Nahumu 1:1 - Mandinka Bible

¹ Kiilaariyaa kumoo fele Ninewe saatewo la kuwo to, kibaaroo, Alla ye meŋ lankenemayandi Nahumu Elikosinkoo ma.

Nahumu 1:1 Mawu Ofanana

1 Musa 10:11

Kabiriŋ a bota ñiŋ bankoo kaŋ ne mu, a taata Asuri. Bituŋ jee le mu, a ye ñiŋ saatewolu loo: Ninewe, Rehoboti-Iri aniŋ Kalaki.

2 Mansoolu 19:36

Bituŋ Asiriya mansa Sennakeribu ye daakaa janjaŋ, a seyita ka taa sii Ninewe saatewo to.

Yesaya 10:5

Yaawe ko, “Kooroo be Asiriya mansa ye, n na kamfaa busamaa, aniŋ n na liparilaŋ dokoo be meŋ buloo kono.

Yesaya 13:1

Kiilaariyaa kumoo fele Babiloni la kuwo to, meŋ lankenemata Yesaya Amosi dinkewo ye.

Yesaya 14:28

Ñiŋ kiilaariyaa kumoo naata le saŋo meŋ na, Mansa Ahasi faata.

Yesaya 15:1

Kiilaariyaa kumoo fele Mowabi la kuwo to. Ari meŋ be Mowabi, kasaarata le suuto kiliŋ! Kiri meŋ be Mowabi, kasaarata le suuto kiliŋ!

Yesaya 19:1

Kiilaariyaa kumoo fele Misira la kuwo to. A juubee, Yaawe* tariyaatoo le ka naa Misira, a ka naa niŋ saŋ tawaloo le la. Misira jalaŋolu be jarajara la a ñaatiliŋo la le, Misirankoolu kijoo ye teyi.

Yesaya 21:1

Kiilaariyaa kumoo fele keñewuloo* ye baa maafaŋo la. Ko saafoñotoo niŋ semboo ka naa Nekefu* tundoo to ñaameŋ, kasaaroo ka bo naŋ keñewuloo kono wo le ñaama, ka bo bankoo to meŋ silaŋñaa warata.

Yesaya 22:1

Kiilaariyaa kumoo fele, ŋa meŋ je wulumbaŋo la kuwo to. Ali ka muŋ maañaa le ke teŋ, ka sele buŋ santo teruriŋolu* kaŋ ka juuraloo ke?

Yesaya 23:1

Kiilaariyaa kumoo fele Tire la kuwo to. Hee Tarisi kulunkononkoolu, ali lemba, kaatu Tire kasaarata le. Hani buŋ ne maŋ tu jee sako tendaa. Ì ye a kibaaroo soto Kitimu le.

Yeremiya 28:8

Annabiyomoolu mennu naata ite niŋ nte ñaa, waati jaŋ koomanto, wolu ye kiilaariyaa kumoolu fo le ko keloo, kasaara jawoo, aniŋ alibalaa kuuraŋo le be naa banku jamaa kaŋ, aniŋ mansamarali banku baalu kaŋ.

Yunusa 1:2

A ko a ye ko, “Wuli, i ye taa wo saatee baa to, meŋ too mu Ninewe ti. Ì fatandi ì la kuu kuruŋ kewo la, i ye a fo ì ye ko, ŋa ì la kuruŋyaa kalamuta le.”

Nahumu 2:8

Ninewe ka muluŋ ne ko jiidinkoo, meŋ jiyo ka bori. A moolu ka bori wo le ñaama, hani ì ko ì ye, “Ali loo, ali loo!” bari moo maŋ soto meŋ si loo ka muru.

Habakuki 1:1

Yaawe* ye ñiŋ kiilaariyaa kumoo le lankenemayandi Annabilayi Habakuki ma.

Sefaniya 2:13

Yaawe bulu be laa la maraa la maafankoolu kaŋ ne, a ye Asiriya kasaara, a ye Ninewe kenseŋyandi, a ye jee jandi ko keñewuloo*.

Jakariya 9:1

Yaawe* la kumoo fele, a ye meŋ fo Hadiraki tundoo ma, aniŋ Damasiku saatewo. A ñaa be looriŋ hadamadiŋolu bee kaŋ ne, ko a ñaa be Banisirayila lasiloolu bee kaŋ ñaameŋ.

Malaki 1:1

Malaki ye Yaawe* la kiilaariyaa kumoo meŋ futandi Banisirayilankoolu ma: