka taa bata. A la timiyaa nene maŋ tiñaa, a la diyaa be a ñaama le doroŋ.

Yeremiya 49:9

Niŋ wayini* yiridiŋ katilaalu le naata ali kamma, fo ì te karantaa tu la ali bala baŋ, waraŋ niŋ suuto suŋolu le mu, fo meŋ kaañanta ì fee, ì te wo doroŋ ne suuñaa la baŋ?

Esekiyeli 37:21

i ye a fo ì ye, nte Yaawe, ì Maariyo ye ñiŋ ne fo ko: M be Banisirayilankoolu fintindi la wo bantala bankoolu* kaŋ ne ì taata daameŋ. M be ì kafu la ñoo ma le ka bo naŋ dulaalu bee to, ŋa naa ì seyindi naŋ ì fansuŋ bankoo kaŋ.

Esekiyeli 37:23

Ì te ì faŋolu kosondi la ì la jalaŋolu la kotenke, aniŋ ì la kuu haraamuriŋ kewolu, aniŋ ì la boyidaalu. M be ì kiisandi la ì la junube kewo la le, ì dunta mennu kono, aduŋ m be ì seneyandi la le. Ì be ke la n na moolu le ti, ŋa ke ì la Alla ti.

Hoseya 10:1

Banisirayila be le nuŋ ko wayini* suŋ biireeriŋo, meŋ ka diŋ kendeke. Ì ka yiriwaa ñaameŋ, ì ka jalaŋ sadaabodulaalu* siyandi wo le ñaama. Ì la bankoo ka fanka ñaameŋ, ì ka jalaŋ bere samasiŋolu ñiiñandi wo le ñaama.

Nahumu 2:10

Ninewe teyita, a kenseŋyaata, a kasaarata. A moolu kijoo teyita, fo ì kumbaliŋolu ka busa ñoo la. Ì semboo bee taata, ì niyo kuyaata fo ì ñaadaa yelemata.

Nahumu 3:14

Jiyo fankanta, waatoo meŋ na ì be i suki la. I la tatoolu dadaa kuu, i ye potoo dori, i ye muuloo parendi birikikosoo ye.

Sefaniya 3:11

Ñiŋ luŋo la, malu kuu te laa la ali kaŋ kotenke, ali ye kuu kuruŋolu mennu tiliŋ n na nuŋ, ka balaŋ m ma. Bari m be kufantoolu niŋ faŋ wara moolu bee bondi la ali kono le. Moo te a faŋ wara la n na konko senuŋo* kaŋ kotenke.