Mika 7:17 - Mandinka Bible

¹⁷ Ì ye kankaŋo kunuŋ ko saa, ko kuruntu feŋolu, ì jarajaratoo ye finti naŋ ì la tatoolu kono, ì kijafaratoo ye naa ite Yaawe kaŋ, ǹ na Alla, ì ye sila i la.

Mika 7:17 Mawu Ofanana

2 Samuweli 22:46

Ì bee ka jikilateyi le, ì jarajaratoolu ka bo naŋ ì la tatoolu kono.

2 Taarika 17:10

Yaawe silaŋñaa naata duŋ mansamarali bankoolu bee la Yahuuda dandaŋo la, a ye a tinna hani kiliŋ maŋ haañi ka keloo tiliŋ Yehosafati la.

Jabuuroolu 18:45

Ì bee ka jikilateyi le, ì jarajaratoolu ka bo naŋ ì la tatoolu kono.

Jabuuroolu 72:11

Mansoolu bee si ñoyi a koto, aduŋ duniyaa bankoolu bee si dookuwo ke a ye.

Jabuuroolu 72:9

Keñewuloo* kono siilaalu bee si ñoyi a ye, aduŋ a jawoolu bee si i boyi a ye duuma.

Jabuuroolu 9:20

Yaawe, silaŋo dundi ì la. Ì londi ñiŋ na ko, ì mu hadamadiŋolu doroŋ ne ti. S

Yesaya 25:3

Wo to banku sembemaalu be i horoma la le, banku saŋarariŋolu la saatewolu ye sila i la.

Yesaya 49:23

Mansoolu le be ke la i diŋolu la kuluuribaalu ti, ì la mansamusoolu ye ke i diŋolu ye bambaanoolu ti. Ì be ñoyi la i ñaatiliŋo la le, ì kuŋolu ye tara jimiriŋ duuma, ì ye kankaŋo newuŋ i siŋolu bala. Wo to le i be a loŋ na ko, nte le mu Yaawe ti, moolu mennu ye ì jikoo loo n kaŋ, te jikilateyi la.”

Yesaya 59:19

Wo to tilijiilankoolu be sila la Yaawe la le, tilibolankoolu te haañi la a la sembe waroo la, kaatu a be naa la le ko waame baa, Yaawe la niijii kaŋo ka meŋ bayindi.

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Yesaya 64:2

Ko dimbaa ka loo mala ñaameŋ, aniŋ ka jiyo fajindi taa to, i la naa be bankoolu jarajarandi la niŋ silaŋo la wo le ñaama. Wo to i jawoolu be i too la waroo loŋ na le.

Yesaya 65:25

Suluwo niŋ saajiiriŋo be domoroo ke la ñoo kaŋ ne, jatoo be ñaamoo ñimi la ko ninsoo, kankaŋo ye ke saa la domoroo ti. Ì te mantoora ke la, ì te kasaarali ke la n na konko senuŋo* bee kaŋ. Nte Yaawe le ye a fo.”

Yesaya 7:19

“Ì be naa le ka tara jurumiriŋ wulumbaŋolu kono, berehuwolu kono, ka taa ŋaniŋ sutoolu be daa-wo-daa, aniŋ dapewolu be daameŋ.

Yeremiya 16:16

Yaawe ko: “A juubee, m be ñeemutalaa jamaalu le kumandi la naŋ, ì ye naa ì muta ko ñewolu. Wo koolaa m be deemalaalu fanaa kumandi la naŋ ne, ì ye ì deema konko baalu niŋ konkoriŋolu bee kaŋ taariŋ, aniŋ ka bo berehuwolu kono.

Yeremiya 33:9

Ñiŋ Yerusalaamu saatewo too si ke n ye seewoo ti, duniyaa banku koteŋolu bee ye n jayi, ka n horoma baake, niŋ ì ye a moyi nte ye kuu kendoo meŋ bee ke ñiŋ saatewo moolu ye. Wo moolu be kuu kendoo niŋ firiŋo je la le, ŋa meŋ dii ñiŋ saatewo la, fo ì ye sila ka jarajara.

Niikuyaa Suukuwolu 3:29

Hani a daa si bankoo maa, bari jikoo si tara a ye hani ka bii.

Jakariya 14:5

Ali be bori la niŋ ñiŋ wulumbaŋo le to la, Yaawe la konkoolu teema. Ñiŋ wulumbaŋo be taa le fo a ye naki Aseli la. Ali si bori ko ali mumuñolu borita banku jarajaroo ma ñaameŋ Yahuuda Mansa Usiya tiloo la. Bituŋ Yaawe, n na Alla si naa a niŋ a la malaayika senuŋolu bee.

5 Musa 32:24

Konkoo si ali labara, balakandoo niŋ kuuraŋ jawoo si ali kasaara. Daafeŋ saŋaroolu si ali faraŋ-faraŋ, saa kunamaalu ye ali kiŋ.

Yosuwa 9:24

Ì ye Yosuwa jaabi, ì ko a ye ko, “Ntolu mu i la joŋolu le ti, ì ye a fo ǹ ye senunke le, Yaawe i la Alla ye a la dookuulaa Musa yaamari le, ka ñiŋ bankoo bee dii ali la, aniŋ ka bankoo ñiŋ diŋolu bee turutumbuŋ. Ali la kuwo, wo le ye ntolu sila ka ǹ niyolu tankandi, wo le ye a tinna ŋà ñiŋ ke.

Lankenemoo 3:9

A juubee, m be kuwo meŋ laa la wo moolu kaŋ, mennu mu Seetaanoo* la kafoo ti. Ñiŋ faniyaa folaalu ka ì faŋolu kumandi Yahuudoolu le la, bari ì maŋ ke wolu ti. M be a tinna le, fo wo moolu ye naa ka sujudi i siŋolu to, aduŋ ì be a loŋ na le ko, nte ye i kanu le.

1 Samuweli 14:11

Bituŋ ì ye ì faŋo yitandi Filisitinkoolu la. Filisitinkoolu ko, “Heyi, ali a juubee. Hiburunkoolu* doolu fele, ì ka ŋunuma naŋ ka bo naŋ dinkoolu kono, ì be maaboriŋ daamennu to.”