Nahumu 1:5 - Mandinka Bible

⁵ Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

Nahumu 1:5 Mawu Ofanana

2 Samuweli 22:8

Bankoo jarajarata, saŋo biliyolu fondamaŋolu jiijaata. Ì maamanta le, kaatu a kamfaata le.

Yuuba 26:11

Niŋ a ye saŋo biliyolu maamandi, ì si jiijaa, ì ye jarajara, silaŋo kamma la.

Yuuba 9:5

Ate le si a noo, a ye konkoolu ñorindi, a maŋ sara dii. Aduŋ niŋ a kamfaata, a si a noo, a ye ì katiŋ-katiŋ ñoo kono.

Jabuuroolu 104:32

Niŋ a ye bankoo juubee, bankoo ka jarajara le. Niŋ a ye konkoolu maa, ì ka siisii le.

Jabuuroolu 114:4

Konko baalu sawuŋ-sawunta ko saajiikotoŋolu, konkoriŋolu, ko saajiiriŋolu.

Jabuuroolu 114:6

Alitolu konko baalu, muŋ ne ye ali sawuŋ-sawundi ko saajiikotoŋolu, aniŋ alitolu konkoriŋolu, ko saajiiriŋolu?

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.

Jabuuroolu 18:8

Siisiyo bota naŋ a nuŋo kono, dimbaa bota naŋ a daa kono, dimbaa keñemboo bota a bala.

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

Jabuuroolu 68:8

bankoo jarajarata le, saŋ fatoolu ye samaajiyo jurumi, ite Sinayi Konkoo la Alla naatoo naŋ, ite Alla, Banisirayila la Alla ñaatiliŋo la.

Jabuuroolu 98:7

Fankaasoo ye bumbuŋ, aniŋ a kono feŋolu bee. Bankoo bee ye suukuwo laa, aniŋ feŋ-wo-feŋ be baluuriŋ a kaŋ.

2 Musa 19:18

Siisiyo ye Sinayi Konkoo bee muuri, kaatu Yaawe jiita a kaŋ niŋ dimbaa le la. Siisiyo budubuduta ko niŋ siisiyo ka bo fuuroo le to. Konkoo bee jarajarata kendeke,

Yesaya 24:1

Saayiŋ Yaawe* pareeta le, ka duniyaa tumbuŋ aniŋ ka a kenseŋyandi. A be bankoo yelemandi la le, a ye a moolu janjandi.

Yesaya 24:20

Bankoo ka fiiloo ko siiratoo, a ka jiijaa ko jembereŋ be foño kono. A la balaŋo ye dunoo kuliyandi a kaŋ, fo a boyita, a maŋ wuli noo kotenke.

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 4:24

Ŋa konko baalu juubee le, ŋa a je ì be jarajara kaŋ, konkoolu bee be jiijaa kaŋ.

Esekiyeli 38:20

Ñewolu mennu be baa kono, kunoolu mennu ka tii santo, daafeŋolu mennu bee be wuloo kono, kuruntu feŋolu mennu bee ka kuruntu bankoo kaŋ, aniŋ moolu mennu bee be duniyaa kono, ì bee be jarajara la n ñaatiliŋo la le. Konkoolu be boyi la duuma, tintiŋolu bee be fotiŋ na ka jurumi naŋ duuma, aduŋ tata sansaŋolu bee be boyi la bankoo to le.

Yoweli 2:10

Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Amosi 9:5

Niŋ Yaawe Alihawaa Maariyo* ye duniyaa maa, a si jarajara. A si jiijaa ko Nayili Boloŋo meŋ be Misira. Duniyaa moolu bee si saŋawoosii.

Mika 1:4

Konkoolu si yeluŋ a koto, ko niŋ i ye kaañoo laa dimbaa to, aniŋ ko jiyo ka bori jindaa la ñaameŋ, ka wulumbaŋolu fara.

Habakuki 3:10

Biriŋ konkoolu ñaa boyita i kaŋ, ì jarajarata le, jii jamaa bonta naŋ duuma. Fankaasoo bumbunta, a ye jiibaliŋo moolondi santo.

Jakariya 4:7

“Serubabeli, kuu koleŋolu mennu be warariŋ ko konko baa, be yeemaŋ na i ñaato le. I be Alla Batudulaa Buŋo* lookuu la le. Niŋ i be a bere labaŋo laa la, moolu niŋ seewoo le be wuuri la ñiŋ ti ko: Allamaa a neema la, Allamaa a neema la!”

Malaki 4:1

“Luŋo be naa kaŋ ne meŋ be wulee la ko fuuri dimbaa. Luŋo meŋ, faŋ wara moolu niŋ kuu kuruŋ kelaalu be jani la ko ñaama jaaroo. Niŋ ñiŋ luŋo naata, ì bee le be jani la, ì ye baŋ fereŋ. Nte Yaawe Alihawaa Maariyo* le ye a fo.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Matiyu 28:2

Wo to le banku jarajara baa keta, aduŋ Maariyo la malaayikoo jiita naŋ ka bo Arijana kono. Bituŋ a ye beroo birimintiŋ, a ye a bondi kaburoo daa to, a siita a kaŋ.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 6:14

Ŋa saŋ fatoolu je yeemaŋ na ko kayitoo, ì ye meŋ moromoro, aduŋ konkoolu niŋ baajooyoolu bee bota ì noolu to.

Kiitindirilaalu 5:5

Konkoolu jarajarata Yaawe ñaatiliŋo la, hani ñiŋ Sinayi Konkoo faŋo, Yaawe ñaatiliŋo la, Banisirayila la Alla.