Mika 7:3 - Mandinka Bible

³ Ì ka kuu kuruŋo baara ì bulu jinsoolu la le, aduŋ ì kalanta wo la le. Maralilaalu ka feŋolu kaniŋ moolu bulu, kiitiikuntulaalu ka dukoo muta moolu bulu, sembetiyolu ka kaŋo dii ka kuwo laa, ko itolu lafita a la ñaameŋ. Ì ka deŋ teŋ ne ka tooñaa nakari.

Mika 7:3 Mawu Ofanana

Kuma Kotoomaalu 16:30

Moo meŋ ka a ñaa kati moolu ye, a ka feere jawoo le siti, aduŋ meŋ ka purucaroo ke, wo ka tara fitina kuwo le nooma.

Kuma Kotoomaalu 17:23

Moo kuruŋo ka dukoo muta kulloo le kono, ka jenke luwaa siloo la.

Yesaya 1:23

I la maralilaalu mu balannaalu le ti, aduŋ suŋolu le ka ke ì taañoolu ti. Ì bee lafita duku mutoo la le, aduŋ ì ka tara soorifeŋolu le nooma. Ì buka loo aliyatiimoolu la kuwo la, ì buka hani i lamoyi furuyaamusoolu la kiitiyo la.

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Yesaya 3:5

Moolu be ñoo mantoora la le, moo si boyi a ñoŋ moo kaŋ, siiñoo, a siiñoo kaŋ. Fondinkewolu si i loo alifaalu fee, moo kenseŋolu si jutunnayaa tiliŋ buuñaa moolu la.

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.

Yesaya 5:23

aniŋ ka dukoo muta moo boyiriŋo bulu, ka moo la tooñaa nakari meŋ maŋ boyi.

Yeremiya 3:5

I ka a fo ko, ‘Fo a be tu la kamfaariŋ n kamma le, ka tu kamfaariŋ n kamma fo fawu?’ A fele, i ka wo doroŋ ne fo, bari i ye kuu kuruŋo bee le ke, i ye meŋ noo.”

Yeremiya 4:22

Yaawe ko, “N na moolu mu toolewolu le ti, ì maŋ nte loŋ. Ì mu dindiŋ hakilintaŋolu le ti, ì maŋ fahaamuroo ke. Ì kalanta kuu jawu kewo la le, bari ì maŋ kuu kende kewo noo.”

Yeremiya 8:10

Wo kamma la m be ì la musoolu dii la moo koteŋolu le la, ŋa ì la kunkoolu dii ì noobaalu la, kaatu biriŋ moondiŋ, fo moo baa, ì bee le hadumeta ka sotoo ke niŋ jenkoo la. Ka bo a annabiyomu, fo a piriisi*, ì bee le ka taama faniyaa la.

Esekiyeli 22:12

Doolu ka dukoolu muta, ì ka boloo buusi bolootiyo la, ì ka naa a tilimbaliyaa faa wo kaŋ, doolu ka kañewo ñini le fo ì ka lankaŋ tambiriŋo kaniŋ ì baadiŋolu bulu, mennu ye dontoroo ke ì bulu. Ì ka ì siiñoolu la sotofeŋolu taa nakaroo kono, aduŋ a bee jawumaa, ì naata ñina nte Yaawe la le fereŋ.” Maarii Yaawe le ye a fo.

Esekiyeli 22:27

Ì la ñaatonkoolu ka muluŋ ne ko suluwolu mennu ka ì la suboolu faraŋ-faraŋ. Ì ka moolu faa le, ì ye ì fondi ì la baluwo la, fo ì si wolu la naafuloolu taa nakaroo kono.

Esekiyeli 22:6

“A juubee baŋ, Banisirayila maralilaalu mennu be sabatiriŋ ite Yerusalaamu kono, ka ì semboo taa ñaameŋ ka tu moolu faa la ka ì yeloo boŋ i kono taariŋ.

Esekiyeli 34:21

Baawo ali ka ñoo ñoriŋ-ñoriŋ ne, ka ñiŋ sembentaŋolu junku niŋ ali binoolu la, fo ali ye ì bee janjandi,

Esekiyeli 9:9

Wo to le, a ye n jaabi ko, “Banisirayilankoolu niŋ Yahuuda moolu la kuruŋyaa landatambita le. Ì ye ì la bankoo kaŋ bee fandi niŋ moofaa niŋ tilimbaliyaa kuwolu le la. Ì ka naa a fo ko, ‘Yaawe ye a daa bondi ǹ na bankoo la kuwo to le, a buka ǹ je.’

Hoseya 4:18

Ì la dolo miŋ baa koolaa, ì la niidiyaa ka ke cakayaa le ti, ì ka lafi malu kuwo le la diina horomoo ti.

Hoseya 7:3

Yaawe* ko: “Ì la kuu kuruŋ kewo, ì ka mansa kontaanindi wo le la, maralilaalu, ì la neeneeroo la.

Amosi 5:12

Ŋa a loŋ ne, ali ye kuruŋyaa kuwolu mennu bee ke, aniŋ ali la junube kuukewo warata ñaameŋ. Ali ye moo tilindiŋolu batandi, ali ye dukoolu muta. Ali ye tooñaa nakari fuwaaroolu bulu kiitiidulaalu to.

Mika 2:8

Yaawe ko: “Alitolu le keta moolu ti, mennu loota n na moolu ye jawuyaa daa to. Ali ye tambilaalu la dendika baalu wura ì la, mennu maŋ i yillaa kuu jawu-wo-kuu jawu ma, aniŋ ko keloo be ke la.

Mika 3:11

A kuntiyolu ka kiitiyo kuntu dukoo le la, a piriisoolu* ka karandiroo ke kodoo le ye, aduŋ a annabiyomoolu fanaa ka ñaato kuwolu fo moolu ye kodoo le kamma. Ì la ñiŋ kuwolu bee keriŋo koolaa, hani wo bee ì ka tara jikiriŋ Yaawe la ka a fo ko, “Fo Yaawe le maŋ tara ntolu fee? Maasiiba kuu te laa la ntolu kaŋ.”

Mika 3:2

Alitolu mennu ka kuu kendoo koŋ, ali ye kuu kuruŋo kanu. Ali ye n na moolu baloo bee namaŋ-namaŋ, ko niŋ i be beeyaŋo busu la, ka ì kuloolu niŋ ì bala suboo talaa.

Matiyu 26:15

A ko ì ye ko, “Ali be muŋ ne dii la nte la, niŋ ŋa Yeesu duŋ ali bulu?” Bituŋ ì ye kodiforo kuntu taŋ saba dii a la.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.